Skip to Content

Zona Educativa

BOLSAS E AXUDAS PARA ALUMNADO CON NECESIDADE ESPECÍFICA DE APOIO EDUCATIVO 2019-2020 MEC

Achegamos o enlace do Ministerio de Educación  e Formación Profesional (MEC) para cubrir as bolsas 2019 – 2020 para o alumnado con necesidade específica de apoio educativo. Premendo o enlace pódense comprobar os requisitos (límites de renda e patrimonio e necesidades que cubre), así como o tipo de bolsa e contía da mesma. As persoas que a desexen tramitar terán que informar ao centro antes do día 20 do presente mes, xa que dende a escola é preciso achegar un informe individual.

http://www.educacionyfp.gob.es/servicios-al-ciudadano/catalogo/estudiantes/becas-ayudas/para-estudiar/formacion-profesional/necesidad-especifica-apoyo-educativo.html

LISTAXES PROVISIONAIS DE TRANSPORTE ESCOLAR PARA O CURSO 2019 - 2020

Publicamos as listaxes provisonais de transporte para o vindeiro curso escolar 2019 - 2020. O prazo de reclamación será do 3 de xullo ao 8 de xullo. As listaxes definitivas publicaranse en setembro, antes do inicio do período lectivo.

LISTAXES PROVISIONAIS DO FONDO DE LIBROS

Publicamos as listaxes provisionais do Fondo de Libros:

"A MELLOR ESTRATEXIA DE XOGO"

A través de ADAFAD, o alumnado de 5º e 6º de Primaria participou no obradoiro "A mellor estratexia de xogo", que ten como obxectivo promover a toma de conciencia sobre as vantaxes e riscos asociados a Internet especialmente videoxogos. 

O NOSO RAP DA IGUALDADE!!!

O profesorado e alumnado do noso centro continúa a traballar na promoción de valores relacionados coa igualdade e a coeducación. Gozade coas nosas voces!!

 

LETRAS GALEGAS 2019!!

CELEBRAMOS O DÍA DAS LETRAS GALEGAS, que este ano rinde homenaxe a  Antonio Fraguas Fraguas, xeógrafo e historiador. Premede na imaxe para ver as fotografías da celebración que tivo lugar no noso centro:

 

AVALIACIÓN INDIVIDUALIZADA DE 3º DE EDUCACIÓN PRIMARIA

A Consellería ven de publicar a Resolución do 12 de abril de 2019 (DOG do 3 de maio de 2019) polo que se ditan instrucións para o desenvolvemento da avaliación individualizada de terceiro curso de Educación Primaria nos centros docentes da Comunidade Autónoma de Galicia para o curso 2018/2019.

A avaliación individualizada de terceiro curso de Educación Primaria terá lugar o MARTES 28 e o MÉRCORES 29 de maio. Esta avaliación ten como finalidade comprobar o grao de dominio das destrezas, capacidades e habilidades do alumnado en expresión e comprensión oral e escrita, cálculo e resolución de problemas en relación coa adquisición da competencia en comunicación lingüística e da competencia matemática.

Distribuir contido


by Dr. Radut