TEI EP

     Acto de entrega de diplomas e carnés ao alumnado titor e colaborador do programa TEI, presentado por Nati, a profesora substituta da coordinadora do programa. Os encargados de facer a entrega foron: unha nai como representante das familias, Zoraida, o Delegado Provincial da Xunta, o Xefe Territorial de Educación e o Director do CFR.      Foi un acto moi emocionante, especialmente para estes nenos/as de 5º que recoñecían que se atopaban un pouco nerviosos.

Premer na imaxe para ver as fotos publicadas na galería.

Enlace á noticia publicada no "Diario de Ferrol" o 10 de outubro.

Comezou a andadura do TEI deste curso coas sesións de información para o alumnado titor e titorizado e a sesión de formación para o alumnado titor (5º EP).

E tivemos a sorte de contar con Zoraida, ata o curso pasado orientadora e xefa de estudos no CEIP Recimil, para encargarse de moderar estas primeiras actividades.

MOITAS GRAZAS, ZORAIDA!

Un alumno de 5ºA e unha alumna de 5ºB fomos, o pasado venres 5 de maio, a unhas "Xornadas de Equipos  Directivos" que se celebraron no Pazo de Mariñán. Explicámoslles como funciona o TEI no noso cole.

A nós pareceunos unha moi boa experiencia.

(Premer na imaxe para vela en tamaño orixinal).

                              Luna López e Miguel Trillo

                              5ºB           5ºA

Todo empezou coa creación da "ÁRBORE DA AMIZADE", coa axuda dos colaboradores do programa TEI.

Despois foron os titores e titorizados os primeiros en deixar a súa pegada na árbore.

O 7 de abril foi a quenda das pegadas do resto do alumnado do centro.

Por iso nos está quedando tan ben esta árbore que está exposta na entrada principal do centro.

Pero... aínda faltan pegadas... Non si?

O 23 de marzo, o alumnado de 5º realizou unha actividade do Plan de Acción Titorial, dentro do programa  de Titoría Entre Iguais. A actividade denomínase "Unha nova vida" e ten como obxectivo traballar valores como a empatía e a inclusión.