Skip to Content

Consellería

Distribuir contido
Actualizado: hace 22 min 57 seg

Resolución provisional de admitidos e excluídos de comisións de servizos por conciliación familiar e laboral (2018)

fai 7 horas 37 min
Idioma Gallego

Publícase a Resolución provisional de admitidos e excluídos das comisións de servizos en atención á situación de conciliación da vida familiar e laboral de mestres, do profesorado de educación secundaria, de formación profesional e de réxime especial e do profesorado de relixión para o vindeiro curso 2018/2019.

Así mesmo publícase o Anexo de solicitudes excluídas do profesorado que non realizou a súa petición a través da aplicación informática e están excluídos

Prazo de reclamación:

  • O prazo de reclamacións comeza o día 20 de xullo de 2018 e remata o día 27 de xullo de 2018, ambos días incluídos.

  • As reclamacións á resolución provisional deberán dirixilas á Subdirección de Recursos Humanos da Consellería de Cultura, Educación e O.U. en Santiago de Compostela por correo electrónico a:

 Mestres: persoal.primaria@edu.xunta.es

 Profesorado de secundaria: persoal.secundaria@edu.xunta.es

    Anuncio principal:  Comisións de servizos por conciliación familiar e laboral (2018) Tema:  Comisións de servizo Ensinanza:  Ensinanzas de réxime xeral Ensinanzas de réxime especial Educación das persoas adultas Departamento:  Servizo de Profesorado de Educación Infantil e Primaria Servizo de Profesorado de Ensinanzas Secundaria, de Formación Profesional e de Réxime Especial Colectivo:  Profesorado
    Categorías: Novas

    Asignación provisional prazas no proceso de acceso e admisión do alumnado nas ensinanzas profesionais de Artes Plásticas e Deseño para o curso 2018/2019

    fai 8 horas 3 min
    Idioma Gallego

    Xúntase a Asignación provisional prazas no proceso de acceso e admisión do alumnado nas ensinanzas profesionais de Artes Plásticas e Deseño para o curso 2018/2019

    Anuncio principal:  Instrucións para o acceso e a admisión do alumnado nas ensinanzas profesionais de Artes Plásticas e Deseño para o curso 2018/2019 Tema:  Escolarización Ensinanza:  Ensinanzas profesionais de artes plásticas e deseño Departamento:  Servizo de Ensinanzas de Réxime Especial Colectivo:  Alumnado Centros
    Categorías: Novas

    Adxudicación das axudas do anexo II, modalidade B, das axudas de apoio á etapa de formación posdoutoral nas universidades do SUG, nos organismos públicos de investigación de Galicia e noutras entidades do Sistema de I+D+i galego para o ano 2018

    fai 10 horas 42 min
    Idioma Gallego

    Xúntase a Resolución do 19 de xullo  de 2018 pola que se adxudican as axudas do anexo II, modalidade B, da Orde do 30 de abril de 2018, conxunta da Consellería de Cultura, Educación e Ordenación Universitaria e da Consellería de Economía, Emprego e Industria ,  pola que se establecen as bases para a concesión, en réxime de concorrencia competitiva, das axudas de apoio á etapa de formación posdoutoral nas universidades do SUG, nos organismos públicos de investigación de Galicia e noutras entidades do Sistema de I+D+i galego, e se procede á súa convocatoria para o ano 2018 e mais as solicitudes desestimadas que non superaron a puntuación mínima segundo o artigo 5 do Anexo II.

    • Próxima publicación no DOG
    Anuncio principal:  Axudas de apoio á etapa de formación posdoutoral nas universidades do SUG, nos organismos públicos de investigación de Galicia e noutras entidades do Sistema de I+D+i galego para o ano 2018 Tema:  Bolsas Ensinanza:  Universidade Departamento:  Secretaría Xeral de Universidades Subdirección Xeral de Promoción Científica e Tecnolóxica Universitaria Colectivo:  Alumnado
    Categorías: Novas

    Resolución da convocatoria do concurso específico entre persoal funcionario de carreira dos corpos docentes para cubrir postos de persoal docente en prazas sometidas a convenio ou a programas específicos desta consellería

    fai 12 horas 8 min
    Idioma Gallego

    Xúntase a Orde  do 6 de xullo de 2018 pola que se resolve o concurso de méritos específico entre persoal funcionario de carreira dos corpos docentes que imparten ensinanzas reguladas na Lei orgánica 2/2006, do 3 de maio, de educación, para cubrir postos de persoal docente en prazas sometidas a convenio ou a programas específicos desta consellería.

    Anuncio principal:  Orde do 23 de febreiro de 2018 pola que se convoca concurso de méritos específico entre persoal funcionario de carreira dos corpos docentes para cubrir postos de persoal docente en prazas sometidas a convenio ou a programas específicos desta consellería Tema:  Comisións de servizo Ensinanza:  Ensinanzas de réxime xeral Departamento:  Servizo de Profesorado de Educación Infantil e Primaria Servizo de Profesorado de Ensinanzas Secundaria, de Formación Profesional e de Réxime Especial Colectivo:  Profesorado
    Categorías: Novas

    Concesión das axudas de mobilidade complementarias ás achegadas pola UE, no marco do programa comunitario Erasmus+, destinadas ao alumnado que cursa ensinanzas artísticas superiores en centros públicos de Galicia no curso 2017/2018

    fai 12 horas 20 min
    Idioma Gallego

    Xúntase a Resolución do 11 de xullo de 2018 pola que se resolve a convocatoria da Orde do 8 de marzo de 2018 pola que se establecen as bases reguladoras e se convocan axudas de mobilidade complementarias ás achegadas pola Unión Europea, no marco do programa comunitario Erasmus+, destinadas ao alumnado que cursa ensinanzas artísticas superiores en centros públicos de Galicia no curso 2017/18.

    Anuncio principal:  Axudas de mobilidade complementarias ás achegadas pola Unión Europea, no marco do programa comunitario Erasmus+, destinadas ao alumnado que cursa ensinanzas artísticas superiores en centros públicos de Galicia no curso 2017/2018 Tema:  Bolsas Erasmus Ensinanza:  Ensinanzas de réxime especial Ensinanzas superiores de arte dramática Ensinanzas superiores de deseño Ensinanzas superiores de música Departamento:  Subdirección Xeral de Aprendizaxe Permanente e Ensinanzas de Réxime Especial Servizo de Ensinanzas de Réxime Especial Colectivo:  Alumnado
    Categorías: Novas

    Asignación definitiva de prazas no proceso de acceso e admisión do alumnado ás ensinanzas superiores de Deseño para o curso 2018/2019

    Mér, 18/07/2018 - 15:26
    Idioma Gallego

    Asignación definitiva de prazas no proceso de acceso e admisión do alumnado ás ensinanzas superiores de Deseño para o curso 2018/2019

    Anuncio principal:  Instrucións para o acceso e admisión do alumnado ás ensinanzas superiores de Deseño para o curso 2018/2019 Tema:  Escolarización Ensinanza:  Ensinanzas superiores de deseño Departamento:  Servizo de Ensinanzas de Réxime Especial Colectivo:  Alumnado Centros
    Categorías: Novas

    Cualificacións definitivas das probas específicas para o acceso e a admisión do alumnado nas ensinanzas profesionais de Artes Plásticas e Deseño para o curso 2018/2019

    Mér, 18/07/2018 - 14:10
    Idioma Gallego

     Cualificacións definitivas das probas específicas para o acceso e a admisión do alumnado nas ensinanzas profesionais de Artes Plásticas e Deseño para o curso 2018/2019

    Anuncio principal:  Instrucións para o acceso e a admisión do alumnado nas ensinanzas profesionais de Artes Plásticas e Deseño para o curso 2018/2019 Tema:  Escolarización Ensinanza:  Ensinanzas profesionais de artes plásticas e deseño Departamento:  Servizo de Ensinanzas de Réxime Especial Colectivo:  Alumnado Centros
    Categorías: Novas

    Xunta e sindicatos selan o acordo que incrementa en 1.260 €/ano os salarios dos docentes en Galicia

    Mér, 18/07/2018 - 13:30
    Resumo:  A Consellería de Educación e mailos sindicatos UGT e CCOO ratificaron hoxe o documento onde se plasman as novas retribucións segundo as cales o profesorado galego pasa a situarse na parte alta da táboa retributiva ao escalar aos primeiros postos do ranking interautonómico O acordo supón un aumento de 90 €/mes, que se empezará a facer efectivo desde este outubro e se completará ata o cen por cen nun prazo de pouco máis de dous anos Idioma Gallego

    Os docentes galegos verán incrementado o seu salario nunha contía de 1.260 €/ano, a razón de 90 € ao mes en catorce pagas, unha subida retributiva que se empezará a aplicar este próximo outubro.

    O Goberno galego -a través da Consellería de Cultura, Educación e Ordenación Universitaria- e os sindicatos CCOO e FeST-UGT selaron esta mañá o acordo que suporá que os docentes galegos se sitúen na parta alta da táboa retributiva no ranking interautonómico.

    O conselleiro de Educación, Román Rodríguez, e mailas representantes de CCOO e de UGT, Luz López e Paula Carreiro respectivamente, rubricaron o acordo para o aumento das retribucións salariais, logo dun proceso de negociación que se materializou ao longo dos últimos dous meses, e de que o documento fora ratificado polos órganos das dúas organizacións.

    Segundo dito acordo, establécese un aumento salarial lineal de 1.260 €/ano para o conxunto dos 32.500 docentes que conforman o sistema educativo público galego (sexan funcionarios de carreira, interinos ou substitutos) e para todos os corpos docentes. Isto tradúcese nunha contía mensual de 90 € repartidos en 14 pagas, e nun incremento porcentual medio do 4% (en función dos corpos e dos sexenios e trienios de cada caso).

    Este incremento salarial empezarase a aplicar xa o vindeiro mes de outubro (practicamente ao comezo do novo curso escolar) e irase implementando de xeito paulatino ata o ano 2021. Isto é, entre outubro e decembro deste ano a suba vai ser de 15 €/mes; a partires do 1 de xaneiro de 2019 xa se aplicarán outros 20 €/mensuais máis; ao longo de 2020 o incremento será doutros 25€; e finalmente o 1 de xaneiro de 2021 procederase á ultima suba, de 30 € mensuais, completando así o cen por cen do incremento recollido no acordo.

    Parte alta da táboa interautonómica

    Tal e como explicou o conselleiro Román Rodríguez, con este acordo cúmplese a folla de ruta marcada desde o primeiro momento e que, por outra parte, respondía ás demandas das propias organizacións sindicais: lograr un incremento salarial para o conxunto dos docentes; e que ese incremento os situara na parte alta da táboa. Un acordo que, en palabras de Román Rodríguez, “vai máis aló do acadado en 2006”, xa que a suba vai comezar a facerse efectiva neste mesmo ano, a partir do mes de outubro. De feito subliñou que, aínda que se trate dun incremento que toca catro exercicios, “a efectos prácticos acadarase, para ser exactos, nun período de dous anos e tres meses”.

    Así mesmo, Galicia pasa a situarase na parte alta da táboa de retribucións en comparación co resto das comunidades autónomas. Tomando como referencia as retribucións anuais sen sexenios, os docentes galegos escalan cinco postos e sitúanse no 5º e 6º lugar da táboa -ata o de agora estaban no 10º e no 11º-  segundo pertenzan ao corpo de mestres ou ao de profesores de secundaria (ata o de agora estaban no 10º e 11º). Sen contar o País Vasco e Navarra, por teren un réxime fiscal propio, Galicia sitúase no 3º e 4º posto desta táboa.

    O conselleiro recoñeceu a vontade de diálogo, a xenerosidade e a “altura de miras” das dúas organizacións sindicais asinantes para acadar puntos de encontro que favorecen ao conxunto do profesorado galego.

    Prestixio da función docente

    Tamén explicou que o desembolso orzamentario -arredor de 41 millóns de euros-  que supón este incremento salarial, é posible nestes momentos grazas ao período de estabilidade económica acadado logo do esforzo realizado polo conxunto dos cidadáns e que tamén afectou aos profesionais do sector público, como é o caso do profesorado. Neste senso, subliñou que é o momento de “devolverlle” aos docentes o froito dese esforzo realizado nos últimos anos.

    Román Rodríguez enmarcou este acordo puntual dentro dunha estratexia máis ampla e prioritaria, como é “a de prestixiar a función docente”. Neste senso lembrou que o departamento que dirixe está levando a cabo unha serie de medidas como son o fomento da estabilidade a través de continuas convocatorias de emprego público (na última, que está a piques de rematar, ofertáronse 2.050 prazas para 30 especializadas); así como un ambicioso plan de formación do profesorado co que dar resposta aos novos retos educativos como son, sobre todo, os coñecementos, destrezas e competencias en materia de idiomas, de novas tecnoloxías, STEM, robótica e eido dixital.

    Información xeral Consellería de Cultura, Educación e Ordenación Universitaria Profesorado
    Categorías: Novas

    Concesión das axudas destinadas ao cofinanciamento dos servizos de comedor escolar xestionados polas asociacións de nais e pais do alumnado dos centros públicos non universitarios dependentes desta consellería, para o curso académico 2017/2018

    Mér, 18/07/2018 - 09:58
    Idioma Gallego

    Xúntase a Resolución do 16 de xullo de 2018, pola que se conceden as axudas destinadas ao cofinanciamento dos servizos de comedor escolar xestionados polas asociacións de nais e pais do alumnado dos centros públicos non universitarios dependentes desta consellería, para o curso académico 2017-2018.

    • Próxima publicación no DOG
    Anuncio principal:  Axudas destinadas ao cofinanciamento dos servizos de comedor escolar xestionados polas asociacións de nais e pais do alumnado dos centros públicos non universitarios dependentes desta consellería, para o curso académico 2017/2018 Tema:  Bolsas Comedores escolares Ensinanza:  Ensinanzas de réxime xeral Departamento:  Subdirección Xeral de Recursos Educativos Complementarios Servicio de Xestión de Comedores Escolares dos Centros Docentes non Universitarios Colectivo:  Alumnado Familias Centros
    Categorías: Novas

    Ciclos formativos liberados ou con prazas vacantes

    Mar, 17/07/2018 - 18:16
    Idioma Gallego

    O prazo de matrícula en ciclos e módulos de formación profesional con prazas vacantes será desde as 9:00 horas do día 18 de xullo ata as 13:00 horas do día 24 de xullo de 2018. Abrirase un novo período de matriculación tras a publicación da 2ª adxudicación ordinaria.

     - Máis información

    Tema:  Escolarización Ensinanza:  Formación Profesional inicial Departamento:  Dirección Xeral de Educación, Formación Profesional e Innovación Educativa Subdirección Xeral de Formación Profesional Servizo de Xestión da Formación Profesional Colectivo:  Alumnado Centros
    Categorías: Novas

    Listaxe provisional de persoas inscritas nas probas de acceso ás ensinanzas deportivas para o curso 2018/2019

    Mar, 17/07/2018 - 15:34
    Idioma Gallego

    Xúntase a Listaxe provisional de persoas inscritas nas probas de acceso ás ensinanzas deportivas para o curso 2018/2019

    Anuncio principal:  Convocadas as probas de acceso ás ensinanzas deportivas para o curso 2018/2019 Tema:  Escolarización Ensinanza:  Ensinanzas deportivas Departamento:  Servizo de Ensinanzas de Réxime Especial Colectivo:  Alumnado Centros
    Categorías: Novas

    Puntuacións definitivas do concurso de méritos específico entre persoal funcionario de carreira dos corpos docentes que imparten ensinanzas reguladas na Lei orgánica 2/2006, do 3 de maio, de educación, para cubrir prazas de persoal asesor

    Mar, 17/07/2018 - 14:39
    Idioma Gallego Anuncio principal:  Orde do 6 de xuño de 2018 pola que se convoca concurso de méritos específico para cubrir prazas de persoal asesor nesta Consellería

    Publicación das puntuacións definitivas asignadas na primeira fase do concurso aos aspirantes presentados á convocatoria do concurso de méritos específicos para cubrir prazas de persoal asesor na Consellería de Cultura, Educación e Ordenación Universitaria (Resolución de 6 de xuño de 2018, DOG do 13 de xuño).

    Relación definitiva do persoal seleccionado na convocatoria do concurso de méritos específico para cubrir prazas de persoal asesor na Consellería de Cultura, Educación e Ordenación Universitaria

    O persoal seleccionado poderá presentar as reclamacións ou renuncias ás prazas adxudicadas provisionalmente, dirixidas á presidenta da comisión de selección, no prazo de tres días naturais contados a partir do seguinte desta publicación, de acordo co artigo 3 da orde de convocatoria e ademais deberán presentarse por medio dun correo electrónico dirixido ao enderezo sxp@edu.xunta.es.

    Tema:  Comisións de servizo Departamento:  Servizo de Profesorado de Educación Infantil e Primaria Servizo de Profesorado de Ensinanzas Secundaria, de Formación Profesional e de Réxime Especial Colectivo:  Profesorado
    Categorías: Novas

    Resolución definitiva do concurso de méritos específico entre persoal funcionario de carreira e en prácticas do corpo de mestres para cubrir, en comisión de servizos, postos de escolarización ao alumnado de atención preferente

    Mar, 17/07/2018 - 12:56
    Idioma Gallego

    Xúntase a Resolución definitiva do concurso de méritos específico entre persoal funcionario de carreira e en prácticas do corpo de mestres para cubrir, en comisión de servizos, postos de escolarización ao alumnado de atención preferente

    Anuncio principal:  Convocado concurso de méritos específico entre persoal funcionario de carreira e en prácticas do corpo de mestres para cubrir, en comisión de servizos, postos de escolarización ao alumnado de atención preferente Tema:  Comisións de servizo Ensinanza:  Educación primaria Departamento:  Servizo de Profesorado de Educación Infantil e Primaria Colectivo:  Profesorado
    Categorías: Novas

    Admisión a ciclos formativos de formación profesional. 1ª adxudicación ordinaria. Convocatoria 2018/2019

    Mar, 17/07/2018 - 10:26
    Idioma Gallego

    Publicación das listaxes de persoas admitidas aos ciclos formativos de formación profesional, no réxime ordinario e no réxime para as persoas adultas.

    O prazo de matricula ou renuncia do alumnado admitido en cada ciclo formativo abrangue desde o martes 17 de xullo ata as 13:00 horas do martes 24 de xullo de 2018.

    Tema:  Información xeral Escolarización Ensinanza:  Formación Profesional inicial Departamento:  Dirección Xeral de Educación, Formación Profesional e Innovación Educativa Subdirección Xeral de Formación Profesional Servizo de Xestión da Formación Profesional Colectivo:  Alumnado Centros
    Categorías: Novas

    Admisión a ciclos formativos de formación profesional. Listaxes definitivas de solicitudes. Curso 2018/2019

    Mar, 17/07/2018 - 09:55
    Idioma Gallego

    Publicación das listaxes definitivas de solicitantes da convocatoria ordinaria de admisión para ciclos formativos de formación profesional en réxime ordinario e no réxime para as persoas adultas en modalidade presencial e modalidade a distancia.

    Tema:  Información xeral Escolarización Ensinanza:  Formación Profesional inicial Departamento:  Dirección Xeral de Educación, Formación Profesional e Innovación Educativa Subdirección Xeral de Formación Profesional Servizo de Xestión da Formación Profesional Colectivo:  Alumnado Centros
    Categorías: Novas

    Cualificacións definitivas das probas para o acceso e admisión ás ensinanzas superiores de Conservación e Restauración de Bens Culturais para o curso 2018/2019

    Mar, 17/07/2018 - 09:39
    Idioma Gallego

    Xúntanse as Cualificacións definitivas das probas para o acceso e admisión ás ensinanzas superiores de Conservación e Restauración de Bens Culturais para o curso 2018/2019

    Anuncio principal:  Instrucións para o acceso e admisión ás ensinanzas superiores de Conservación e Restauración de Bens Culturais para o curso 2018/2019 Tema:  Escolarización Ensinanza:  Ensinanzas de conservación e restauración de bens culturais Departamento:  Servizo de Ensinanzas de Réxime Especial Colectivo:  Alumnado Centros
    Categorías: Novas

    111 novos centros incorporan o libro dixital no vindeiro curso 2018/19, con 18.000 alumnos beneficiados en toda Galicia

    Lun, 16/07/2018 - 18:00
    Resumo:  A Consellería de Educación dálle un novo impulso ao proxecto E-Dixgal, enmarcado na Estratexia galega de educación dixital 2020, cun total de 264 centros, un 70% máis que o pasado curso Idioma Gallego

    Un total de 111 novos centros escolares incorporarán o libro dixital nas súas aulas por primeira vez o próximo curso 2018/19, polo que o proxecto de educación dixital, E-Dixgal, acada os 264 centros beneficiados (un 70% máis que o curso pasado) e chegará a 18.000 alumnos (40% máis que o pasado curso). Todos eles -estudantes de  5º e 6º curso de Primaria e 1º e 2º de ESO- recibirán unha ensinanza completamente dixital.

    A Consellería de Cultura, Educación e Ordenación Universitaria vén de publicar a resolución, aínda provisional, (que pode consultarse no enderezo electrónico http://www.edu.xunta.gal/portal/node/25543 ) na que se dan a coñecer os centros E-Dixgal para este novo curso.

    Do total dos 264 centros E-Dixgal, 91 son da provincia da Coruña (37 novos para o vindeiro curso), 47 de Lugo (22 novos), 19 de Ourense (11 novos)  e 107 de Pontevedra (40 novos). Por ensinanzas, 162 deles incorporan o libro dixital na etapa de Primaria, 73 en Secundaria e outros 29 fano en Primaria e Secundaria.

    Estes datos mostran o forte impulso que o departamento educativo da Xunta de Galicia, en colaboración coa Axencia para a Modernización Tecnolóxica de Galicia (Amtega), vén de realizar no E-Dixgal. O proxecto naceu como experimental no curso 2014/15 coa intención de proporcionarlle aos centros da rede Abalar un proxecto integral para facilitar o desenvolvemento de proxectos de educación dixital mediante a incorporación de materiais específicos. Deste xeito, no vindeiro curso, o 27% dos centros de ensino obrigatorio públicos contan con proxectos de educación dixital, 17 puntos porcentuais máis que no curso 2014/15, cando arrancou esta iniciativa con carácter experimental e que agora se consolida.

    Unha vez finalizado o carácter experimental do proxecto, e consolidado no seu procedemento, optouse por darlle un novo impulso mediante a súa ampliación, así como flexibilizando algúns dos requisitos. Deste xeito, na convocatoria deste ano reforzouse o proxecto en ESO cun plantexamento máis flexible e adaptable, posto que require un mínimo de seis materias no modelo dixital, mentres que ata agora se incluían todas as materias na iniciativa.

    Tamén cómpre lembrar que, ata o momento, para acceder a este programa era necesario que os centros participaran no proxecto Abalar. A partires de agora subminístrase o equipamento informático necesario –fundamentalmente ultraportátiles para os alumnos– aos centros que non conten con el. De feito, a Xunta de Galicia realizou este ano a renovación dos equipos dos centros E-Dixgal, o que supuxo o reparto de máis de 13.000 ultraportátiles.

    Estratexia galega de educación dixital 2020

    Continúase así co despregamento do libro dixital no ensino galego, enmarcado na Estratexia galega para a educación dixital (Edudixital 2020). Algúns dos obxectivos deste plan son lograr que todo o alumnado do ensino obrigatorio teña formación en robótica e programación no curso 2020/21, romper coa fenda de xénero nos estudos STEM e acadar os 300 centros e máis de 20.000 alumnos beneficiados co libro dixital no 2020/21.

    Cómpre lembrar que os centros que se incorporan este curso poderán beneficiarse desde o inicio das novidades do programa, tales como a incorporación dun novo provedor de contidos, aulaPlaneta, que se sumou a Netex e Edebé. Ademais, estará dispoñible o centro de produción, que facilitará aos docentes novas ferramentas e mecanismos para que poidan incorporar á plataforma contidos educativos innovadores. E tamén está en proceso de licitación o contrato dun novo provedor de contidos en inglés.

    Tamén neste curso se activará  o Servizo de Soporte Premium para as familias, alumnado e profesores dos centros educativos implicados na iniciativa, que ofrecerá tres tipos de asistencia: remota (telefónica e online); in situ, con desprazamento ao lugar do incidente, e a través de puntos físicos de atención.

    Os máis de 1.500 profesores, 18.000 alumnos e as súas familias dispoñerán dunha única vía de atención para todas as cuestións relacionadas co uso do libro dixital a través de varias canles (teléfono, correo electrónico, web, app no móbil...), as 24 horas do día os sete días da semana. O novo Servizo Premium contempla, como novidade, que o soporte se preste no domicilio da familia ou o docente para aqueles incidentes que requiran unha atención presencial.

    Plan de formación

    Cómpre lembrar, ademais, que o E-Dixgal vai máis aló do mero equipamento informático. Non en balde, todos os centros E-Dixgal contan cun Plan de formación propio no ámbito das novas tecnoloxías, cunhas 2000 horas de formación específica para o profesorado. Entre setembro e novembro impartíronse máis de 20 cursos nos que 430 profesores recibiron formación sobre cuestións técnicas e metodolóxicas relativas á educación dixital.

    Para o vindeiro curso 18/19, todos os centros E-Dixgal volverán contar de novo cun plan de formación propio. Ademais, en todos os CFR e no CAFI realizaranse cursos presenciais de iniciación e de profundización no manexo da contorna EVA E-Dixgal dirixida a todo o profesorado. Realizaranse tamén diversas xornadas de actualización nos CFR e no CAFI dirixida a aquelas persoas que realizan as funcións de coordinación do proxecto E-Dixgal nos centros educativos.

    Ademais, ditos plans incorporan tamén unha Escola de Nais e Pais para que as propias familias reciban información ao respecto e dispoñan de canles axeitadas para o acceso aos contidos e a resolución de dúbidas, entre outros.

    Abalar Ensinanzas de réxime xeral Consellería de Cultura, Educación e Ordenación Universitaria Consellería Profesorado Alumnado Familias Centros
    Categorías: Novas

    Formación Profesional Dual. Listaxes de prazas adxudicadas. Curso 2018/2019

    Lun, 16/07/2018 - 16:36
    Idioma Gallego

    Publicadas as listaxes de prazas adxudicadas para os proxectos experimentais de formación profesional dual autorizados na Orde do 14 de xuño de 2018 pola que se autorizan proxectos experimentais de formación profesional dual de ciclos formativos de formación profesional en centros educativos, en colaboración con diversas entidades.

    As persoas con praza adxudicada deberán matricularse no centro adxudicado ata o día 24 de xullo. Os centros con prazas vacantes poderán recoller solicitudes en virtude da ampliación do prazo.

    Máis información

    Tema:  Información xeral Ensinanza:  Formación Profesional inicial Departamento:  Dirección Xeral de Educación, Formación Profesional e Innovación Educativa Subdirección Xeral de Formación Profesional Servizo de Xestión da Formación Profesional Colectivo:  Alumnado Centros
    Categorías: Novas


    by Dr. Radut