Complementarias

Hoxe celebramos o día Escolar da Non Violencia e a Paz.

Xuntámonos no ximnasio para escoitar o conto "Wangari y los árboles de la Paz" que relacionamos co proxecto do cole "Mulleres con pegada" pois conta a historia de Wangari Maathai e o seu papel no movemento Cinturón Verde a través do que un grupo de mulleres con Wangari á cabeza loitaron contra a deforestación en Kenia.

Clicando na seguinte imaxe podedes ver as fotos do acto e o video da canción que cantamos ao rematar o conto entre todo o alumnado.

Onte recibimos a visita dos Apalpadores.

Foron percorrendo todas as clases do cole contándonos a súa historia, que agora podedes ver colgada nas paredes da entrada do cole.

Ademais deixaron o seu buzón na entrada do cole para que poidamos escribir a nosa carta e deixarlla alí.

Mirade que ben o pasamos coa súa visita. (Clicade na foto)

Onte o alumnado de 2º, 3º e 4º foi de visita ao mercado do Progreso onde descubriron a importancia dunha alimentación saudable e, para tomar exemplo, foron ao supermercado e con ingredientes frescos fixeron unha riquísima empanadilla de merluza.

Podedes clicar nesta ligazón para acceder á galería de imaxes.