O xoves 14 de xuño reunímonos no ximnasio todo o alumnado e profesorado para o acto de entrega de diplomas TEI.

 Educación Infantil:

Como agradecemento por ser un amigo/a especial!

5º Educación Primaria:

Como gradecemento a titores/as e colaboradores/as TEI!

E ademais: Sorteo da "Árbore TEI da amizade" (unha por cada aula de 5º)

Fotos publicadas na galería, nos álbums:

Diplomas_agrademento_EI e Diplomas_agradecemento_5º

PARABÉNS!

Dentro das actividades programadas para o desenvolvemento do Proxecto TEI (Titoría entre Iguais), o alumnado de 3º e 5º de Educación Primaria participaron, o pasado 31 de maio, nunha charla de CASAGA sobre o uso de animais no rescate de persoas en situacións de emerxencia. A continuación, no patio do colexio, asistiron a un simulacro de rescate protagonizado por varios cans e contou coa participación voluntaria do alumnado.

Este actividade foi organizada polo profesorado participante no Proxecto TEI e contou coa colaboración da Concellería de Benestar do Concello de Ferrol.

Imaxe da charla sobre o TEI (Titoría Entre Iguais) que, como xa se informou, tivo lugar o 6 de marzo pola tarde na biblioteca.

O noso agradecemento a Esperanza González (orientadora do CEIP Isaac Peral) quen, acompañada de Gala Fernández (coordinadora do proxecto no CEIP Recimil), se encargou de impartir esta sesión formativa-informativa sobre o TEI salientando a súa importancia como un programa que busca a mellora da convivencia e a prevención do acoso escolar.

Os colaboradores e colaboradoras TEI montaron o mural dos escudos (elaborados nunha actividade de cohesión do 1º trimestre) e colgárono na entrada do cole.

Premer nas imaxes para velas a tamaño orixinal.

Durante a semana do 23 ao 27 de outubro contamos coa visita, como observadoras, de Irena e Gosia, dúas profesoras polacas. Ademais de amosarlles as instalacións e acompañarnos nalgunhas clases tamén estiveron moi interesadas en saber como funciona o centro.

Consideraron moi positiva a colaboración do alumnado de 5º/6º de EP (na biblioteca, na ludoteca, na organización da excursión de fin de etapa, nos xogos do patio...), gustoulles o clima que percibiron en canto á convivencia no centro, interesáronse por algúns traballos que viron expostos ou que se estaban a realizar... Pero sobre todo encantoulles o programa TEI!  Unha destas profesoras tivo ocasión de coincidir co creador do programa Andrés G. Bellido e manifestarlle o interesante que sería implantar o programa en Polonia. Dado que se trata dun programa implementado en diferentes países do mundo, quen sabe... pode que o próximo sexa Polonia!

E xa que a comunicación con elas foi en inglés dicímoslles:

THANK YOU VERY MUCH FOR YOUR VISIT!