O mundo é grande

Estamos aprendendo a canción O mundo é grande de Mamá Cabra. A música é de Leroy Anderson (The syncopated clock) e a letra de Tomi López. 

O Mundo é grande, como saberás
e somos tantos, quen nos contará?
Cen mil maneiras de falar, cen mil maneiras de cantar.

E neste mundo, o mesmo Sol
danos a vida  e danos calor.
Os ventos sopran sen parar
sexas da India ou Portugal

E cada un nacerá no seu lugar e será,
o que queira aprender...
bombeiro, surfista ou chofer. 

O Mundo é grande, xa cho dixen xa,
e ser distinto é "diversidá".
Do Polo Norte ata o Sur,
distintas razas ti verás.

O mundo é grande, ti mesmo o verás
ser diferente non é "casualidá".
Distinto pelo, distinta cor,
os mesmos soños, mesmo amor

Cantámola, acompañándoa de instrumentos de pequena percusión, marcando o pulso forte-débil do reloxo, á vez que facemos un sinxelo desprazamento.

Os alumn@s de 6º montaron unha presentación con esta canción e tamén editamos o vídeo coa coreografía.