CEIP PLURILINGÜE DE CEDEIRA

Onte, luns 10 de xuño e hoxe, recordamos ao escritor e mestre xabier Docampo lendo algúns dos seus libros. 

Na Biblioteca, o alumnado de 6º fixo unha representación do conto: "O home que inventou unha maneira de andar" para o alumnado de Educación Infantil, 1º e 2º.

Como cada ano, o alumnado de 6º visitou o IES Mendiño, que é o instituto ao que está adscrito o colexio de Cedeira. Xunto a alumnados de outros dous centros, fomos recibidos por alumnas e alumnos que estaban en 1º da ESO e representaron unha peza lida e dramatizada que resultou gañadora do 3º premio de relatos A Reboraina; participamos na visita ás instalacións do centro, compartimos diversos xogos cos outros colexios e o recreo co alumnado do IES; tamén degustamos unha merenda que nos tiñan preparada. Unha mañá moi entretida. 

O alumnado do colexio participou na xornada de clausura do Faro da Escola na que se deron os premios correspondentes a esta nova edición. Nesta ocasión recibimos o Premio especial á investigación. Cada alumno/a do colexio recibiu un exemplar do xornal que confeccionamos.

O 17 de maio celebramos o Día das Letras Galegas, este ano adicado a Antonio Fraguas Fraguas, un home polifacético de Pontevedra que investigou no patrimonio e foi un defensor da lingua galega.

Os cursos traballaron sobre o autor homenaxeado a través dunha "xincana" que elaboramos con probas de busca e de actividade. Pasárono en grande!

Un grupo de alumnos e alumnas gravaron un programa de radio sobre Antonio Fraguas.

Preme no arquivo de audio para escoitar ao alumnado do colexio. 

Mil primaveras máis para a lingua galega! 

Conmemoramos o Día do Libro cunha actividade, organizada desde a Biblioteca, na que todos os alumnos e as alumnas, durante a hora de ler, convertéronse en escritores e escritoras de relatos. O tema foi "Eu quixera ser..." e cada curso puxo o seu posto de libros para que todo o alumnado pasase por eles para ler.

Os nenos e nenas levaban cadanseu carné, que os encargados/as do posto ían selando cada vez que os lectores pasaban por eles.

Así, ao final, cada neno e nena recibiu un agasallo na biblioteca por ter participado nesta xornada festiva.

O alumnado de Educación Infantil tamén participou no Día do Libro... mirade con que interese len!

Parabéns a todos e todas por unha xornada tan fermosa! 

O alumnado de 5º e 6º de EP recibiu unha charla por parte dunha policía que lles falou do uso e o abuso das NNTT. Foron 90 minutos moi interesantes nos que se deron conta de que as novas tecnoloxías e a internet son ferramentas moi útiles pero que requiren dun uso razonable e coidadoso por parte de todos. Hai que manter unha serie de precaucións para evitar situacións de risco e aquí, as familias teñen un papel moi importante. Por iso, o día 14 de maio, ás 18:00 horas, haberá unha nova charla por parte da policía, esta vez destinada a nais e pais, na que agardamos a vosa asistencia.

Este curso o alumnado de 6º recibiu de novo unha charla sobre adiccións e drogodependencias por parte das formadoras da Asociación Érguete que, en colaboración co Concello de Redodnela, vén desenvolvendo esta actividade para os colexio de Redondela.

Aquí temos a comunicación que enviou Save the Children sobre o importe acadado na carreira solidaria que realizamos por mor do Día da Paz.

Agradecemos a todos e a todas  a colaboración con esta causa.

Para conmemorar o Día Internacional da Muller elaboramos un mural coas fotos que as familias aportaron e nas que aparecen as "mulleres máis representativas na vida do alumnado" que son, en todo caso, as que están máis preto deles/as.

O día 8 de marzo celébrase o Día da Muller. A reivindicación de igualdade de dereitos das mulleres ten unha tradición centenaria. Con todo, foi en 1975 cando a ONU fixo oficial esta data como o Día Internacional da Muller. 

Pero esta data non é arbitraria, ten que ver con distintos sucesos que se produciron nos séculos XIX e XX.

Un deles ocorreu o 8 de marzo de 1857, cando centos de mulleres dunha fábrica de textiles de Nova Iorque manifestáronse co lema "PAN E ROSAS", en contra dos baixos salarios e do traballo infantil. 

Esa xornada rematou coa sanguenta cifra de 120 mulleres mortas pola brutalidade coa que a policía dispersou a marcha. Iso levou a que dous anos despois, as traballadoras fundaran o primeiro sindicato feminino.