Blogues

ABERTO O PRAZO DE SOLICITUDES PARA A ADQUISICIÓN DE MÁSCARAS establecido na ORDE do 28 de outubro de 2021 pola que se regulan os criterios e o procedemento de distribución de máscaras entre o alumnado matriculado en educación primaria, educación secundaria obrigatoria e educación especial en centros docentes públicos dependentes desta consellería, así como en centros privados concertados, no curso 2021-2022 

BENEFICIARIOS

NON ten que presentar solicitude: o alumnado con axuda de material escolar xa concedida.

SÍ ten que presentar solicitude: o alumnado que non solicitara a axuda de material escolar e...

1. Pertenza a unha familia cunha renda per cápita igual ou inferior a 6.000 €
2. Alumnado matriculado en educación especial
3. Alumnado suxeito a tutela ou garda da Xunta de Galicia
4. Alumnado cun grao de discapacidade igual ou superior ao 65%

PRAZO: do 15 ao 26 de novembro, ambos inclusive.

SOLICITUDES: de forma presencial e SEMPRE CON CITA PREVIA, no centro educativo.

Unha vez rematado o prazo publicaranse instrucións para a consulta das listaxes e posterior recollida das máscaras. 

LEMBRADE: en cumprimento da Lei de Protección de Datos non podemos dar información por teléfono ou por correo electrónico sobre a listaxe das adxudicacións.

O xoves e o venres o Equipo de Xogos coordinou os recreos cos Xogos Tradicionais prestados polo concello ao Equipo de Dinamización da Lingua Galega do colexio.

Foron unhas xornadas moi divertidas na que os rapaces gozaron cos xogos de sempre como a chave, a corda, a ra...

Accede dende aquí ao BLOG DE BOAS PRÁCTICAS para ver unha mostra do ben que resultou!!

Xa temos o video que amosa o "terroríficamente" ben que o pasamos na festa de MAGOSTOMAÍN. Esperabamos este día con moitos nervios, xa que foi a primeira festa do ano e resultou un día xenial!! 

                                                     Xa estamos esperando a seguinte!!!

Hoxe o blog de BOAS PRÁCTICAS énchese de cariño, de todo o que elas nos dan... Queres velo? Preme na imaxe!!

O martes, 2 de novembro, queda constituída a Xunta Electoral que supervisará e organizará o proceso de eleccións para a renovación do Consello Escolar (podedes consultar a 1ª Acta e o calendario de actuacións premendo AQUÍ ).

Este ano temos que renovar un representante do sector de nais/pais do alumnado polo que animamos a todas e todos aqueles que queiran a presentar a súa candidatura. O prazo de presentación de candidaturas comprende do 4 ao 11 de novembro.

O día de votacións será o luns 22 de novembro.

• Prazo de presentación de candidaturas: do 11 ao 18 de novembro.
• Día de votacións: luns 28 de novembro.

Resolución do 20 de setembro de 2021 da Secretaría Xeral de Educación e FP da Consellería de Educación ( DOG 29/09/2021)

Segundo a Lei Orgánica de Educación, modificada pola Lei Orgánica 8/ 2021 do 9 de novembro, para a mellora da Calidade Educativa, se establece que “A comunidade educativa participará no goberno dos centros a través do Consello Escolar”.

Os seus membros son elixidos cada 4 anos e renóvase parcialmente cada dous. Este curso temos que facer a renovación de 3 mestres e 1 representante de nais/pais.

Todo este proceso electoral estará organizado e supervisado por unha XUNTA ELECTORAL da que forman parte a directora do centro, unha mestra ou mestre, unha nai ou pai e un membro da administración e servizos, elixidos por sorteo público o día 27 de outubro ás 13.45 horas.

 Unha vez constituída a Xunta Electoral informaremos das datas nas que se desenvolverá o proceso de elección e a data de votación.

 A través da plataforma Abalar e a web do centro, A Xunta Electoral enviará información sobre este proceso.

ANIMAMOS A TODAS AS NAIS E PAIS A PARTICIPAR, TANTO COA PRESENTACIÓN DE CANDIDATURAS COMO NO PROCESO DE ELECCIÓN.

Pouco a pouco imos voltando á normalidade o que trae consigo a celebración de festexos, así que desde o Equipo de Extraescolares e Equipo de Dinamización da Lingua Galega temos unhas propostas relacionadas co outono e... O DÍA 29 DE OUTUBRO CELEBRAREMOS O MAGOSTOMAÍN!!

 Tiñamos moitas ganas de poder dar novas como esta e, como sempre, precisaremos da vosa colaboración:

• Traer un puñado de castañas xa cortadas (cun pequeno corte) para axilizar o traballo entre o mércores 27 e venres 29.
• Exposición de cabazasque os nenos/as poderán decorar na casa. DEBEN VIR PECHADASa partir do luns 25 de outubro, co NOME  E CURSO.
• Ovenres 29 de outubro, os nenos e nenas que o desexen poderán vir caracterizadosda casa coa temática do Samaín ou do Magosto con dúas condicións:

- non se poderá traer complementos nas mans (nada fóra do que traían posto).

 - os disfraces deben ter relación coa temática do MAGOSTOMAÍN: meigas, fantasmas, morcegos, esqueletos, demos, castañeiras…

 Moitas grazas pola vosa colaboración.

Apelamos á responsabilidade que vós como familias tedes á hora da elección do disfrace evitando caer en temáticas perigosas para a infancia e descontextualizadas da festividade en cuestión pois, o noso cometido é darlle un sentido educativo e cultural.

Hoxe, 14 de outubro, é o DÍA DA NORMALIDADE e o EQUIPO DE ACOLLEDORES recibiunos así de ben!!   

Entrade no noso blog para ver uns vídeos moi chulos nos que nos explican por que as normas son tan importantes no noso día a día.

Non perdas detalle!!!

Un curso máis, dende o Concello de Oleiros, iníciase o programa de reforzo e apoio educativo (PRAEMO). Este programa vai dirixido ao alumnado de Primaria e Secundaria dos centros educativos do Concello.

Para consultar toda a información podedes descargar o díptico AQUI.

Neste arquivo tedes a FOLLA DE INSCRICIÓN.