try another color:
try another fontsize: 60% 70% 80% 90%
CEIP Otero Pedrayo

Complementarias

Celebrando o día das Letras Galegas

Hoxe celebramos no cole o Día das Letras Galegas, por este motivo saímos ao patio antes do recreo para cantar entre todos o himno galego. Despois do recreo desfrutamos coa actuación do grupo de títeres "Tanxarina" que captaron a atención de todo o alumnado dende o primeiro momento, facendo partipar tanto aos máis cativos coma aos maiores.

Como vedes foi un día moi entretido! Sorriso

Se queredes acceder á galería de imaxes podedes clicar nesta foto:

Teatro Aladino e a lámpada marabillosa

Onte fumos todos xuntos a ver a obra de teatro "Aladino e a lámpada marabillosa" á Sala Ártika en Bouzas. Gustounos moito a representación e aquí temos algunhas fotos dos intres previos á obra.

Había unha especie de néboa no ambiente que creou moita expectación ata que comezou a obra, xa non sabíamos se a obra era de medo ou a que nos dixeran os profes! Sorprendido

Podedes clicar na foto para acceder á pequena galería de imaxes:

Día do ADN

Onte foi o día do ADN, por ese motivo a alumnado de 5º e 6º realizou a actividade "El ADN: Intrucciones para el juego de la vida" en colaboración coa Universidade de Vigo.

Da man de: Manuel Meigas, Paloma Morán, Diana Valverde, Antonio Carvajal e a nosa profe Silvina Domínguez descubrimos un pouquiño máis este mundo tan complexo de forma lúdica.

Podedes clicar na imaxe para ver algunhas das cousiñas que fixemos:

Día do libro

Onte celebramos no cole o día do libro cunha sesión de contacontos no patio a cargo dos nosos compañeiros de 6º de primaria, ademáis da actividade de "Bibliopatio" na que durante toda a semana poñemos á disposición do alumnado contos para leer no recreo.

Clicade aquí para ver o ben que o pasamos escoitando contos ao solciño.

Ademais o alumnado de infantil realizou unha versión da obra "20.000 leguas de viaxe baixo o mar" para celebrar este día:

Visita de Ledicias Costas

O mércores viu ao cole Ledicia Costas para falar dos seus libros "Escarlatina, a cociñeira defunta" e "A señorita Bubble".

Adicounos os nosos exemplares e pasamos un moi bo rato con ela.

Grazas por vir, Ledicia!

Clicade na foto para acceder á galería de imaxes:

 

Visita ao concello

Onte 1º, 2º e 4º foron ao concello á presentación por parte do alcalde e a autora do libro "Jules Verne e o pesadelo de Xulia", no que se relata unha versión do capítulo da obra "20.000 leguas de viaxe submarina" que transcorre en Vigo.

Aproveitamos a ocasión para visitar o pleno do concello e a sala de control de tráfico.

Clicade aquí para acceder á galería de imaxes da sesión.

 

Aproveitamos para adxuntar a noticia na que sae a nosa foto nesta ligazón do Atlántico Diario.

Día Internacional do Cancro Infantil

O pasado 15 de febreiro foi o Día Internacional do Cancro Infantil.

Ese día, en colaboración coa asociación Bicos de Papel, tiñamos pensado facer un lazo dourado no patio para amosar o noso apoio aos nenos e nenas que padecen esta enfermidade pero o tempo non o permitiu, polo que soamente limos o manifiesto que tedes na radio do cole.

Por sorte, onte fixo bo tempo e puidemos facer o lazo. Aquí tedes o resultado, para o que contamos coa axuda da familia de Leire e Izan (de 5 e 3 anos respectivamente) que viñeron a facernos a foto.

Moitas grazas a todos os que participastes nesta bonita iniciativa!

20.000 leguas de viaxe baixo o mar

Deixámosvos aquí unha ligazón a unha noticia do Faro de Vigo no que se fala de Verne, o Nautilus, a ponte de Rande... En definitiva que está directamente relacionada co proxecto que estamos a tratar este ano no cole.

Ademais tedes un video das profundidades da nosa ría, no que poderemos observar, entre outros, varios polvos desprazándose polo noso fondo mariño.

Distribuir contido