Blogues

Foi un ano moi duro, longo e cheo de retos que superar. Xa chegamos á meta e o que sacamos en claro é que xuntos podemos...

So podemos decir GRAZAS! Grazas polo apoio, a comprensión e o esforzo porque xuntos chegamos!

Moi feliz verán!!!

Ademais, tamén hoxe despedimos aos alumnos e alumnas de 6º de Primaria. Para axudarlles no seu paso a Secundaria o Departamento de Orientación fixo esta presentación:

Adeus Primaria, Ola Secundaria!!!

Tedes mais información na Web do DO.

Boas familias!

Neste enlace podedes consultar os libros de texto por niveis educativos que usarán os vosos fillos e fillas para o curso 21/22.

LIBROS CURSO 21/22

Boas familias!!!

O calendario escolar para o vindeiro curso 21/22 xa está aprobado. Podedes ver as datas do incio de curso e os diferentes festivos oficiais neste ENLACE.

Recordade que o cole pedirá ao inicio de curso, dous festivos que se engadirán a este calendario.

Un saúdo.

Ola Familias!!!!

Xa estamos rematando o curso e coas novas matrículas para o vindeiro!!! Deixámosvos un pequeno tríptico informativo sobre a organización e o funcionamento básico do noso centro.

Xa sabedes que todo establecerase polos protocolos de sanidade e educación da Consellería de Sanidade e Educación que publiquen para o vindeiro curso.

Calqueira dúbida contactade con nós!!!

Bo día Familias!!!

Xa queda pouco para rematar este curso e a nosa ANPA xa está preparando todos servizos dos que dispón para o vindeiro curso.

Hoxe, os vosos nenos e nenas levan a casa as circulares de inscripción tanto como Socio da ANPA, como das actividades extraescolares.

Deixamos aquí o enlace a esta documentación.

-  FICHA DE SOCIO DA ANPA

- ACTIVIDADES EXTRAESCOLARES CURSO 21/22.

Calqueira dúbida poñédevos en contacto con nós. Un saúdo.

O Día 1 de Xuño é o Día do Pintor Luís Seoane por ser a data do seu nacemento. No noso centro non podemos deixar de admirar e coñecer a súa incrible obra. Desde o Equipo de Dinamización da Lingua propuxeron moitísimas actividades nas aulas. Mirade vaia artistas temos!!!

Podedes acceder a máis información no Blogue de Dinamización da Lingua.

#RETOQUERETRO, a través da AAVV de Maianca, preséntanos a súa exposición sobre o lixo no mar e nas praias...

Queredes saber un pouco máis do seu traballo? PINCHA AQUÍ.

Boas familias!!!

Temos a sorte de rematar este trimestre coa concesión da subvención para promoción e difusión da cultura e o deporte do Concello de Oleiros para o ano 2021.

Podedes ver os detalles no adxunto da mensaxe.

MOITAS GRAZAS AO CONCELLO!!!!

Temos a sorte de participar na programación desenvolvida pola AVV San Cosme de Maianca pola conmemoración do DÍA MUNDIAL DOS OCÉANOS.

O día 7 de xuño, o profesorado participará nunha charla divulgativa da man de #RetoqueRetro, onde falaremos sobre o lixo mariño, o problema dos microplásticos nos océanos, a xestión dos residuos...

Ademáis, desde o 8 de xuño, no noso centro, o alumnado gozará dunha exposición de #RetoqueRetro con obra artística a base de lixo.

Por último e, desde o CEIDA, contaremos co préstamo durante un mes, dunha Maleta Mariñeira, onde haberá moita bibliografía para poder apoiar esta iniciativa.

Seguro que aprenderemos moito e gozaremos destas actividades!!!!

FONDO SOLIDARIO DE LIBROS DE TEXTO: AXUDAS PARA ADQUIRIR LIBROS DE TEXTO E MATERIAL ESCOLAR CURSO 2021/22

Onte,  20 de maio, publicouse no DOG a convocatoria anual para solicitar axudas para a compra de libros de texto, material escolar e/ou participar no préstamo solidario de libros de cara ao vindeiro curso 2020/21. Estas axudas son exclusivamente para o alumnado que cursará estudos de Educación Primaria ou Secundaria o vindeiro ano académico.

O prazo comeza o 21 de maio e durará ata o 22 de xuño.

Enviaremos, a través do alumnado, a folla de solicitude para que todas as familias a teñan na casa.

A podede entregar de maneira TELEMÁTICA (A través da Sede Electrónica da Xunta) ou ben SOLICITAR CITA PRESENCIAL no noso cole para a Secretaría a través do teléfono 981617130, o horario será de 9:30 á 13:30h e os luns de 16:00 á 18:00h.

Os alumnos e alumnas que están admitidos noutros centros educativos ou que o vindeiro ano cursan os estudos Secundarios, deberán entregar estas solicitudes no centro onde estarán o próximo ano.

A continuación deixamos enlaces con información de interese para esta convocatoria.