try another color:
try another fontsize: 60% 70% 80% 90%
CEIP Otero Pedrayo
Sembra nos nenos boas ideas, aínda que non as entendan... O tempo encargarase de descifralas no seu entendemento e faranas florecer no seu corazón.

Mercado do Progreso

Onte o alumnado de 2º, 3º e 4º foi de visita ao mercado do Progreso onde descubriron a importancia dunha alimentación saudable e, para tomar exemplo, foron ao supermercado e con ingredientes frescos fixeron unha riquísima empanadilla de merluza.

Podedes clicar nesta ligazón para acceder á galería de imaxes.

 

 

Visita ao Concello

Hai duas semanas, o alumnado de 5º e 6º foi de visita ao Concello.

Alí percorreron as súas instalacións, estiveron nun pleno moi especial (pois foron eles os participantes), na sala de prensa, charlaron co alcalde...

Foi unha visita moi entretida.

Se clicades na foto podedes acceder á galería de imaxes:

Conxuro de Samaín

É a noite dos mortos

Pantasmas e esqueletos,

andan todos soltos...

Así comeza o conxuro que o alumnado de 5º de primaria preparou para escorrentar ás meigas e demos no Samaín.

Mirade que ben o fixeron!

Degustación de outono

Hoxe no cole a ANPA organizou unha degustación con alimentos propios do outono. Había de todo: pasteis con cabaza, noces, castañas, laranxas, kiwi, moitos tipos diferentes de biscoito...

Moitísimas grazas a todas as familias que participaron aportando os seus postres caseiros a esta celebración.

Foi toda unha festa para os nosos sentidos!

 Se clicades na foto podedes acceder á galería de imaxes.

Samaín e magosto

Onte no cole celebramos o magosto, asando castañas no patio e facendo xogos populares por grupos. Ademais, como era o día do Samaín, todos puidemos ir disfrazadas de personaxes terroríficas.

Pasámolo en grande. O único problema foi que na metade dos xogos comezou a chover e tivemos que entrar no cole, polo que temos pouquiñas fotos dos xogos, pero non pasa nada. Gardamos no recordo todas as cousas que fixemos, así que podedes preguntarnos cando queirades. Guiño

Se queredes ver as pouquiñas fotos que temos, podedes clicar nesta ligazón: fotos do Samaín.

Que pasedes uns días monstruosamente divertidos!

Mimu xa está aquí

Onte xa anunciamos pola megafonía do cole, que a partir de agora temos un novo amigo. Chámase Mimu e é unha radio na que podedes introducir suxerencias co nome das cancións que queredes que soen durante as entradas.

As notiñas poden ir acompañadas dunha mensaxe para que lle adiquemos a canción a algún amigo ou amiga, nese caso deberedes asinar a nota para saber de parte de quen vai a mensaxe.

A única condición que pon Mimu para poñer a vosa música é que sexan cancións respetuosas.

E a bailaaaarrr!!

PD: Mirade que bonitiño é Mimu:

 

Normativa e organigrama do centro

Podedes consultar aquí as normas relativas ao funcionamento do centro, así como as funcións de cada docente e os integrantes do Consello Escolar para este curso 2018-2019.

 

 

Volta ao cole!

Estades nerviosos? Mañá volvemos ao cole, e para que vaiades quentando motores podedes ir animándovos con esta canción.

Porque este planeta é divertido e no noso cole moito máis! Sorriso

Distribuir contido