O pasado 22 de maio recibimos a visita de Juana, nai de Roque, que veu a nosa aula a contarnos o conto: “O traxe novo do emperador”, encantounos e permitunos reflexionar sobre o feito de que en ocasións non ten porqué ser verdade o que todo o mundo di.

Aínda que foi ela quen narrou o conto tamén nos trouxo o libro físico e unha vez contado parámonos un anaquiño a ver as ilustracións que estaban feitas polo noso veciño, Leandro Lamas!

Encantounos terte na aula Xoana! Grazas por acompañarnos neste día e por adicarnos o teu tempo!

Ao longo de todo o mes de maio seguimos a realizar na aula a actividade de grupos interactivos.

En mates en familia, traballamos as multiplicacións, fixémolo a través da súa construción empregando tanto oveiras con pedras preciosas como policubos. Non deixamos de lado a descomposición que  traballamos a través das casiñas da descomposición nin o calculo mental para o que empregamos o xogo de mesa ¡MÍA!

En mar de palabras seguimos a reforzar a ortografía, tanto za, ce, ci, zo, zu como o b e v, empregamos para isto os roscos de ortografía e a oca, tamén repasamos as frases interrogativas e exclamativas. Houbo un oco para o xogo: aforcado, Slpazi e Palabrea. Tamén xogamos ao tutti fruti co que repasamos os diferentes tipos de palabras: nomes propios, nomes comúns… 

As estacións de aprendizaxe son unha das metodoloxías máis utilizadas en 2º de Primaria.

Mais… Que quere dicir isto? Como nos organizamos? Por que o facemos?

Partimos dunha concepción pechada e entendémolas como un circuito con diversas actividades polas que todo o alumnado ten que pasar e realizar. Estas propostas son previamente deseñadas atendendo ao grupo-clase.

Xeralmente cando as realizamos na aula empregamos 2 sesións, sendo a duración de cada actividade duns 20 minutos aproximadamente aínda que é certo que tamén hai ocasións nas que se plantexan para unha sesión de clase soamente e deste xeito as actividades son curtiñas cunha duración de 8 minutos.

Dependendo dos aspectos que queiramos traballar en ocasións plantéxanse todas as actividades para que o alumnado as realice de xeito autónomo cando pretendemos, por exemplo, reforzar contidos xa vistos estando a mestra de apoio co alumnado que o precise en calquera estación. Noutras ocasións planifícase para que todas as propostas sexan autónomas agás unha na que sempre está a mestra por diversos motivos: tarefas de creación de textos que requiren dunha atención máis individualizada, contidos especialmente difíciles, presentación de contidos novos…

Que vantaxes ten a súa aplicación?

-Atendemos á diversidade do grupo-clase.

-Promovemos o “aprender a aprender”.

-Permítenos traballar cun equipo mentres o resto do alumnado traballa de forma autónoma.

Que actividades se propoñen nas estacións?

As actividades son variadas, mais convén reparar en que na maior parte das ocasións, nunha estación sempre atopamos un xogo de mesa,  pensado especialmente para o traballo dun determinado contido curricular. E é que a aprendizaxe baseada no xogo é otra metodoloxías fundamentais na nosa aula. O xogo ten numerosos beneficios: suscita motivación por parte do alumnado, traballa diferentes funcións executivas precisas nas aprendixaxes…

“Un cerebro que xoga é un cerebro que aprende”

Deixámosvos unha mostra gráfica dalgunhas das propostas levadas a cabo ao longo de todo o curso.

O pasado 31 de marzo despedimos o trimestre por todo o alto.

Comezamos a mañá gozando dunha sesión de xogos de mesa en familia organizada por Brazolinda en colaboración co equipo de biblioteca do cole.

-Brazolinda é un proxecto de deseño e fabricación de xogos de mesa en galego. Estes axudan a desenvolver a capacidade de observación, comunicación, razoamento a través das matemáticas, de adiviñas, de agudeza visual… -

Despois tivo lugar a entrega de premios do I torneo de Xadrez, os nenos e nenas de 2º que participaron recolleron moi orgullosos e orgullosas o seu diploma. Parabéns a todos e todas e, por suposto, ao noso master que recibiu un premio especial.

 Logo na clase fixemos uns pequenos obradoiros libres relacionados con estas datas: pintado de ovos, cosido de figuras, pyslas… e como non, tamén houbo quen despois do éxito do xadrez quixo aprender a xogar.

Volvemos coas pilas cargadas para a recta final!