Presentación | Horarios | Oferta educativa | Secretaría | Contacto
Educación infantil
Contos de boca
A semana pasada tivemos a visita de Diego o pai de Lois para ler un conto, xa casi é o noso pai lector oficial! Nesta ocasión trouxo o conto El gigante: El secreto del abuelo. Unha historia de tolerancia onde coñecemos a un neno que co paso do tempo comprende que existen segredos demasiado grandes para estar ocultos. Grazas unha vez mais Diego por acompañarnos.
Mates en familia
Continuamos cós grupos interactivos nunha nova edición de mates en familia na que Daniel o pai de Lucas Puentes e Daniel o pai de Marco viñeron a facer dous xogos con nós. O primeiro dos xogos consistía en contar os dinosaurios que nos di a tarxeta e o outro en reproducir as formas; o terceiro dos xogos consistía en saltar coas ranitas segundo o número que sae no dado e dicir o número ao que chegamos. Sempre é un pracer contar coa colaboración das familias, moitas grazas.
COIDAMOS AS PLANTAS 2º TRIMESTRE
Comezamos a coidar as plantas este novo curso, desta vez as encargadas e encargados de traer as súas plantas foron: Marta, Carmen F, Chloé, Lucas, Julieta, Julia, Daniel e Martiño.
Esta proposta didáctica ten como obxectivo que as nenas e os nenos adquiran coñecementos sobre as plantas co fin de identificalos como seres vivos, á vez que os achega á natureza permitíndolles observar, de primeira man, o desenvolvemento das plantas e xerar hábitos de respecto e coidado cara a elas, a través de actividades lúdicas e manipulativas.
Xa forma parte da nosa rutina diaria de coidala, regala, quitarlle flores secas...
VERBAS NO INVERNO
Durante o mes de xaneiro no ambiente de verbas estivemos traballando o inverno. Para iso, levamos a cabo diferentes acrtividades relacionadas con esta estación do ano.
Na zona de lectoescritura traballamos o vocabulario de inverno e coas tarxetas tres partes de montessori sobre os animais do ártico. Na mesa de tranvases traballamos con fabas e copos de neve para tranvasar dun lado para outro. Na mesa sensorial deixamos voar a nosa imaxinación con pezas soltas. Por outro lado, na zona de motricidade fina fixemos copos de neve con limpapipas e despois puxemos en cada copo unha morea de abalorios e na mesa de grafomotricidade creamos pequenos collages con cores de inverno e distintos grafismos. Tamén encontramos o reto de crear cos tangran un oso polar e recrear copos de neve con bastoncillos de algodón.
Ademáis de xogar cos bonecos, coa cociniña, limpeza de cristais, disfrutar de contos sobre esta estación e descansar na nosa cama.
MAR DE PALABRAS 26 DE XANEIRO
Viñeron a mar de palabras Carol, Raquel, Pablo, Rocío e Julia.
Xogamos o bingo de palabras piratas, buscamos nunha sopa de letras vocabulario de inverno, xogamos a verdadeiro ou falso, seguimos unha oca de letras buscando os obxectos que comezaron polo sonido da casilla donde non tocaba e por último, xogamos ao tripolo, intentando facer 3 en línea dependendo da cor, da imaxe ou da letra.
Grazas familias por estos ratiños.
MATES EN FAMILIA 19 DE XANEIRO
O pasado 19 de xaneiro viñeron a mates en familia Lili, Julia e Alejandra.
Xogamos o cinquillo, a carreira de bechos, a ordenar de menor a maior ata o número 10, o xogo dos peces onde tiran unha carta e os seguintes teñen a buscar o peixe co número menor ca o primeiro e por úlitmo, o primeiro que consigas 5 froitas iguais toca o timbre.
Grazas familias.
Contos compartidos
Nova edición de contos compartidos na que Ariadna e Daniela Garrote viñeron a contarnos El nuevo nido de los pequeños marsupilamis, unha historia moi graciosa na que a familia de marsupilamis busca un novo fogar para vivir, na súa búsqueda terán que resolver diferentes situacións que implican a outros animais. Grazas compañeiras por vir a ler á nosa clase.
Mates en familia
Comezamos o trimestre con unha nova edición de grupos interactivos, esta vez tocou mates en familia. Lucía a nai de Antón e Eduardo o pai de Marilandy participaron na dinamización de dous xogos, un no que tiñan que contar perlas segundo o número que saira nun dado e o bingo das formas; ademais fixemos outro xogo na pantalla dixital no que tiñan que seguir as series. Moitas grazas familias por seguir participando.
AMBIENTE DE ARTE
No mes de decembro adicamos boa parte das actividades do ambiente ao Nadal. Realizamos actividades creativas e decorativas como a decoración dunha árbore de Nadal con adornos típicos, a reprodución dun poboado de Nadal, así como as actividades plásticas de pintado de bolas nunha árbore empregando pompóns ou dunha bola seguindo uns patróns dados. Pero tamén tivemos outras actividades como a creación de pulseiras onde se traballa a motricidade fina, a construción con ladrillos onde traballamos a motricidade grosa, a reprodución de imaxes seguindo un modelo traballando na mesma a lateralidade e as dimensións ademais do trasvase de lentellas onde coordinación óculo-manual é fundamental.
AMBIENTE ARTE NOVEMBRO
No mes de novembro tivemos no ambiente de arte unha gran variedade de actividades manipulativas destinadas a favorecer tanto a creatividade como a motricidade.
Actividades tan variadas como a utilización da paleta de cores para clasificar e comparar as gamas de cores, a escoita de música, o tangram, o recanto de costura onde coseron con agulla e no tear,, a experimentación con bolas de xel, a clasificación de cores e a reprodución de modelos, o pissla, a manipulación de área cinética combinada con elementos naturais, a mesa de luz e, no cabalete, fixeron reproducións da obra “El racimo de uvas” de Maruja Mallo.
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »
