Admisión do alumnado

Estamos a piques de rematar o segundo trimestre e, pensando en como comezamos en setembro, quen nos ía a dicir que os nosos nenos e nenas se ían adaptar tan ben?

Son uns Superheroes e superheroínas! Neste vídeo damos boa conta do día a día nesta situación tan diferente.  As mestras tamén contribuímos un pouco a facerlle a estancia un pouco máis agradable e divertida. A semana pasada tivemos unha sopresiña no corredor de infantil. Queredes ver que ben o pasamos?

Fase de reserva de prazas en centros de adscrición

De conformidade coa disposición adicional primeira da Orde do 12 de marzo de 2013 que regula o procedemento de admisión de alumnado en centros docentes sostidos con fondos públicos, o próximo día 11 de xaneiro de 2021 inícianse os trámites do procedemento (código ED550A), coa reserva de praza nun centro de adscrición para alumnado que cambia de etapa.

• O prazo de solicitudes abranguerá do 11 de xaneiro ao 8 de febreiro do 2021, ambos incluídos.
• A consulta das listaxes de alumnado admitido, que se publicarán antes do día 28 de febreiro, debe realizarse no centro no que está matriculado no presente curso ou na aplicación admisionalumnado
• Lembrade que, no caso de non presentar a solicitude, o alumnado perdería o dereito á reserva ao centro de adscrición (IES Ferro Couselo).
• Podedes descargar a solicitude ns documentos adxuntos (Anexo I e Anexo I bis) ou na seguinte ligazón:                                                      http://www.edu.xunta.gal/centros/ceiporuxidoiro/system/files/RESERVA%20PRAZA%20ALUMNADO%206%C2%BA.pdf
• Para máis información: na aplicación admisionalumnado

Segundo a Resolución do 5 de maio, reestablécese o prazo e presentación das solicitudes de admisión do alumnado para o curso 2020-2021.

O novo prazo iniciarase o 11 de maio e rematará o 18 de maio.

Recoméndase a presentación telemática das solicitudes.

https://www.edu.xunta.es/admisionalumnado/

No caso de non ser posible, solicitarase CITA PREVIA para ser atendido presencialmente no teléfono 988 392838 ou ben a través do correo electrónico ceip.oruxidoiro@edu.xunta.es

Pregamos que traian cuberta a solicitude coa seguinte documentación:

ANEXO II

Fotocopia do DNI do solicitante e dos membros computables da unidade familiar (só cando se denegue a consulta de datos).

A solicitude de admisión de alumnado poderá asinala calquera das persoas titulares da patria potestade, cando se refiran a fillas/os comúns dun matrimonio non separado legalmente nin divorciado ou dunha parella de feito debidamente inscrita no Rexistro de Parellas de Feito de Galicia. Nos demais casos requírese a sinatura das dúas persoas titulares, agás que a patria potestade estea atribuída a unha delas con carácter exclusivo, ou en situacións de violencia de xénero.

Lembrade tomar as precaucións de prevención que recomendan as autoridades sanitarias. No centro tomaremos as medidas de limpeza e desinfección oportunas: colocación dun dispensador de solución hidroalcohólica á entrada ao centro, limitación de persoas (cita previa) no mesmo espazo, delimitación de espazos e uso de medidas de protección.

Para calquera aclaración non dubidedes en poñervos en contacto con nós:

Teléfono: 988 392838

Correo electrónico: ceip.oruxidoiro@edu.xunta.es