RADIO ESCOLAR

Ven, 01/12/2017 - 01:00 — admin

A Consellería ven de facer público o listado de centros seleccionados para participar no Proxecto: Radio Escolar.

E aí estamos!

Somos 20 centros de toda Galicia e, formar parte dese grupo é algo que nos satisface moito polas fiestras que se nos abren. Procuraremos, co traballo diario, estar á altura.

Esta vez, un grupo de mestras animámosnos a facer de directoras e productoras de curtas de animación en galego. Todo se desenvolverá dentro do proxecto NÓS TAMÉN CREAMOS. Serán os alumnos e alumnas os encargados dos guións, decorados e voces. Seguro que pronto poderemos velo na TVG2. O que si é seguro, é que pronto os poderedes ver nos nosos blogues.

Ponte a contar

Ven, 24/02/2012 - 02:19 — admin

Co bo sabor de boca que nos deixou a recolla de lendas de Malpica no curso 2009/2010, comezamos un novo proxecto:

VI Certame de Recolla da Tradición Oral Galego-Portuguesa

Os alumnos de 4 e 5 anos mais os de 2º e 3º ciclo, indagarán nos contos populares que percorreron a nosa vila noutro tempo. É hora de que estas novas xeracións se fagan portavoces destas historias adaptándoas aos novos tempos. Esperemos que a experiencia sexa gratificante para todos!

Certame 2012 "Deseña unha xoia para a túa nai"

Ven, 24/02/2012 - 01:58 — admin

Debido a gran aceptación en pasadas edicións entre os mestres, mestras e alumnado, este ano, os grupos de Primaria voltamos a participar neste interesante e creativo concurso.

Esperamos que algunha nai luza ca chegada do Maio a xoia mais fermosa: a deseñada con agarimo polo seu neno, a deseñada con amor pola súa nena!

De todos xeitos, FELICIDADES a todas as mamás por selo!

BASES DA CONVOCATORIA

28 Concurso Escolar ONCE

Mar, 20/09/2011 - 17:24 — admin

^{28 CONCURSO ESCOLAR ONCE}

Como xa vimos facendo durante os pasados cursos, participaremos no Concurso Escolar ONCE co obxectivo de coñecer un pouco as discapacidades e as súas implicacións. Hai dous anos xa detectamos moitas barreiras arquitectónicas e reflexionamos sobre elas. Ao longo deste curso os alumnos e alumnas de 3º,4º, 5º A e 6º intentaremos facer do noso barrio, un barrio accesible.