Skip to Content

DÍA DO ENSINO 2022

Prezadas familias,

Lembramos que o vindeiro luns 31 de OUTUBRO, tal e como se recolle na orde pola que se aproba o calendario escolar para o curso 2022-2023, é o DÍA DO ENSINO e, polo tanto, é un día de carácter non lectivo. 

Aproveitamos esta ocasión para comunicar que o día 02 de maio de 2023 é o día de carácter non lectivo solicitado polo centro.

Un saúdo

O Equipo Directivo

RENOVACIÓN CONSELLO ESCOLAR

Prezadas familias:

Informamos que, atendendo á resolución do 19 de setembro de 2022, da Dirección Xeral de Ordenación e Innovación Educativa,  procederase á renovación parcial dos membros do Consello Escolar.

Renovaranse os seguintes postos:

- 3 representantes das familias

- 3 representantes do profesorado

- 1 representante do persoal auxiliar e de servizos

 

Un cordial saúdo

O Equipo Directivo

AMPLIACIÓN DA AXUDA PARA ADQUIRIR MATERIAL ESCOLAR

No Diario Oficial de Galicia do 14 de outubro de 2022 publícase a Resolución do 5 de outubro de 2022 de concesión directa da ampliación da axuda para adquirir material escolar, regulada na Orde do 29 de abril de 2022.

Nesta resolución establécese que os/as beneficiarios/as do vale para adquirir material escolar por importe de 50€ recibirán un vale adicional de 25€.
A resolución dispón que as familias poden recoller o vale de 25€ nos centros docentes a partir do día seguinte (hábil) ao da publicación no DOG.

Estes vales deberán empregarse preferentemente na libraría/establecemento antes do 1 de decembro de 2022.
 

ORGANIZACIÓN DO 1º DÍA - 08 SETEMBRO

No documento adxunto podedes consultar a organización das entradas e saídas do alumnado. Lembramos que as zonas en vermello, incluídas a zona do alumnado transportado e a nova zona cuberta coa pérgola,  seguen a ser espazos reservados para o alumnado. 

Nas reunións iniciais coas familias informarase sobre as entradas e saídas  nos días de chuvia e tamén sobre o horario de entrada e saída ao centro dentro da xornada escolar.

Por motivos de seguridade (custodia do alumando transportado) as escaleiras con acceso a Ronda Camilo José Cela continúan a ser de uso exclusivo do dito alumnado transportado.

 

Moitísimas grazas pola vosa colaboración!! Os nosos mellores desexos neste inicio de curso!!!

LISTAXES PROVISIONAIS DE TRANSPORTE ESCOLAR PARA O CURSO 2022-2023

O prazo de reclamacións será de 02 ao 06 de setembro ambos os dous incluídos e presentarase na secretaría do centro.As listaxes definitivas serán publicadas o día 7 de setembro.

LISTAXES TRANSPORTE ESCOLAR 2022-2023

Datas de interese:

  • Publicación das listaxes provisionais: XOVES 01 de setembro
  • Prazo de reclamación: do VENRES 02 de setembro ao MARTES 06 de setembro ambos os dous incluídos.
  • Publicación das listaxes definitivas: MÉRCORES  07 de setembro

ENTREGA DE LIBROS DO FONDO SOLIDARIO E VALES

A entrega dos libros adxudicados polo fondo de libros así coma dos vales que non foron recollidos no mes de xullo realizarase o MARTES 06 de setembro nos horarios e espazos que figuran no documento anexo:

MATRÍCULA 2022 - 2023

O alumnado admitido deberá formalizar matrícula na Secretaría do centro do 20 ao 30 de xuño en horario de luns a venres de 9:15 a 11:00 e de 12:00 a 13:30 e os luns de 16:00 a 18:00 horas. 

Documentación a entregar no caso de que non se teña presentado coa solicitude de praza:

  • Impreso de matrícula
  • 6 fotografías tamaño carné
  • Copia da cartilla de vacinación ou informe médico
  • Fotocopia da tarxeta sanitaria
  • Fotocopia do Libro de Familia
  • Padrón municipal
  • No caso de separación ou divorcio, fotocopia da sentenza xudicial na que figure quen ten outorgada a garda e custodia
  • Certificado de matrícula do centro de procedencia (no caso de estar escolarizado noutro centro)

Se finaliza o prazo de matrícula e non se tivese formalizado esta, teráselle por decaído o dereito á praza obtida (art. 40.2a e 40.3).

Distribuir contido


by Dr. Radut