Durante o día de hoxe, o alumnado de 5º de Educación Primaria participou nunha actividade sobre solidaridade intercultural.

O alumnado levou a cabo actividades onde se traballou a interculturalidade, para erradicar futuros comportamentos racistas, xenófobos e etnocentristas, así como a creación de prexuízos e estereotipos culturais e sociais.

Moitas grazas ás persoas que acompañaron ó alumnado con esta actividade. Esperámosvos de volta o ano que vén!

Comeza o PERÍODO DE MATRÍCULA para o curso 2024-2025

De acordo cos prazos establecidos no artigo 27 da Orde do 21 de outubro de 2022, que regula o procedemento de admisión, o próximo 1 de marzo iníciase o prazo de admisión de solicitudes (ED550B).

A solicitude de admisión de alumnado realizarase mediante o FORMULARIO DE ADMISIÓN que está á súa disposición na secretaría do centro. Este formulario tamén pode descargarse desde o seguinte enlace:

Formulario de Admisión

Para presentar unha solicitude deberá seguir algunha das opción descritas a continuación:

    1. Unha vez descargada, cubrir a solicitude manualmente e presentala asinada presencialmente no centro.

    2. Cubrir a solicitude informáticamente e presentala asinada de xeito manual no centro.

    3. Cubrir a solicitude informáticamente e asinala en sede electrónica. Para presentar a solicitude a través da Sede Electrónica deberá acceder a admisiónalumnado con usuario de Chave 365 ou con certificado dixital.

As franxas horarias nas que se pode facer entrega da documentación para presentar a solicitude asinada presencialmente no centro son:

        - De 09:30 a 15:00 h.

        - De 16:00 a 17:00 h. 

Están á súa disposición os seguintes teléfonos para que poidan consultar calquera dúbida ao respecto: 

886 110 173 (Secretaría) 886 110 172 (Conserxería) 886 110 170 (Dirección)

DOCUMENTACIÓN ACREDITATIVA NECESARIA:

    • Formulario de Admisión.

    • Fotocopia completa do Libro de Familia ou Certificado de Nacemento.

    • Fotocopia do DNI dos proxenitores e do solicitante. (Se o ten expedido)

    • 4 fotografías tamaño carnet.

    • Fotocopia da cartilla da Seguridade Social ou do seguro que lle corresponda ao alumno/a solicitante.

    • Se é o caso, documentación xustificativa da solicitude dunha praza para alumnado con necesidades específicas de apoio educativo. (Expedida polos servizos sociais competentes que acrediten as circunstancias alegadas)

    • Certificado médico que acredite:

    • Ausencia de enfermidade infecto-contaxiosa.

    • Ausencia de defecto físico ou psíquico invalidante

    • Estar ó día no cumprimento do calendario oficial de vacinacións.

    • A posesión dalgunha alerxia medicamentosa.

    • Volante de empadroamento no que figuren todos os membros que conviven no domicilio familiar. (Solicítase no Concello) 

Os postos escolares vacantes están publicados nesta ligazón e no taboleiro de anuncios do centro.

Prazos:

    • Solicitude de admisión e entrega de documentación: do 1 ao 20 de marzo.

    • A listaxe provisional de admitidos/as e excluídos/as exporase no taboleiro de anuncios do Centro o día 25 de abril.

    • A listaxe definitiva exporase no mesmo taboleiro o día 15 de maio.

CEIPP PLURILINGÜE DO CASTRILLÓN - COIRO

XORNADA DE PORTAS ABERTAS

O CEIP Plurilingüe do Castrillón-Coiro organizará unhas XORNADAS DE PORTAS ABERTAS os martes 20 e 27 de febreiro e 5 de marzo para que as familias interesadas en escolarizar aos seus fillos e fillas poidan coñecer as nosas instalacións e o noso xeito de traballar.

A visita estará guiada por unha mestra e poderedes contar con dúas quendas cada día: o día 20, serán ás 17.00 horas e ás 18.15 horas; mentres que os días 27 de febreiro e 5 de marzo serán ás 16.00 horas e 17.30 horas .

Aproveitaremos para aclararvos calquera dúbida que teñades.

Agardámosvos!!!

Para aquelas familias que non poidan acudir ó centro educativo, preparamos os seguintes vídeos para que saibades un pouco máis de nós.

Ademais, tamén preparamos o seguinte tríptico informativo con toda a información necesaria sobre o noso centro, así como os teléfonos de contacto ós cales vos podedes dirixir para aclarar calquera dúbida.

Como xa sabedes todos e todas, o noso centro está inmerso dentro do Programa Voz Natura, o cal busca afianzar no alumnado valores de respeto e coidado ó medio ambiente. 

Por este motivo, o alumnado de 2º creou con material de refugallo un robot, un robot moi especial que bautizaron como SUMITO. Pero... quen é Sumito e que fai? Sumito é multifuncional, é unha das súas funcións ao longo deste curso vai ser coidar de nós e da nosa contorna. Ademais, podemos seleccionar catro zumes diferentes a través das catro botoneiras que ten, proporcinándonos un momento cheo de vitamina C.

Un apluso para todos eses nenos e nenas de 2º !

O martes 30 de xaneiro conmemoramos no centro o Día da Paz, creando un mural con grúas, tal e como explicamos noutra publicación.

Este vez, queremos compartir con todos e todas vós o baile que fixemos todo o alumnado de Educación Infantil e Primaria para conmemorar este día.

Esperamos que vos guste!

Un ano mais participamos no concurso NADAL CON VIDA organizado polo Concello de Cangas.

O alumnado do noso cole fixo unhas fermosas estrelas con fotografías dos nosos deportistas mais destacados para engalanar as rúas de Cangas no Nadal.

No cole estamos de celebración porque recibimos o segundo premio! Unha pequena representación do alumnado elexida ao chou recibiu o premio de mans da alcaldesa no salón de plenos do Concello. 

Queremos agradecer ao noso alumnado a ilusión e traballo para facelo posible.

Durante a mañá de hoxe, todo o alumnado do noso centro conmemorou o día da Paz.

Este ano, o alumnado elaborou e decorou grúas de papel, formando os aros olímpicos e a palabra PAZ.

Por que se fixeron grúas de papel?

Atendendo á lenda xaponesa de Senbazuru, toda persoa que elabore 1000 grúas de papel terá concedido un desexo. Por este motivo, como centro, elaboramos grúas de papel para pedir o noso desexo: A PAZ.

Aquí vos deixamos un anaco da nosa celebración!

Comunicámoslles que está aberto o prazo do procedemento de RESERVA DE PRAZA no centro adscrito (IES de Rodeira) para o alumnado que cambia de etapa.

O prazo de presentación de solicitudes abranguerá dende o 15 de xaneiro ata o 5 de febreiro de 2024, ambos incluídos.

Tanto a presentación de solicitudes como a consulta de listaxes de admitidos, que se publicarán o día 22 de febreiro, deberán realizarse no centro no que está matriculado o alumnado no presente curso ou a través da aplicación admisionalumnado

https://www.edu.xunta.gal/admisionalumnado

Xunto coa solicitude deberán achegar o anexo I-bis e o resto de documentación que, de ser o caso, fose precisa (libro de familia, sentenza de separación, documentación acreditativa de alumnado con necesidades específicas...)

Outro ano máis chega o Nadal e desde Castrillón queremos facer honor aos nosos grandes deportistas. Cómo xa ben sabedes, este curso traballamos dende o proxecto interdisciplinar Castriolimpiadas: xogos olímpicos e paralímpicos.

Baixo o lema “Este Nadal segue unha estrella” participamos no concurso do Concello “Nadal con Vida”. As nosas estrelas decorarán a Rúa Real durante este Nadal para facer unha pequena homenaxe aos deportistas galegos máis ou menos coñecidos pero non por iso menos valiosos. 

Non están todos os que son, pero con este traballo decatámonos da calidade excepcional de todos os deportistas da nosa terra e pedimos disculpas aos que non estean representados.

Premede na imaxe para ver o vídeo.

O profesorado do C.E.I.P. Plurilingüe do Castrillón - Coiro queremos desexarvos unhas felices festas e un bo aninovo!

Por este motivo, partillamos con vós este vídeo que fixemos con moita ilusión.

Agardamos que vos guste!

Ola Bulideir@s!

Deixámosvos por aquí os gañadores do Concurso de Debuxos e Relatos de Nadal deste ano:

Educación Infantil: Alma Fernández Dafonte.

1º Ciclo EP: David Rivas Dacruz.
2º Ciclo EP: Sofía Vasconcellos Saá.
3º Ciclo EP: Marcos Rivas Dacruz.
Accésit 3º Ciclo: Vera Boubeta Rodal e Mara Regueira Rodal.

O premio da sección de adultos queda deserto ao non haber ningunha candidatura.

Parabéns e grazas polo voso esforzo!

Felices festas a todos!

Como cada ano polo Nadal, recomendámosvos unha serie de lecturas en galego que poden resultar interesantes como agasallo, tanto para Papá Noel como os Reis Magos de Oriente.

Este ano, as novidades que nos partilla a coordinación do E.D.L.G do Morrazo son as que poden atopar nos seguintes enlaces.

Guía de Lecturas para Infantil.

Guía de Lecturas para Primaria.

Guía de Lecutas para Secundaria.

Desexamos que vos gusten!

Este venres celebramos no noso centro escolar unha das mellores tradicións da nosa terra galega, o Magosto!

Aquí lles deixamos unha escolma de fotografías e vídeos deste magnífico día.

Esperamos que desfrutedes do vídeo!

Os nenos e nenas de infantil celebramos o Día Universal da Infancia e o facemos a través do libro O homiño de papel. 

Unha nena aburríase na casa cos xoguetes que sempre tiña e non se entretiña.

Un día imaxinou, inventou e fixo un amigo de papel de periódico. 

O homiño de papel e máis a nena aprenderon a descubrir a vida, as cousas boas e malas que hai nela, e como se lles pode trasmitir alegría e esperanza aos nenos e nenas; mirando as accións humanas cos ollos da solidaridade.

O ALUMNADO DE INFANTIL, INVITÁMOSVOS A DESCUBRIR CON NÓS OS NOSOS HOMIÑOS DE PAPEL, E AS COUSAS QUE A NÓS COMO NENOS E NENAS NOS FAN FELICES.

Premede na imaxe para ver o vídeo

Unha aperta!!