TEI EP

O 23 de marzo, o alumnado de 3º realizamos unha actividade do Plan De Acción Titorial dentro do programa de Titoria Entre Iguais. A actividade chámase: "Por cuatro esquinitas de nada". O obxectivo é traballar valores como a integración e a inclusión.

   Esta semana fixemos un escudo entre os titores de 5º e os nosos alumnos titorizados de 3º. Tratábase de facer un escudo que representase as nosas afeccións, para que nos coñezamos mellor e poidamos compartilas.

Unha experiencia inolvidable!

                                                                                                                                                                            Carlota Bermúdez,   5ºA

Na película "Do revés", á que o alumnado de 3º foi invitado a ver polos titores de 5º, preséntanse 5 emocións: alegría, ira, medo, asco e tristeza. Despois chegou o momento de introducir dúas emocións máis: VERGONZA e SORPRESA.

Nunha sesión, a través de actividades individuais e en grupo, este alumnado de 3º reflexionou sobre o que significan estas dúas emocións para eles e compartiu experiencias ou situacións vividas con cada unha delas.

Acceso a TEI 16-17 na galería.

O pasado xoves 19 de xaneiro asistimos no noso Centro a un acto de presentación entre o alumnado de 3º e 5º de primaria, protagonistas e principais implicados no Programa TEI (Titoría Entre Iguais).

A cada neno e nena de 5º presentóuselle o neno ou nena de 3º (nalgún caso máis de un) que vai titorizar. Isto supón que o titor/a adquire o compromiso de intervir, con iniciativas e boas prácticas, se o seu titorizado sofre situacións nas que detecte algún síntoma de violencia ou acoso.

Presentáronse tamén os colaboradores, de 5º curso, que sen ser titores van axudar no desenvolvemento do programa.

Despois da presentación, para fomentar  a empatía, o respecto e o compromiso entre todo este alumnado, fixeron entre eles enquisas e algún xogo.