Complementarias

Onte 1º, 2º e 4º foron ao concello á presentación por parte do alcalde e a autora do libro "Jules Verne e o pesadelo de Xulia", no que se relata unha versión do capítulo da obra "20.000 leguas de viaxe submarina" que transcorre en Vigo.

Aproveitamos a ocasión para visitar o pleno do concello e a sala de control de tráfico.

Clicade aquí para acceder á galería de imaxes da sesión.

Aproveitamos para adxuntar a noticia na que sae a nosa foto nesta ligazón do Atlántico Diario.

Deixámosvos aquí unha ligazón a unha noticia do Faro de Vigo no que se fala de Verne, o Nautilus, a ponte de Rande... En definitiva que está directamente relacionada co proxecto que estamos a tratar este ano no cole.

Ademais tedes un video das profundidades da nosa ría, no que poderemos observar, entre outros, varios polvos desprazándose polo noso fondo mariño.

A vindeira semana será a semana de entroido, por este motivo, dende hoxe o Capitán Nemo que é o noso Meco, vai a mandar unha orde cada día que deberemos realizar para o día seguinte.

O luns teremos que traer algún peiteado especial pois a norma que deu hoxe foi "se no mar queres presumir, un peiteado tes que lucir".

O martes teremos que traer as uñas pintadas pois... "se no mar queres brillar, as uñas tes que pintar"

O mércores teremos que ir en pixama ao cole pois... "Se no mar non te queres arrefriar, un pixama tes que levar"

O xoves na última orde do Meco temos que ir moi cargados... "Se no mar queres descansar, coxín, peluxe e manta tes que levar"