Skip to Content

Consellería

Distribuir contido
Actualizado: hace 19 horas 17 min

A terceira edición de FP Innova, o maior escaparate da innovación na formación profesional, comeza este mércores

Lun, 23/04/2018 - 15:53
Resumo:  O Museo Centro Gaiás converterase no epicentro da FP española ao longo de tres días co fin de que o público xeral poida coñecer as potencialidades que presenta a ensinanza a nivel de innovación, competitividade, empregabilidade e uso social O programa inclúe área de exhibición de proxectos, parte de congreso na que participarán empresas de renome e responsables de educación de varias comunidades e, por primeira vez, unha zona de obradoiros para visitantes Idioma Gallego

A terceira edición do congreso FP Innova Galicia da Consellería de Cultura e Educación comeza este mércores coa exhibición de 47 proxectos de 25 centros educativos (ademais de 10 colaboradores), 30 deles vinculados coa innovación tecnolóxica, científica e didáctica e os outros 17 que responden a miniempresas creadas ao abeiro do plan de emprendemento do sistema educativo de Galicia, Eduemprende. A feira, que se celebrará nas plantas 0 e -1 do Museo Centro Gaiás da Cidade da Cultura, alongarase ata este venres. Prevese unha asistencia superior ás 8.000 persoas entre alumnado, profesorado e empresas participantes nos proxectos (máis de 500), así como público xeral, que poderá coñecer as potencialidades da FP en innovación, competitividade, empregabilidade e uso social para dar resposta ás necesidades da sociedade e do tecido produtivo galego.

Deste xeito, FP Innova converterase, por terceiro ano consecutivo, no maior escaparate sobre os traballos de innovación que se están desenvolvendo nos centros de formación profesional, uns proxectos adaptados aos novos retos da sociedade e ás demandas dos sectores produtivos galegos.

Exposicións de primeiro nivel

Ao igual que o ano pasado, a feira terá unha parte dedicada á exhibición dos proxectos e outra centrada no congreso, no que se celebrarán mesas redondas e diferentes exposicións sobre os traballos desenvoltos nos propios centros educativos ou sobre a aplicación de novas tecnoloxías e desafíos vindeiros.

Nesta parte de congreso participarán empresas de renome como Urovesa, Televés, Gaerum, Finsa ou Schneider, entre outras, así como responsables educativos de varias comunidades e de fóra de España. Así mesmo, tamén se contará coa achega de persoeiros de relevancia como Mar Capeáns Garrido, líder do grupo de Planificación e Proxectos do Departamento de Tecnoloxía do CERN. Todo o programa da feira pode consultarse no seguinte enlace: http://www.edu.xunta.es/fp/congreso-fp-innova/programa.

Máis espazo e participación

Por outro lado, e entre as principais novidades do evento, cómpre resaltar que case se triplica a superficie da zona expositiva (pasando dos 1.800 metros cadrados do ano pasado aos 4.200 actuais) e tamén se amplía a participación do alumnado, xa que nesta edición ábrese a mozos e mozas desde 5º de Primaria, namentres que anteriormente estaba enfocado a partir de 4º de ESO. De feito, e co fin de xerar sinerxías entre FP Innova e a estratexia da Consellería para fomentar as vocacións STEM (Ciencia, Tecnoloxía, Enxeñaría e Matemáticas) entre o alumnado, por primeira vez organizaranse obradoiros de diferentes temáticas como robótica, impresión 3D, electrónica, fabricación de drons, madeira, hostalaría e industrias alimentarias.

Un robot para recibir aos visitantes

Outras das novidades máis destacables é a presenza dun robot que se encargará de recibir aos visitantes da feira. Novi é un proxecto desenvolto en colaboración polo CIFP Ferrolterra coa colaboración do CIFP As Mercedes de Lugo, que precisamente expoñerán na parte do congreso o mércores pola tarde.

Cómpre resaltar que a maior parte das iniciativas de innovación exhibidas no evento foron premiados en 2017 cos premios a proxectos de innovación tecnolóxica ou científica e de innovación didáctica que convoca anualmente a Consellería. Pero tamén hai traballos desenvoltos por iniciativa propia dos centros, como é o caso da iniciativa Anti-velutina do CIFP Politécnico de Santiago de Compostela, na que un grupo de alumnos e alumnas deseñaron e construíron un sistema de baixo custo contra o ataque da avespa velutina ás abellas.    

Reunión directores xerais

Por outro lado, FP Innova reunirá os directores xerais de FP de todas as comunidades autónomas, así como o director xeral do Ministerio, Fernando Sánchez-Pascuala. Ademais, unha delegación de responsables dos Centros Integrados de Formación Profesional (CIFP) de Andalucía tamén se trasladará ata Santiago, interesados polo modelo galego, co fin de coñecelo máis de preto e intentar replicalo na súa comunidade.

A continuación detállanse os 25 centros coordinadores participantes no congreso, así como os 30 proxectos de innovación e as 17 miniempresas que se expoñerán a partir deste mércores.

Provincia da Coruña:

Centro educativo

Traballo de innovación

CIFP Coroso (Ribeira)

 

  • Clasificadora de envases en remoto

CIFP Politécnico de Santiago

Tres proxectos:

  • Impresora Delta gran formato multifunción
  • Mobiliario paramétrico
  • Anti-velutina

 

CIFP Ánxel Casal-Monte Alto da Coruña

Un proxecto:

  • Prototipo UTM soporte de asistencia sanitaria

Unha miniempresa:

  • Senlleiras Animación

CIFP Someso (A Coruña)

Dous proxectos:

  • Dixitalización de espazos urbanos e edificacións existentes
  • Maquetaxe e modelización estrutura offshore

Catro miniempresas:

  • Buggymax
  • Ecovir
  • Vertigalia
  • Aura

 

IES Monte Neme de Carballo

  • Utilización das novas tecnoloxías a través do deseño e a fabricación de produtos e adestradores que favorezan a autonomía persoal

 

IES Universidade Laboral de Culleredo

 

Un proxecto:

  • Equipamentos de medición da eficiencia

Unha miniempresa:

  • EduKart

 

IES Isaac Díaz Pardo de Sada

 

Miniempresa: PetSolar

CIFP Ferrolterra (Ferrol)

Sete proxectos:

  • FP Novi
  • Xestión e almacenamento de residuos
  • APP de reserva de vehículos compartidos
  • Adestrador de instalacións navais
  • Visor táctil para arqueiros invidentes
  • Formación do futuro con realidade virtual
  • Tecnoloxía radar

 

IES Fraga do Eume (Pontedeume)

 

  • Quilómetro cero: Elaboración de cervexa de maneira artesá como un produto diferenciador

 

IES de Ortigueira

Dous proxectos:

  • Deseño e fabricación de complementos de vestiario en madeira con distintos acabamentos
  • Construción dun veleiro bipraza adaptado a persoas con discapacidade

 

Provincia de Lugo

 

CIFP Politécnico de Lugo

Un proxecto:

  • Modulación central aspiración. Célula automatizada

Dúas miniempresas:

  • Madalú Longboard
  • Electrocetín

CIFP As Mercedes (Lugo)

Tres proxectos:

  • Biomasa-stirling-fotovoltaica
  • Deseño e fabricación dun dron
  • Aula IoT (Internet of Things): espazo dotado da última tecnoloxía en dispositivos conectados, software e sistemas

Unha miniempresa:

  • Airlucus

 

IES Sanxillao (Lugo)

Unha miniempresa: Pizzasan XL

 

IES San Rosendo (Mondoñedo)

 

Unha miniempresa: Benestar vexetal Biomondo

IES María Sarmiento (Viveiro)

Dúas miniempresas:

  • Visage
  • Hotel Cramel

 

IES Lois Peña Novo (Vilalba)

Tres miniempresas:

  • Bombeo Solar de Galicia SL
  • Ledómetro
  • Ensino Avós

Provincia de Pontevedra

CIFP Carlos Oroza (Pontevedra)

 

  • A nosa camelia, tan curiosa como saborosa

 

IES Pedra da Auga (Ponteareas)

 

  • Vivenda domótica 3D

CIFP A Granxa (Ponteareas)

  • Árbore artificial para gabeo

 

CIFP Valentín Paz Andrade (Vigo)

 

  • Aeroxerador didáctico asíncrono de eixe

IES Fermín Bouza Brey (Vilagarcía)

 

  • Maquetas virtuais industriais

IES Montecelo (Pontevedra)

  • Climóbil Solar: Equipamento dun vehículo cun sistema de climatización ecolóxico e activable a través do móbil

 

IES Chan do Monte (Marín)

  • Tenda electrónica en rede
Congresos Formación Profesional inicial Consellería de Cultura, Educación e Ordenación Universitaria Dirección Xeral de Educación, Formación Profesional e Innovación Educativa Profesorado Alumnado Centros
Categorías: Novas

A Xunta impulsa a candidatura Illas Cíes-Parque Nacional Illas Atlánticas entre os máis cativos a través dos Bolechas

Lun, 23/04/2018 - 13:17
Idioma Gallego Resumo:  Máis dun cento de nenos compartiron unha xornada de aprendizaxe e lecer con estes personaxes, dentro das actividades de dinamización lingüística do Goberno galego O conselleiro Román Rodríguez, que tamén se achegou ás Cíes, subliñou a importancia de que os máis pequenos coñezan a riqueza cultural e paisaxística que os rodea e tomen conciencia da importancia da súa conservación para as vindeiras xeracións Lembrou o traballo serio e rigoroso da Xunta, en colaboración con outras administracións e institucións, para lograr que a declaración de Patrimonio Mundial da UNESCO sexa unha realidade

A Xunta de Galicia impulsa a candidatura IIlas Cíes-Parque Nacional Illas Atlánticas a Patrimonio Mundial da UNESCO entre os máis pequenos cunha actividade de lecer ao aire libre da man dos seus personaxes preferidos, os Bolechas, que son un referente tanto de dinamización lingüística coma de literatura infantil de éxito.

Máis dun centro de alumnos de centros de ensino de Bueu, Ribeira, Vilagarcía de Arousa e Vigo participaron hoxe nunha xornada lúdica nas Illas Cíes, con actividades relacionados co deporte e o medio ambiente. Ademais de coñecer a nova guía “Os Bolechas van ás Illas Atlánticas”, os nenos convertéronse en exploradores por un día, con actividades, xogos, e retos que lles permiten coñecer máis de preto a riqueza da flora e fauna que alberga este arquipélago que -xunto con Ons, Sálvora e Cortegada- forma parte do Parque Nacional Illas Atlánticas.

O conselleiro de Cultura, Educación e Ordenación Universitaria, Román Rodríguez, desprazouse á illa para compartir esta xornada cun triplo motivo que é a celebración do Día do Libro, a promoción da candidatura a Patrimonio da Humanidade e a celebración do Ano europeo do Patrimonio Cultural que este mesmo mes de abril a Xunta dedica precisamente a este Parque Nacional.

Román Rodríguez subliñou a importancia de actividades coma esta para fomentar entre os máis novos o coñecemento da riqueza cultural, paisaxística e medioambiental que os rodea; e a necesidade de coidala e preservala para as xeracións vindeiras. En palabras do conselleiro, “é fundamental a implicación do conxunto da sociedade, pero moi especialmente das novas xeracións, na defensa e revitalización dos tesouros que herdamos dos nosos antepasados, sexan paisaxe, medio natural, arquitectura, festas, ou a propia lingua”.

Patrimonio Mundial da UNESCO

O responsable de Cultura do Goberno galego fixo fincapé tamén no traballo serio e rigoroso que se está levando a cabo desde a Xunta de Galicia en colaboración con outras institucións para acadar que a candidatura Illas Cíes-Parque Nacional Illas Atlánticas sexa declarada Patrimonio Mundial. Lembrou que, coa inclusión da candidatura o pasado febreiro na lista indicativa da UNESCO, deuse un paso fundamental para avanzar neste recoñecemento xa que se trata dun requisito indispensable para que se faga realidade.

Ademais dos nenos e dos monitores que participan na xornada lúdica, na súa visita ás Cíes, Román Rodríguez estivo acompañado do delegado territorial da Xunta  en Vigo, Ignacio López-Chaves; do secretario xeral de Política Lingüística, Valentín García; e de representantes municipais de Concellos aos que pertence o Parque.

Información xeral Consellería de Cultura, Educación e Ordenación Universitaria
Categorías: Novas

O poeta Carlos Negro, premio dos Clubs de lectura 2018

Dom, 22/04/2018 - 12:00
Resumo:  O poeta, tamén docente, recollerá o galardón na XI Xornada dos Clubs de Lectura dos centros de ensino secundario de Galicia, o vindeiro 1 de xuño O recoñecemento faise público co gallo da celebración do Día mundial do Libro e dos Dereitos de autor o 23 de abril Idioma Gallego

A Dirección Xeral de Centros e Recursos Humanos vén de publicar a resolución pola que se concede o premio anual de Clubs de lectura ao autor galego más lido polas lectoras e lectores que formaron parte dos Clubs de lectura no curso 2016/2017, impulsados pola Consellería de Cultura, Educación e Ordenación Universitaria e que no 2018 recae no profesor e poeta Carlos Negro. O galardón seralle entregado  o vindeiro 1 de xuño no marco da XI Xornada dos Clubs de Lectura.

O recoñecemento ten como obxectivo poñer en valor o labor de autores galegos que facilitan coas súas obras a función do profesorado como mediadores de lectura e que concitan o interese das persoas que toman parte nos clubs, contribuíndo á construción de novos lectores e lectoras na etapa da adolescencia. Trátase, ademais de creadores comprometidos coa lingua propia de Galicia e coa extensión da lectura en galego. O premio creouse no ano 2015, e dende entón recibírono Agustín Fernández Paz (2015), Ledicia Costas (2016) e Miguelanxo Prado (2017).

Os clubs de lectura son grupos de dinamización a prol da lectura no seo das comunidades educativas de cada centro. Funcionan, ademais, como espazos de convivencia e educación cidadá e como ámbitos de aprendizaxe non formal que contribúen á adquisición de competencias clave, ao acceso á lectura dixital e ás novas tecnoloxías da comunicación e da información, a través do uso nas súas actividades das redes sociais, os booktrailers ou os blogues.

Un total de 231 centros de ensino secundario e postobrigatorio contan este curso 2017/18 con clubs de lectura ao abeiro da convocatoria da Consellería, á que se destinan 215.000 euros. O 82% dos clubs acolle varios grupos de lectura, dependendo do nivel de estudos, os intereses dos participantes ou as temáticas. Nas reunións, que se celebran fóra do horario lectivo, participan este curso algo máis de 11.000 persoas, entre profesorado, alumnado, persoal non docente e familias. Non en balde, o 26% dos membros dos clubs son adultos, o que dá conta da capacidade destes grupos para conectar interxeneracionalmente a comunidade educativa. Así mesmo, os centros intercambian información dos seus respectivos clubes creando, por exemplo, listaxes dos libros máis lidos, o que contribúe a tecer unha ampla rede de lectores e lectoras ao longo e ancho da xeografía galega.

O galardoado

Carlos Negro (Lalín, 1970) é profesor de lingua e literatura galega, escritor e poeta. Entre outros recoñecementos, ten recibido o premio Johán Carballeira polo poemario Héleris (2003), o Victoriano Taibo por Cultivos transxénicos (2008), o premio da Asociación de Escritores en Lingua Galega á mellor obra de literatura infantil e xuvenil por Penúltimas tendencias (2014), e o premio de poesía Fiz Vergara Vilariño no 2016 por Tundra.

A súa conexión coa mocidade, máis aló da docencia, vén determinada polo labor de achegamento da poesía ao público xuvenil que está desenvolvendo nos últimos anos a través de diversos recitais e obradoiros. Teñen grande éxito entre o lectorado novo títulos como Makinaria, Penúltimas tendencias ou Masculino singular, libros que rompen con estereotipos de xénero e contribúen na construción dunha sociedade máis igualitaria.

Día mundial do libro

Este recoñecemento faise público co gallo do Día mundial do Libro e dos Dereitos de autor, que se celebra o 23 de abril, e que a Consellería conmemora cada ano editando un díptico cun texto dunha persoa referente da literatura galega actual. Este ano o narrador,  poeta e editor Fran Alonso cedeu un texto para este díptico, no que se centra nas posibilidades e nos efectos da lectura, e que se pode consultar no portal das Bibliotecas Escolares de Galicia, no enlace http://www.edu.xunta.es/biblioteca/blog/?q=node/1075.

Premios autonómicos Bibliotecas escolares Ensinanzas de réxime xeral Consellería de Cultura, Educación e Ordenación Universitaria Subdirección Xeral de Centros Profesorado Alumnado Centros
Categorías: Novas

Política Lingüística colabora con PuntoGal nunha campaña con motivo do Día do Libro

Ven, 20/04/2018 - 15:35
Idioma Gallego Resumo:  12.000 marcapáxinas que animan á lectura e ofrecen un dominio .gal por só 15 € chegarán entre o 23 de abril e o 31 de agosto a case duascentas librarías e a todas as feiras do libro de Galicia O secretario xeral de Política Lingüística participou esta mañá en Ferrol na presentación desta iniciativa na que se implicaron tamén a Federación de Librarías de Galicia e o IES Leixa, cuxo alumnado deseñou os marcapáxinas

O secretario xeral de Política Lingüística, Valentín García, participou esta mañá no IES Leixa de Ferrol, na presentación da campaña da Asociación PuntoGal con motivo do Día do Libro, que se celebrará o próximo 23 de abril. A iniciativa conta coa colaboración da Secretaría Xeral de Política Lingüística, da Federación de Librarías de Galicia e do IES Leixa e consiste na distribución de cinco orixinais marcadores deseñados polo alumnado deste centro educativo para animar a ler e para estender o uso dos dominios .gal. Cada marcapáxinas inclúe un código que rebaixa o prezo dun dominio .gal a tan só 15 € + IVE.

No acto de presentación, o secretario xeral de Política Lingüística sinalou que “unir o libro e os dominios .gal de internet é xuntar nun mesmo proxecto dous dos axentes máis importantes da cultura galega e en galego, un de tan longa tradición como prometedor futuro e outro que representa a innovación e a extensión da nosa lingua aos novos espazos de comunicación xurdidos nas últimas décadas”.

A canda Valentín García, interviñeron na presentación desta iniciativa o director xeral de PuntoGal, Darío Janeiro; o vicepresidente da Federación de Librarías de Galicia, Xosé Antón Pedreira e a directora do IES Leixa, Ana María Roel, que actuou como anfitrioa.

12.000 marcapáxinas que unen a lectura e internet

As 12.000 copias de marcapáxinas que integran esta campaña distribuiranse en todas as feiras do libro de Galicia e en case duascentas librarías galegas. Incoporan, en forma de código, a posibilidade de obter un dominio .gal por só 15€ + IVE. Desta maneira, únese nunha mesma acción a lectura e internet , fórmula elixida polos organizadores para celebrar o próximo Día do Libro. Ata fin de existencias, os compradores recibirán un marcapáxinas con cada exemplar adquirido nos establecementos sumados á iniciativa.

A promoción comeza este mesmo 23 de abril e estará activa ata o 31 de agosto. Os códigos poden validarse en calquera das dúas empresas rexistradoras que participan: Dinahosting e CdMon. Toda a información pódese atopar na web do dominio .GAL: www.dominio.gal/promocions.

Participación dos estudantes

Arredor de vinte estudiantes do IES fixeron as súas propostas para animar á lectura, dos que PuntoGal seleccionou cinco modelos finalistas. Os cinco marcapáxinas escollidos, que poderán descargase xunto co resto dos presentados polos estudantes na web de PuntoGal (asociacion.gal), son da autoría de Julio Santiso Barreiro, Aida Bao Estévez, Tamara Álvarez Castro, Natalia Romero Díaz e Borja Rey Estévez.

Lingua galega Secretaría Xeral de Política Lingüística
Categorías: Novas

O programa de dinamización lingüística ‘FalaRedes’ homenaxea a María Victoria Moreno

Ven, 20/04/2018 - 15:30
Resumo:  Faino coa proposta Señora que pasea pola rúa con dous cans preciosos, de Matrioshka Teatro, que bota a andar hoxe cunha función especial no IES de Vilalonga, onde a escritora deu clase A sesión de estrea asistiu o secretario xeral de Política Lingüística Idioma Gallego

O secretario xeral de Política Lingüística, Valentín García, asistiu esta mañá á sesión inaugural da actividade de dinamización lingüística Señora que pasea pola rúa con dous cans preciosos, con que a Rede de Dinamización Lingüística (RDL) que el preside lle rende homenaxe á autora a quen se lle dedicará este ano o Día das Letras Galegas. A actividade percorrerá 10 concellos da Rede no marco do programa de Dinamización Lingüística FalaRedes 2018.

Valentín García explicou que FalaRedes é un programa centrado na oferta de ocio en galego para toda a poboación e, dunha maneira especial, para a infancia e a mocidade, “que ten nas súas mans o futuro da lingua”. “Ese obxectivo mantense con esta actividade, que ademais nos permite renderlle homenaxe a unha autora que se dirixiu fundamentalmente aos nenos e nenas e mais aos adolescentes, por quen sentía unha predilección especial como escritora e como profesora”. Precisamente isto é o que, en palabras do secretario, “explica que poñamos a andar Señora que pasea pola rúa con dous cans preciosos nunha sesión especial que se desenvolve nun dos institutos galegos onde ela impartiu docencia e a cuxo alumnado lle dedicou a súa obra máis coñecida”.

O secretario xeral de Política Lingüística estivo acompañado pola concelleira de Educación, Cultura e Mocidade de Sanxenxo, Paz Lago.

Señora que pasea pola rúa

Señora que pasea pola rúa con dous cans preciosos é unha peza teatral de Matrioshka Teatro dirixida a público xeral a partir dos 14 anos e centrada en difundir a vida, obra e pensamento de María Victoria Moreno. Vai seguida dun coloquio no que se convida a participar ao público asistente, co que se promoven asemade o diálogo en galego e un coñecemento máis profundo da escritora.

A actividade pasará a partir de hoxe por 10 concellos da Rede de Dinamización Lingüística. En Sanxenxo, ademais da sesión especial desta mañá no IES de Vilalonga, haberá un segundo pase para todo o público ás 21:00 horas no Auditorio do Pazo Emilia Pardo Bazán. Mañá, Señora que pasea polas rúas con dous cans preciosos fará parada no Auditorio Municipal “Ángel Cocho” de Xinzo de Limia ás 19:30 horas.

Nas próximas semanas, e ata o domingo 6 de maio, esta peza teatral chegará tamén a Vilagarcía de Arousa, Boqueixón, Valga, Viveiro, Boiro, Noia e O Carballiño. O calendario completo pode verse no Portal da Lingua Galega (www.lingua.gal/falaredes).

FalaRedes 2018

A oitava edición do programa de dinamización lingüística 'FalaRedes' mantén os obxectivos das anteriores de ofrecer propostas de lecer de calidade en galego para todas as idades e de promover, con elas, o uso e mais a valoración positiva da lingua propia de Galicia.

Neste momento, hai en marcha dúas actividades, Señora que pasea pola rúa con dous cans preciosos e o concerto de música infantil Enredando con Pakolas. Ata finais de ano iranse incorporando novas propostas que percorrerán os concellos da RDL, unha iniciativa impulsada polo Goberno galego para incidir na promoción do uso da lingua galega desde as administracións local e autonómica que conta con máis de 180 entidades adscritas.

Ficheiro:  Dossier Señora que pasea pola rúa ... Lingua galega Secretaría Xeral de Política Lingüística
Categorías: Novas

Listaxes da baremación provisional e das puntuacións provisionais dos premios extraordinarios de formación profesional de grao superior correspondentes ao curso 2016/2017

Ven, 20/04/2018 - 11:33
Idioma Gallego Anuncio principal:  Convocados os premios extraordinarios de formación profesional de grao superior correspondentes ao curso 2016/2017

Xúntanse as Listaxes da baremación provisional e das puntuacións provisionais dos premios extraordinarios de formación profesional de grao superior correspondentes ao curso 2016/2017.

Servizo relacionado:  Premios FP Tema:  Premios autonómicos Ensinanza:  Formación Profesional inicial Departamento:  Subdirección Xeral de Inspección, Avaliación e Calidade do Sistema Educativo Servizo de Avaliación e Calidade do Sistema Educativo Colectivo:  Alumnado Centros
Categorías: Novas

Convocado concurso de méritos específico entre persoal funcionario de carreira e en prácticas do corpo de mestres para cubrir, en comisión de servizos, postos de escolarización ao alumnado de atención preferente

Ven, 20/04/2018 - 08:03
Idioma Gallego

Xúntase a Orde do 4 de abril de 2018 pola que se convoca concurso de méritos específico entre persoal funcionario de carreira e en prácticas do corpo de mestres para cubrir, en comisión de servizos, postos de escolarización ao alumnado de atención preferente.

  • O prazo de presentación de solicitudes nesta convocatoria é o comprendido entre o 23 de abril de 2018 e o 7 de maio de 2018, ambos inclusive (dez días hábiles contados a partir do día seguinte ao da publicación desta orde no Diario Oficial de Galicia)
Ficheiro:  Orde do 4 de abril de 2018 (DOG) Tema:  Programas e plans Comisións de servizo Ensinanza:  Educación primaria Departamento:  Servizo de Profesorado de Educación Infantil e Primaria Colectivo:  Profesorado Sección:  Boletín Portada de boletín
Categorías: Novas

Convócase un procedemento para a elaboración das listas de interinidades e substitucións para impartir docencia no corpo de profesores de ensino secundario, especialidade de matemáticas (590006)

Xov, 19/04/2018 - 14:49
Idioma Gallego

Xúntase a Resolución do 19 de abril de 2018, da Dirección Xeral de Centros e Recursos Humanos, pola que se convoca un procedemento para a elaboración das listas de interinidades e substitucións para impartir docencia no corpo de profesores de ensino secundario, especialidade de matemáticas (590006).  

  •   O prazo para a presentación de solicitudes será o comprendido entre o 20/04/2018 e o 26/04/2018, ambos incluídos.
Ficheiro:  Resolución do 19 de abril de 2018 Modelo de solicitude Modelo de alegación de méritos Servizo relacionado:  Listas de substitucións Tema:  Programas e plans Interinidades e substitucións Ensinanza:  Ensinanzas de réxime xeral Departamento:  Servizo de Profesorado de Ensinanzas Secundaria, de Formación Profesional e de Réxime Especial Colectivo:  Profesorado Sección:  Boletín Portada de boletín
Categorías: Novas

Cultura celebra o Día do Libro con actividades na rede de bibliotecas, museos e arquivos de toda Galicia

Xov, 19/04/2018 - 13:37
Resumo:  Contacontos, agasallos, obradoiros ou liberación de libros forman parte da oferta especial que se articula arredor do día 23, pero que se prolonga varias xornadas A programación de cada un dos centros está dispoñible en cultura.gal e na app Axenda Cultura Idioma Gallego

O vindeiro luns, 23 de abril, celébrase o Día do Libro. A efeméride quere fomentar a lectura, a industria editorial e poñer o foco nos dereitos de autor e a propiedade intelectual. Para conmemorar esta data, as bibliotecas de xestión autonómica adscritas á Consellería de Cultura e Educación, así como algúns dos museos e arquivos dependentes deste departamento, desenvolven unha programación específica, dirixida á promoción do libro e da lectura.

Presentacións, conferencias, mostras e obradoiros

Mañá venres 20 de abril, ás 18:00 horas, a Biblioteca Pública de Lugo comeza as celebracións do Día do Libro coa presentación do poemario Destellos, de Ari Alonso. Pola súa banda, no Museo Etnolóxico de Ribadavia, ás 20:30 horas, terá lugar a presentación do libro Saltando Valados, unha edición trilingüe en galego, castelán e inglés que explica e analiza o programa Museo Aberto, no que se traballou con distintos colectivos sociais, como enfermos de alzhéimer, presos no cárcere ou persoas con discapacidade intelectual. O xoves 26, ás 19:30 horas, o escritor Suso de Toro impartirá unha conferencia titulada Dentro da literatura. Vai ser no salón de actos da biblioteca pública de Santiago e a entrada é libre ata completar a capacidade da mesma

A Biblioteca Pública de Vigo Juan Compañel ofrece dúas mostras bibliográficas ata o 30 deste mes de abril, Libros sen palabras para o público infantil e Líber, libros e liberdade ao longo da historia, que ofrece unha visión sobre a censura que afectou os libros ao longo da historia. Ademais, os días 23, 25 e 26 de abril, a partir das 18:00 horas, as nenas e nenos maiores de 10 anos poden participar no obradoiro Son encadernador, no que poden fabricar o seu propio libro en encadernación xaponesa, mentres aprenden a técnica e a súa historia.

A Biblioteca Pública da Coruña Miguel González Garcés expón ata o día 11 de maio a mostra Imaxe e palabra, organizada por Aspnais-Lugo, froito das achegas de 16 fotógrafos e 31 escritores. No vestíbulo, e ata o 30 de abril, pódense ver, ademais, as exposicións Premios literarios e Cervantes e o Quixote nos cómics. O sábado 21, a biblioteca acolle dúas sesións de Cans e letras, un programa de lectura con cans que atrae moito interese. Será ás 12:00 e ás 13:00 horas, con inscrición previa.

Pola súa banda, a Biblioteca Pública de Pontevedra Antonio Odriozola centra as súas mostras en Cervantes. Ata o día 30 pódese visitar 4 en 42: Cervantes tamén ten nome de muller, que homenaxea as mulleres gañadoras do Premio Cervantes: Dulce María Loynaz, María Zambrano, Ana María Matute e Elena Poniatowska. A sala infantil acolle Nun lugar da Mancha... o teu primeiro Quixote, coas adaptacións da obra mestra da literatura castelán ao público máis novo.

A Biblioteca Pública de Ourense, o sábado 21 ás 12:00 horas, ten unha actividade de animación á lectura para nenos e nenas de 6 a 10 anos, Cazadores de libros, que os converterá en detectives para atopar libros perdidos. Pola súa banda, a Biblioteca de Galicia albergará, o sábado 28, o obradoiro O dedo máxico, para cativas e cativos de seis a oito anos. É precisa inscrición previa na web www.cidadedacultura.gal.

Contacontos

Unha das actividades máis populares no ámbito das bibliotecas é a dos contacontos que conseguen atraer a atención dos máis pequenos e sementar neles o amor pola lectura. A Biblioteca Pública de Lugo comeza mañá, venres 20, ás 18:00 horas, con Contiario, de Pablísimo, unha colección de relatos para espertar a curiosidade polos libros. Está aberto a un público familiar. O sábado 21 de abril, ás 12.00 horas, na sala infantil da Biblioteca Pública de Vigo Juan Compañel, Ana Carreira contará Contos de tesouros, para nenas e nenos maiores de tres anos. Hai que inscribirse previamente na biblioteca. O mesmo día e á mesma hora, a Biblioteca Pública de Santiago Ánxel Casal ofrece para nenos e nenas de tres a 12 anos Imaxina que...a cargo de Ramiro Neira.

O Día do Libro, o luns 23, ás 18:00 horas, a Biblioteca Pública de Pontevedra Antonio Odriozola acolle o espectáculo de narración oral con obxectos e monicreques Vén a conto, de Raquel Queizás para nenos e nenas a partir de tres anos. O martes 24 de abril, ás 18:30 horas, a biblioteca de Vigo ofrece un novo contacontos, Carola, a carteira Centola e o sábado 28, ás 12:00 horas, a Biblioteca Pública da Coruña Miguel González Garcés programa Cores e persoas, da compañía Trinke Trinke, aberta a todos os públicos.

Intercambio, liberación e agasallo de libros

A Biblioteca Pública de Santiago Ánxel Casal puxo en marcha o pasado luns e ata o Día do Libro unha campaña de liberación de libros polos diferentes espazos das súas instalacións. Calquera pode levalos e, unha vez lidos, deixalos nalgún punto da cidade. Mañá, venres 20, o Museo Etnolóxico de Ribadavia, o das Peregrinacións e de Santiago e o de Belas Artes da Coruña súmanse á campaña. Este último, ademais, amplía a proposta, coa organización dun  intercambio de publicacións da propia entidade por outras que acheguen os lectores relacionadas coas áreas temáticas da súa biblioteca. O propio día 23, na Biblioteca de Galicia agasallan cun libro a todos os visitantes desa xornada e o persoal da biblioteca de Santiago recomenda lecturas a cada lector ou lectora para, ao día seguinte, sortear un lote de libros entre todos os usuarios que leven un libro en préstamo o día 23.

Outras actividades

O Día do Libro é unha magnífica ocasión para realizar visitas guiadas ás bibliotecas, ás 12:00 horas nas bibliotecas de Santiago, Vigo e A Coruña, que se repetirán ás 17:00 na Miguel González Garcés e ás 18:00 horas na Juan Compañel. A Ánxel Casal aproveita o día para convocar o VIII Concurso de Carteis do Día das Letras Galegas, para nenas e nenos dos 3 aos 13 anos, cuxas bases se poderán consultar desde ese día na páxina web da biblioteca.

Esta programación especial con motivo do Día do Libro pode consultarse na páxina web www.cultura.gal ou a través da app Axenda Cultura.

Información xeral Hora de ler Bibliotecas escolares Ensinanzas de réxime xeral Ensinanzas de réxime especial Educación das persoas adultas Consellería de Cultura, Educación e Ordenación Universitaria Profesorado Alumnado Familias Centros
Categorías: Novas

Listaxe definitiva de solicitudes admitidas e excluídas das axudas de apoio á etapa predoutoral nas universidades do SUG, e noutras entidades do Sistema de I+D+i, cofinanciadas polo programa operativo FSE Galicia 2014-2020, para o ano 2018

Xov, 19/04/2018 - 11:59
Idioma Gallego

Xúntase a Listaxe definitiva de solicitudes admitidas e excluídas das axudas de apoio á etapa predoutoral nas universidades do SUG, nos organismos públicos de investigación de Galicia e noutras entidades do Sistema galego de I+D+i, cofinanciadas parcialmente polo programa operativo FSE Galicia 2014-2020, para o ano 2018

  Anuncio principal:  Axudas de apoio á etapa predoutoral nas universidades do SUG, nos organismos públicos de investigación de Galicia e noutras entidades do Sistema galego de I+D+i, cofinanciadas parcialmente polo programa operativo FSE Galicia 2014-2020, para o ano 2018 Tema:  Bolsas Ensinanza:  Universidade Departamento:  Secretaría Xeral de Universidades Subdirección Xeral de Promoción Científica e Tecnolóxica Universitaria Colectivo:  Alumnado
Categorías: Novas

Axudas destinadas ao cofinanciamento dos servizos de comedor escolar xestionados polas asociacións de nais e pais do alumnado dos centros públicos non universitarios dependentes desta consellería, para o curso académico 2017/2018

Xov, 19/04/2018 - 08:50
Idioma Gallego

Xúntase a Orde do 2 de abril de 2018 pola que se establecen as bases e se convocan as axudas destinadas ao cofinanciamento dos servizos de comedor escolar xestionados polas asociacións de nais e pais do alumnado dos centros públicos non universitarios dependentes desta consellería, para o curso académico 2017/18.

  • O prazo de presentación de solicitudes será dun mes contado a partir do día seguinte a aquel en que se publique esta orde no Diario Oficial de Galicia.
Ficheiro:  Orde do 2 de abril de 2018 (DOG) Extracto da Orde do 2 de abril de 2018 (DOG) Tema:  Bolsas Comedores escolares Ensinanza:  Ensinanzas de réxime xeral Departamento:  Subdirección Xeral de Recursos Educativos Complementarios Servicio de Xestión de Comedores Escolares dos Centros Docentes non Universitarios Colectivo:  Alumnado Familias Centros
Categorías: Novas

Resolución definitiva do Concurso ComunicaTedu para centros públicos de ensino non universitario 2017/2018

Mér, 18/04/2018 - 14:57
Idioma Gallego

Xúntase a Resolución definitiva do Concurso ComunicaTedu para centros públicos de ensino non universitario 2017/2018

Anuncio principal:  Resolución pola que se regula para o curso 2017/2018, o Concurso ComunicaTedu para centros públicos de ensino non universitario Tema:  Concursos Ensinanza:  Ensinanzas de réxime xeral Departamento:  Servizo de Ordenación, Innovación e Orientación Educativa Colectivo:  Profesorado Alumnado Centros
Categorías: Novas

Román Rodríguez loa a Feira da Educación de Ribeira como escaparate das boas prácticas dos centros escolares

Mér, 18/04/2018 - 13:31
Resumo:  Idioma Gallego

O conselleiro de Cultura, Educación e Ordenación Universitaria, Román Rodríguez, inaugurou hoxe a 5º edición da Feira da Educación de Ribeira, que cualificou como un exemplo de boas prácticas para dar a coñecer o traballo de calidade que se realiza desde os centros escolares do concello.

 

En palabras do conselleiro, este certame “é un bo exemplo da valorización pública dos avances educativos” a través das distintas iniciativas que se desenvolven tanto nos centros escolares coma por parte de outras entidades e institucións de forte arraigo en Ribeira.

 

Nesta mostra, que permanecerá aberta ata o vindeiro domingo, participan arredor de 4.000 estudantes  en máis de 60 iniciativas como visitas guiadas a museos, obras de teatro, contacontos, obradoiros, presentacións literarias, campañas de dinamización da lectura e actuacións musicais, entre outros.

Román Rodríguez expresou o seu agradecemento por esta iniciativa de carácter municipal e lembrou a importancia deste tipo de encontros que permiten visibilizar a actividade creativa e innovadora que se leva a cabo nos centros escolares.

A este respecto lembrou que a Consellería de Educación ten en marcha unha serie de iniciativas neste sentido como a STEMlab Galicia, a maior feira educativa STEM que se vai celebrar por primeira vez este venres na Cidade da Cultura, en Santiago, e que contará coa presenza do astronauta Pedro Duque; ou o próximo Congreso FP Innova, onde Ribeira estará representado polo CIFP Coroso.

Información xeral Ensinanzas de réxime xeral Consellería de Cultura, Educación e Ordenación Universitaria Profesorado Alumnado Centros
Categorías: Novas

A Xunta e a Fundación do Fútbol Galego impulsarán unha competición inclusiva entre os centros educativos

Mér, 18/04/2018 - 12:46
Resumo:  O conselleiro de Cultura e o Educación e o presidente da Federación na que se enmarca a Fundación asinaron hoxe un protocolo de colaboración para o desenvolvemento de varias accións neste eido Idioma Gallego

O conselleiro de Cultura, Educación e Ordenación Universitaria, Román Rodríguez; e o presidente da Real Federación do Fútbol Galego, Rafael Louzán; asinaron hoxe un protocolo de colaboración para a promoción dos valores da educación inclusiva, a convivencia e a igualdade a través das actividades deportivas. Ao acto asistiu a secretaria xeral para o Deporte, Marta Míguez. Así mesmo, os responsables de ambos entes amosaron a súa disposición a traballar tamén en futuros acordos para a promoción do idioma galego.

Ao abeiro deste acordo, entre outras accións, impulsarase unha competición de fútbol inclusivo entre diferentes equipos de participación voluntaria por parte dos centros de ensino, promovendo a participación de nenas e nenos con diversidade funcional. Outra das accións salientables contempladas no protocolo é a organización neste mesmo curso escolar dunha Xornada de convivencia deportiva/fútbol inclusivo na que participen nais e pais, alumnado, docentes, futbolistas e árbitros. Neste marco desenvolveranse diferentes actividades como un mundialiño entre varios equipos, seminarios sobre boas prácticas no deporte e outras encamiñadas á promoción de valores positivos no deporte.

Ademais, ambas as partes colaborarán para confeccionar un decálogo de boas prácticas no fútbol, accesible a persoas con diversidade funcional, que se colocará nas instalacións polideportivas dos diferentes centros docentes; e difundirase nos centros e nas ANPAs a posibilidade de realizar unha actividade extraescolar sobre arbitraxe. Así mesmo, favorecerase a participación no programa eduMOTIVAcon de figuras sobresaíntes deste deporte, como árbitros, xogadores e adestradores, co fin de fomentar no alumnado valores como a motivación, a convivencia, a inclusión, o esforzo, a curiosidade, o pensamento crítico e o traballo en equipo.

En termos xerais, Consellería e Federación colaborarán na sensibilización e na difusión de materiais, unidades didácticas e documentos que permitan fomentar a inclusión e os valores nas prácticas do deporte; e facilitarase o contacto da Federación cos centros galegos no ámbito da promoción de estilos de vida saudables.

Román Rodríguez salientou a importancia dos valores que se van transmitir a través das actividades vinculadas ao desenvolvemento deste protocolo, especialmente nos tempos actuais, nos que os xogos son cada vez máis individualistas. Así mesmo, lembrou que este acordo avanza en liñas estratéxicas da Consellería como son a inclusividade na escola, a mellora da convivencia, a promoción de hábitos saudables e o fomento de valores como o respecto e a tolerancia.

Pola súa parte, Rafael Louzán resaltou o compromiso social da Federación e do fútbol galego en xeral, reflexados en accións xa realizadas e sobre todo en este convenio co que pretendemos ensalzar todos eses valores positivos que emanan do deporte, e en particular do fútbol, como son o respecto, o compañeirismo, o esforzo, o traballo en equipo, a xenerosidade, os hábitos saudables... O presidente da RFGF agradece ao conselleiro a posibilidade que lle ofrece á Federación de poñer en marcha este proxecto de fútbol inclusivo e destaca que se faga a través da Fundación do Fútbol Galego, a cal foi creada recentemente precisamente para poder levar a cabo distintos proxectos de índole social dentro do noso fútbol.

Convivencia Ensinanzas de réxime xeral Consellería de Cultura, Educación e Ordenación Universitaria Entidades autonómicas Profesorado Alumnado Centros
Categorías: Novas

Premio dos Clubs de Lectura 2018, do ámbito educativo, para o poeta Carlos Negro

Mér, 18/04/2018 - 11:52
Idioma Gallego

Xúntase a Resolución da Dirección Xeral de Centros e Recursos Humanos, de 18 de abril de 2018, polo que se fai pública a concesión do Premio dos Clubs de Lectura 2018, co gallo da celebración do Día Mundial do Libro e dos Dereitos de Autor o vindeiro 23 de abril. A través deste galardón quérese recoñecer o labor das autoras e autores galegos que facilitan, cos seus libros, o labor de mediación na creación de hábitos de lectura e que son quen de concitar o interese dos lectores e lectoras participantes na experiencia dos clubs de lectura dos centros de ensino secundario de Galicia.

O premio seralle entregado ao profesor e escritor Carlos Negro no transcurso da XI Xornada dos Clubs de Lectura dos centros de ensino secundario de Galicia, que terá lugar en Santiago de Compostela (Palacio de Congresos), o 1 de xuño e que reunirá ao profesorado que coordina os clubs de lectura integrados nesta iniciativa da Consellería de Cultura, Educación e Ordenación Universitaria, con convocatoriais anuais desde o curso 2007-2008.

Ficheiro:  Resolución do 18 de abril de 2018: Concesión do Premio dos Clubs de Lectura 2018 Tema:  Hora de ler Plan LÍA Bibliotecas escolares Ensinanza:  Ensinanzas de réxime xeral Departamento:  Dirección Xeral de Centros e Recursos Humanos Subdirección Xeral de Centros Servizo de Xestión de Programas Educativos Colectivo:  Profesorado Alumnado Centros
Categorías: Novas

Pedro Duque, astronauta da Axencia Espacial Europa (ESA), inaugurará a maior feira educativa STEM de Galicia

Mar, 17/04/2018 - 15:24
Resumo:  STEMlab Galicia, que se celebrará este venres en Santiago, contará cunha área de exhibición de proxectos de 18 centros e espazos maker para estudantes e familias Asistirán máis de 3.000 alumnos e alumnas a este evento, que se enmarca na estratexia da Consellería de Educación Edudixital 2020, a máis ambiciosa de todo o Estado para fomentar as vocacións científico-tecnolóxicas Idioma Gallego

O astronauta da Axencia Espacial Europea (ESA) Pedro Duque será o encargado de inaugurar a maior feira educativa STEM de Galicia, que baixo nome de STEMlab Galicia, celebrarase este venres no Palacio de Congresos de Santiago de Compostela. O evento, que organiza a Consellería de Cultura e Educación por primeira vez, busca poñer en valor os diferentes proxectos que están realizando os centros galegos no ámbito STEM (Ciencia, Tecnoloxía, Enxeñaría e Matemáticas).

De feito, un total de 18 centros exhibirán as súas iniciativas e, ademais, haberá espazos maker para alumnado e familias, así como conferencias de relatores de prestixio como o científico Ángel Carracedo e a directora do CINBIO, África González. O día seguinte, sábado 21, celebrarase unha xornada de formación específica para o profesorado.

Robots, drons ou 3D

A feira STEMlab Galicia nace co fin de mostrar o traballo innovador que están realizando os centros no ámbito STEM, uns proxectos vinculados coas accións e dotacións de equipamento da Consellería. En concreto, haberá exhibicións con robots, drons, prácticas 3D, de programación, clubs de ciencia ou iniciativas vinculadas co espazo, entre outras. Aínda que moitos dos proxectos teñen unha compoñente científico-tecnolóxica clara, tamén é importante salientar o seu uso social, posto que moitos tratan de mellorar o benestar dos cidadáns.

Os 18 centros que expoñerán os seus traballos son o CPI de Atios (Valdoviño), CPI Virxe da Cela (Monfero), IES David Buján (Cambre), IES de Ortigueira (Ortigueira), IES Urbano Lugrís (Malpica), IES de Fene (Fene), CPI a Xunqueira (Fene), CIFP Ferrolterra (Ferrol), IES de Meaño (Meaño), IES Xulián Magariños (Negreira), IES Fraga do Eume (Pontedeume), CEIP Ponte dos Brozos (Arteixo), CEIP de Laredo (Redondela), CEIP Santo Paio de Abaixo (Redondela), IES Xunqueira II (Pontevedra), CEIP Valle Inclán (O Grove), CEIP de Noalla-Telleiro (Sanxenxo) e o IES Francisco Daviña Rey (Monforte).

Toda a información do evento pode consultarse no web www.stemlab.gal

Pedro Duque

O astronauta da ESA Pedro Duque participará na inauguración do venres ás 10:45 horas. Posteriormente, visitará os stands da feira e intercambiará impresións cos alumnos e docentes presentes. Prevese unha asistencia á feira, contando a xornada de mañá e de tarde, de máis de 3.000 mozos e mozas.

Pedro Duque (14 de marzo de 1963) é enxeñeiro aeronáutico pola Universidade Politécnica de Madrid (Escola Técnica Superior de Enxeñeiros Aeronáuticos). Ademais, é académico correspondente da Real Academia de Enxeñaría de España desde abril de 1999.

En maio de 1992 foi seleccionado para formar parte do Corpo de Astronautas da ESA con base no Centro Europeo de Astronautas en Colonia (Alemaña). Tras prepararse na Cidade das Estrelas de Moscú e en Estados Unidos, Duque converteuse no primeiro astronauta de nacionalidade española en viaxar ao espazo en 1998, ao que volveu en 2003. En total, interveu en catro voos espaciais, o que o define como especialista na adaptación de experimentos para a súa realización en naves espaciais e na organización de tarefas e procedementos para a súa operación tanto desde terra, como desde o espazo.

Despois do seu último voo espacial, a ESA enviouno como Director de Operacións do Centro Español de Apoio a Investigadores e Operacións para a Estación Espacial, adscrito ao Instituto de Microgravedad Ignacio de Riva da Universidade Politécnica de Madrid. Tras uns anos en excedencia, Duque regresou á ESA en 2011, onde retomou o seu posto de astronauta e mantén as cualificacións para un posible novo voo espacial. Actualmente é responsable do control e revisión de proxectos futuros.

Ademais da súa prolífica carreira profesional, recibiu múltiples recoñecementos tanto no propio país como no exterior. En marzo de 1995 recibiu a Orde da Amizade de Rusia; en febreiro de 1999 o Rei de España impúxolle a Gran Cruz ao Mérito Aeronáutico; e en outubro dese mesmo ano outorgóuselle o Premio Príncipe de Asturias á Cooperación Internacional, xunto cos astronautas Chiaki Mukai, John Glenn e Valery Polyakov.

Para máis información pode consultarse o seguinte enlace http://www.esa.int/esl/ESA_in_your_country/Spain/Pedro_Duque3.

Fomento das vocacións STEM no alumnado

O compromiso da Consellería co fomento das vocacións STEM entre o alumnado queda recollido na Estratexia galega para a educación dixital, Edudixital 2020, que conta cun orzamento de 50 millóns de euros ata 2020. Precisamente, este plan céntrase na potenciación do proxecto dixital nas aulas –E-Dixgal ou libro dixital– e no fomento dos coñecementos científico-tecnolóxicos, o que a sitúa como a estratexia STEM máis ambiciosa de todo o Estado e unha das máis significativas de Europa.

Neste sentido, cómpre lembrar que no curso pasado 2016/17 entregáronse kits de Robótica en todos os centros de secundaria. Tras o éxito desta medida, no curso actual optouse por estender os kits tamén a primaria, que chegan a máis de 10.000 alumnos de 4º, 5º e 6º de Primaria de 111 centros. A maiores, na actualidade hai máis de 5200 matriculados en Programación, Robótica e Identidade dixital (esta última pioneira en España). Pola súa banda, os clubs de ciencia esténdense este ano a 30 centros e, por primeira vez o pasado outono, púxose en marcha a Semana STEM, un campamento científico-tecnolóxico dunha semana de duración no que participaron 300 alumnos, maioritariamente mozas.

Ademais, a Consellería dispón dun plan específico en robótica, programación e impresión 3D dirixido aos docentes vinculados ás ensinanzas tecnolóxicas. Desde xaneiro de 2017 realizáronse un total de 262 actividades neste campo, cun total de 2535 docentes participantes en preto de 5000 horas. Tamén se realizaron 174 actividades de formación nos centros da rede (cursos, xornadas, encontros) da mesma temática, con máis de 3000 horas e case 2400 docentes participantes.

Plans e actuacións en innovación educativa Ensinanzas de réxime xeral Consellería de Cultura, Educación e Ordenación Universitaria Profesorado Alumnado Centros
Categorías: Novas

Proposta de concesión das axudas de mobilidade complementarias ás achegadas pola Unión Europea no marco do programa Erasmus+, para o alumnado do SUG que participa en Erasmus Estudos no curso 2017/2018

Mar, 17/04/2018 - 13:33
Idioma Gallego Anuncio principal:  Axudas de mobilidade complementarias ás achegadas pola Unión Europea no marco do programa Erasmus+, para o alumnado do SUG que participa en Erasmus Estudos no curso 2017/2018

De acordo co establecido nas bases da convocatoria, a Comisión Avaliadora acordou, con data  de 16 de abril  de 2018, elevar ao Conselleiro de Cultura, Educación e Ordenación Universitaria a seguinte proposta de concesión de axudas de mobilidade complementarias ás achegadas pola Unión Europea, no marco do programa comunitario Erasmus+, para o alumnado do Sistema universitario de Galicia que participan en Erasmus Estudos no curso 2017/2018. 

Esta listaxe faise pública exclusivamente a efectos informativos. Proximamente publicarase no Diario Oficial de Galicia a Orde de resolución coa listaxe oficial de concedidos  e denegados.

Tema:  Bolsas Erasmus Ensinanza:  Universidade Departamento:  Secretaría Xeral de Universidades Subdirección Xeral de Universidades Servizo de Apoio e Orientación aos Estudantes Universitarios
Categorías: Novas

A Xunta de Galicia aprobará este ano o primeiro Plan de dinamización da lingua galega na mocidade

Mar, 17/04/2018 - 12:45
Idioma Gallego Resumo:  O conselleiro de Cultura e Educación e a directora xeral de Xuventude presentaron hoxe o documento marco co que se traballará con axentes e institucións implicadas para a elaboración final do plan

O conselleiro de Cultura, Educación e Ordenación Universitaria, Román Rodríguez; a directora xeral de Xuventude, Participación e Voluntariado,  Cecilia Vázquez Suárez; e o secretario xeral de Política Lingüística, Valentín García; presentaron hoxe o documento marco do que vai ser o primeiro Plan de Dinamización da Lingua Galega na Mocidade, en palabras do responsable do departamento educativo da Xunta de Galicia, “o tronco sobre o que imos traballar Xunta de Galicia e sectores máis directamente implicados”. O obxectivo do Goberno galego é que este plan estea aprobado a fin deste ano 2018, unha vez recollidas as achegas de todos os axentes implicados, así como despois de ser analizado no Consello da Cultura Galega, na Real Academia Galega e no Parlamento de Galicia.

Román Rodríguez explicou que desde o primeiro momento foi vontade da Xunta de Galicia facer da elaboración do plan un proceso participativo e aberto, co fin de crear unha folla de ruta realista e útil, que permita coordinar e facer máis efectivas as accións que se desenvolvan cun obxectivo común, o de incrementar o uso do galego por parte da mocidade. “Os mozos e as mozos son o futuro e, por tanto, os que poden garantir o futuro da lingua galega”, sinalou o conselleiro.

Áreas e medidas

O titular do departamento educativo da Xunta de Galicia lembrou ademais que neste momento o sistema educativo garante o coñecemento do galego, coas porcentaxes de coñecemento máis elevadas da historia nas distintas competencias (entender, falar, ler e escribir). Tamén en todas elas temos os índices máis altos das linguas cooficiais de España. Agora é o momento de fomentar o uso, debemos apostar por ir máis aló do ámbito educativo, creando situacións contextos e actitudes que favorezan o feito de optar pola lingua propia de Galicia en todos os ámbitos da vida dos máis novos. Neste sentido, explicou que o plan busca dar visibilidade ao galego en 9 áreas, nomeadamente asociacións, deporte, lecer (concertos, espectáculos..), industrias culturais, formación continua, comunicación dixital e redes sociais, ensino, familia e emprego e emprendemento.

Dentro delas, proporanse medidas como o establecemento de acordos cos clubs deportivos para que incorporen a lingua galega ás súas comunicacións, a promoción dunha oferta competitiva de produtos culturais e audiovisuais en galego traducidos, o impulso da transmisión de galego aos fillos nas Escolas de Nais e Pais, o apoio e recoñecemento aos proxectos dixitais que publiquen integramente en galego, o apoio ás opcións dos “neofalantes” como novos usuarios do noso idioma ou o aproveitamento das potencialidades do galego no mundo lusófono á hora de emprender e crear emprego, entre outras

Participación

Pola súa banda, a directora xeral de Xuventude, Participación e Voluntariado, Cecilia Vázquez Suárez, destacou a importancia que ten este primeiro plan de dinamización para “seguir fomentando o uso do galego entre a xente nova nos ámbitos académico, laboral, familiar e nas relacións interpersoais”. Nesta liña, fixo fincapé no feito de que se trate dun documento participado polas entidades que desenvolven a súa actividade no campo xuvenil e apuntou que para obter uns resultados satisfactorios na aplicación do mesmo cómpre a implicación de todos os sectores implicados.

Ademais, Cecilia Vázquez reiterou que o obxectivo “é aumentar a presenza do noso idioma entre a xente nova”, para o que avogou por “continuar potenciando unha oferta asociativa, así como de programas e actividades tanto de lecer como formativas en galego”.

Segundo plan parcial

Este será o segundo plan parcial de dinamización da lingua galega derivado do Plan xeral de normalización da lingua galega (PXNLG) tras o elaborado, tamén polo actual Goberno da Xunta, para a dinamización do galego no tecido económico, que se aplica desde o ano 2016.

Deste xeito, desenvólvese o establecido no PXNLG no referido ao sector social da mocidade, para o que propón obxectivos e medidas dirixidas a impulsar o uso do idioma propio de Galicia na xente nova, para estimular na xuventude actitudes favorables que se traduzan nun uso xeneralizado do galego, superando vellos prexuízos; fomentar todo tipo de creatividade de base en galego, como forma lúdica de galeguización e de creación de mercado cultural; e garantir que en galego haxa unha oferta ampla, diversificada, competitiva e atraente de produtos de cultura.

Lingua galega Consellería de Cultura, Educación e Ordenación Universitaria Secretaría Xeral de Política Lingüística
Categorías: Novas

Educación abre o prazo para participar o próximo curso no programa de seccións bilingües e Cuale

Mar, 17/04/2018 - 11:26
Idioma Gallego Resumo:  A iniciativa enmárcase na Estratexia Galega de Linguas Estranxeiras 2020

A Consellería de Cultura, Educación e Ordenación Universitaria publica hoxe a convocatoria para que os centros públicos que o desexen soliciten a incorporación de novas seccións bilingües para o curso 2017/18.

Así mesmo, ábrese o pazo para participar no programa de cursos para a formación complementaria en linguas estranxeiras do alumnado (CUALE), ao abeiro do que o  alumnado de centros públicos integrados, institutos de educación secundaria e centros integrados de formación profesional da Comunidade Autónoma de Galicia poderá preparar as probas de certificación das EOI dos niveis das ensinanzas especializadas de idiomas.

Seccións bilingües

Os centros que desexen implantar unha sección bilingüe deberán facer a correspondente solicitude en liña completando o formulario electrónico dispoñible na aplicación á que se accede no enlace http://www.edu.xunta.es/programaseducativos . O prazo de presentación de solicitudes rematará o día 31 de maio de 2018.

A solicitude deberá incluír, entre outros datos, as áreas, materias ou módulos para os que se solicita o programa, as etapas e cursos en que se desenvolverá, a lingua estranxeira de elección, un breve proxecto e o número de alumnos participantes na iniciativa. No referido ao profesorado, xuntarase, de ser o caso, a xustificación acreditativa da súa competencia lingüística no idioma estranxeiro correspondente ao nivel B2 do Marco Común Europeo de Referencia para as linguas (MCERL).

Na última convocatoria incorporáronse ao programa 231 novas seccións bilingües en 111 centros educativos de Galicia, dos cales 34 eran novos centros.

CUALE

A formación que reciba o alumnado será totalmente gratuíta e realizarase fóra do horario lectivo. O CUALE desenvolverase baixo 4 modalidades diferentes, correspondentes aos niveis A1, A2, B1 e B2 do MCERL. Así, poderán cursar a modalidade CUALE A1 os estudantes que teñan superado todas as materias do 2º curso da ESO e que estean matriculados no 3º, mentres que a CUALE A2 está dirixido aos que superaran todas as materias de 3º da ESO e estean matriculados no 4º curso, así como aos inscritos en ciclos formativos de FP de grao medio de menos de 2.000 horas.

Pola súa banda, o CUALE B1 vai dirixido ao alumnado de bacharelato, de ciclos de grao medio de FP de 2.000 horas e de grao superior de menos de 2.000 horas, así como o que posúa o certificado do nivel básico das escolas oficiais de idiomas (EEOOII) ou outros certificados do nivel A2 do MCERL. Os cursos CUALE B2 serán para as alumnas e alumnos de bacharelato, ciclos de FP de grao superior de 2.000 horas, e para os que dispoñan do certificado do nivel intermedio das EEOOII o outros certificados do nivel B1 do MCERL.

O profesorado encargado de impartila, docentes de ensino secundario de lingua estranxeira, realizará probas ao remate do curso en cada nivel. A superación destas probas suporá a expedición por parte do centro dun certificado, no caso do nivel básico do CUALE A1, ou dun certificado de aproveitamento do curso preparatorio para as probas de certificación que se realizarán nas EEOOII, no resto das modalidades. Para a obtención do certificado oficial dos niveis básico, intermedio ou avanzado será necesario que os estudantes superen as probas específicas que as EEOOII realizan cada ano, para as que os prepara o CUALE.

Os centros que desexen implantar o programa CUALE deberán facer a correspondente solicitude en liña completando o formulario electrónico dispoñible na aplicación á que se accede no enlace http://www.edu.xunta.es/programaseducativos . O prazo de presentación de solicitudes rematará o día 10 de xuño de 2018. No presente curso escolar 2017/18 incorporáronse ao programa CUALE 27 novos centros educativos.

EDUlingüe

As convocatorias enmárcanse na Estratexia Galega de Linguas Estranxeiras 2020 (EDUlingüe), para o fomento e a mellora do plurilingüismo no ensino non universitario, na que se contemplan medidas e accións para a mellora da competencia lingüística en linguas estranxeiras do alumnado galego do que se se están a beneficiar xa preto de 100.000 alumnos e alumnas de toda Galicia a través de 322 centros plurilingües e 4.145 seccións bilingües.

A nova estratexia pretende alcanzar os 500 centros plurilingües en 2020, crear 600 novas seccións bilingües e duplicar o número de auxiliares de conversa ata chegar aos 1000. Ademais, e co fin de recoñecer os coñecementos do alumnado, este mesmo curso promoverase que certifiquen o seu nivel de idioma ao remate de ESO e Bacharelato. Así mesmo, xa está en marcha un plan de formación específico sobre linguas estranxeiras para o profesorado.

Cuale Seccións bilingües Ensinanzas de réxime xeral Consellería de Cultura, Educación e Ordenación Universitaria Servizo de Ordenación, Innovación e Orientación Educativa Profesorado Alumnado Familias Centros Linguas estranxeiras
Categorías: Novas

Convocatoria para a incorporación de novas seccións bilingües en centros sostidos con fondos públicos de ensino non universitario para o curso 2018/2019

Mar, 17/04/2018 - 09:17
Idioma Gallego

Xúntase a Resolución do 5 de abril de 2018, da Dirección Xeral de Educación, Formación Profesional e Innovación Educativa, pola que se fai pública a convocatoria para a incorporación de novas seccións bilingües en centros sostidos con fondos públicos de ensino non universitario para o curso 2018/19.

  • O prazo de presentación de solicitudes comezará o día seguinte ao da publicación deste anuncio no Diario Oficial de Galicia e rematará o día 31 de maio de 2018.

 

Ficheiro:  Resolución do 5 de abril de 2018 (DOG) Resolución do 5 de abril de 2018 Tema:  Programas e plans Seccións bilingües Departamento:  Servizo de Ordenación, Innovación e Orientación Educativa Colectivo:  Profesorado Centros Sección:  Boletín Portada de boletín Linguas estranxeiras
Categorías: Novas


by Dr. Radut