Blog de biblioteca
O mes de novembro ( mes da ciencia en galego ) está chegando ó seu fin, e na hora do recreo, na nosa biblioteca, continuamos cos EXPERIMENTOS.
Onte a titora de sexto, a profe María Asunción, fixo dous experimentos co alumnado de 1º e 2º de primaria. Contou coa axuda de parte do alumnado voluntario da biblioteca ( da súa titoría ) para desenvolvelo.
Aquí tedes unhas poucas fotos dos experimentos.
1. "Masa non newtoniana". Os ingredientes son sinxelos: auga e fariña de millo. Mistúranse, e a masa vai collendo unha textura estrana. A peculiaridade desta masa ou fluído é que dependendo da forza que exerzas contra ela,pode ofrecer resistencia ou ser lene. É dicir canta máis forza empregues para aplastala maior resistencia ofrece. Se a colles con suavidade vai ser un fluído lene. Aquí tedes unhas poucas fotos do momento. Pasárono xenial!!!
2. "Lámpada de lava" Para este experimento precisaron: un recipiente pequeno, neste caso unha botella de plástico, auga, aceite, corante e unha pílula efervescente. O proceso foi o seguinte: Bótase na botella un pouco de auga, despois o aceite ( máis aceite que auga), unhas pingas de corante e despois para que esa lava flúa unha pílula efervescente, que fará reacción e aparecerán burbullas que farán que o corante suba. Aquí tedes unhas poucas fotos do momento:
Ó rematar orecolleron todo, e deixaron a biblioteca tal e como estaba antes de chegar... !!!!!!!! Temos uns axudantes de bibioteca excepcionais. |
|||
O luns 25 de novembro saíu a 4ª quenda de mochilas viaxeiras.
|
|||
Aquí vos quedan algúns recursos que podedes traballar
Unidade didáctica: Fíos de Violeta (subido na páxina da xunta, en igualdade). Preme na imaxe para acceder a unidade.
|
|||
Hoxe no recreo da biblio, contamos con Mercedes, a titora de 4º que fixo varios experimentos interesantísimos relacionados coa Alimentación, xa que están traballando sobre este contido na aula.
Un dos experimentos, estivo relacionado cos "corantes alimenticios" puxeron nun prato "boliñas de chocolate de cores" e botaron auga, no primeiro momento non pasou nada pero despois duns minutos os corantes alimenticios comezaron a desprenderse das boliñas... e apareceu unha mistura de cores preciosa.
Outro dos experimentos estivo relacionado cos ovos, a súa frescura, a auga , o sal e as distintas densidades que podemos atopar. Non é o mesmo auga, sen máis, que auga con sal... Os ovos non quedaron na mesma posición.
Noutro dos experimentos utilizou unha media e auga para que visen que a auga non pasaba da media, pero ó tocala individualmente si que caía a auga. Densidade, elasticidade... propiedades da auga. Inicialmente foron bastante incrédulos con respecto a que a auga non transpasase a media... pero ó final.... sorpresa sorpresa!!!
Outro dos experimentos que tamén lles encantou foi para ver as propiedades da auga, unha bolsa de plástico chea de auga.. atravesárona con lápis de cores e sorprendentemente a auga non saiu da bolsa. Aí xurdiu moita curiosidade e espectación sobre o tema.
Ademais hoxe , e de xeito especial, a maiores de quitar unha profe as fotos, tivemos unha magnífica fotógrafa: unha alumna da clase de cuarto que recolleu todos e cada un dos experimentos dende todos os ángulos posibles, facendo unha espectacular labor fotográfica. Premede na imaxe se queredes ver unhas poucas fotos do momento:
|
|||
O luns 18 de novembro saíu a terceira quenda das mochilas viaxeiras.
|
|||
O curso pasado convocamos dende a biblioteca un concurso de Postais de Nadal, foi unha actividade gratificante, na que as familias tamén participaron. Debido á boa acollida e a implicación de familias e alumnado, este curso voltamos convocar o concurso. Enviamos ás familias tanto a cartolina onde facer a postal (con técnica libre) e as bases do concurso. O curso pasado entregamos diplomas e un pequeno agasallo ós gañadores/as de cada categoría. (Ó xurado, composto polo equipo de Biblioteca do centro, custoulle moito tomar a decisión final, debido á gran calidade das propostas) Pero todas as postais cumpriron unha función xa que o resto das postais (cunha calidade impresionante) enviámolas ós centros educativos cos que temos relación, a entidades do noso concello, a institutos próximos, a centros de maiores etc etc etc... O alumnado de 5º e 6º foi o encargado de buscar os enderezos, escribilos e enviar as cartas. A pretensión este curso é a mesma: compartir coa nosa contorna. Damos ás grazas por anticipado ás familias e ó alumnado pola súa participación!!!!!
|
|||
O 20 de novembro de 1989 conseguiuse a aprobación da Convención dos dereitos do neno na ONU. É por iso que todos os 20 de novembro se conmemora esta aprobación. Dende a biblioteca e en colaboración co equipo de Convivencia propuxemos o visionado, dependendo das idades, de curtas ou pequenos documentais para concienciar. Esta canción tan divertida para os pequenos: Ou este outro elaborado por UNICEF para os maiores: Tamén vos queda aquí o enlace a unhas actividades relacionadas coa temática que elaborou UNICEF , premede AQUÍ. Un PDF de Pocoyo y los derechos de la infancia e outro PDF dos dereitos do neno en galego. |
|||
Continuamos , no mes da ciencia en galego con actividades relacionadas coa mesma, na hora do recreo, desta volta para o alumnado de 3º e 4º de primaria.
Elaborouse un taboleiro, para utilizar cos escornabots, con vocabulario relacionado cun LABORATORIO. Debían seleccionar as tarxetas e despois mover o escornabot, ata o debuxo que se correspondese coa palabra que lles tocou. Aquí tedes unhas poucas fotos do momento:
|
|||
Seguimos co mes "da ciencia en galego". Hoxe martes, 12 de novembro, na hora do recreo, volveu a vir o alumnado de 1º e 2º de primaria para facer o experimento PODE A AUGA IR CARA ARRIBA??? Primeiro observamos os materiais que necesitabamos: tres vasos, papel de cociña, auga e colorante alimentario. Despois explicamos a execución e levámolo a cabo. Enchemos dous dos tres vasos con auga ata a metade. Mezclamos un dos vasos con colorante vermello e outro con amarelo (por exemplo), e colocamos os vasos en fila (o baleiro no medio). Dobramos o papel de cociña en catro partes, introducimos unha das esquinas no vaso con auga amarela e outro no vaso vacío, e o mesmo co de auga vermella. Neste experimento podemos observar cómo o vaso do medio encherase ata que o nivel de auga estea igual nos tres vasos, ademais de que ocorre ao mezclar dous cores primarios, que darán como resultado outras cores. |
|||
O luns 11 de novembro saíu a segunda quenda das mochilas viaxeiras. |
|||
- « primeira
- ‹ anterior
- …
- 19
- 20
- 21
- 22
- 23
- 24
- 25
- 26
- 27
- seguinte ›
- última »
