O vindeiro día 23 é o Día do Libro, polo que durante a semana iremos facendo actividades relacionadas con ese día.
O xoves celebraremos a I Feira do Libro, o que queira participar tan só ten que traer unlibro en bo estado, para ese día facer un intercambio de libros. (Ver adxunto)
O venres Concello invitounos a unha representación de títeres na casa da cultura pola mañá, e pola tarde teremos a visita de Dani Viéitez e Iria Iglesias, autores e ilustradores dos contos do Raposo Rufo (que están a vosa disposición na Biblioteca)
O Día das Letras Galegas deste ano está adicado a Manuel María por eso a TV local de Chantada Televinte própuxonos un recitado de poemas seus. Esta semana viñeron gravarnos, e en breve sairemos na tele.
Tamén quixemos saber máis cousas sobre este autor galego, polo que fumos visitar a súa casa museo que está situada en Outeiro de Rei. O guía expliounos fenomenalmente moitas cousas da súa vida, como que viviu moitos anos en Monforte, que tiñan alí unha libraría, que coñecía a outros escritores galegos da súa época...
Ao rematar a visita repuxemos forzas e tivemos unha sorpresa inesperada... A CHUVIA!!! Temos que dar as GRAZAS ao bar que nos acolleu para que os pequenos non se mollaran.
Dende o colectivo Lemos Le, do que formamos parte, convócase o III Certame de Divulgación Mulleres de Lemos.
A finalidade do certame é dar a coñecer e promover as figuras femininas relevantes na historia das Terras de Lemos. Polo que cada ano escóllese a unha muller relevante das nosas Terras. A muller escollida este ano é Lola de Penelas, oleira de Gundivós.
Este mércores co gallo do Día de Rosalía a Biblioteca propuxo a seguinte actividade.
Envío de postais de Rosalía (proposta da AELG, Asociación de escritores e escritoras en Lingua Galega)
Cada neno do cole tivo que escribir unha postal a outro que lle tocou a sorteo. Ese día, despois de coñecer un pouquiño a Rosalía, entregamos as postais e cantamos un poema de Rosalía que versionou Amancio Prada.
Durante a semana pasada foron chegando ao centro diferentes manualidades feitas polos rapaces, tanto coa axuda das suas familias coma dos mestres. Todas preciosas e feitas con moito agarimo, e por suposto con castañas.
Tamén recibimos cantigas, contos, poemas...
E para rematar a semana, o venres pola tarde tivemos unha serie de xogos organizados pola mestra de Educación Física, Ana Belén.