Skip to Content

Blogue de Pablo Sanchez

Celebramos os maios e o Día das Letras Galegas!

Mar, 14/05/2024 - 13:59 — Pablo Sanchez

A celebración dos Maios na escola é fundamental para preservar e transmitir as nosas tradicións culturais ás novas xeracións.

Este evento permite que os nenos e nenas se acheguen ás raíces galegas a través de actividades como a confección de maios con flores e plantas, a interpretación de coplas tradicionais e a participación en danzas populares.

Ademais de fomentar o respecto pola natureza e o medio ambiente, esta festividade promove a cohesión social e o sentimento de pertenza a unha comunidade, ao mesmo tempo que se incentiva a creatividade e o traballo en equipo entre o alumnado.

Do mesmo xeito, celebrar as Letras Galegas é fundamental para os nenos e nenas porque promove o coñecemento e a valoración da nosa cultura e lingua.

Este ano, ao dedicarse a Luisa Villalta, unha autora comprometida coa defensa da identidade galega, quixemos facer unha pequena homenaxe cantando a Luisa Villalta.

Grazas a esta conmemoración os alumnos/as afondan no sentimento de pertenza á súa terra e aprenden a apreciar a importancia de conservar e promover o galego no seu día a día.

Compartimos con vós algunhas imaxes do día de hoxe.

PD: Agradecer a todas as familias pola colaboración nas flores.

 

 

Horarios mes de xuño

Dom, 12/05/2024 - 10:12 — Pablo Sanchez

José Luis Pico Espiñeira, director do CEIP A Castellana, comunícalles: 

Que neste mes de xuño de 2024, os horarios de entrada dos alumnos/as que non teñan transporte escolar e tamén os que voluntariamente non o queiran empregar, deberán estar no colexio ÁS DEZ MENOS CUARTO da mañá; asimesmo terán que recollelos ÁS TRES E MEDIA DA TARDE.

Os horarios de saída do transporte escolar (dende o centro) serán: 

- Luns, mércores, xoves e venres: ás CATRO da tarde.

- Martes: ás CINCO MENOS CUARTO da tarde. 

 

*MOI IMPORTANTE: tanto na entrada como na saída do colexio, está prohibida a entrada de vehículos no recinto escolar (como prevención).

 

Esperando que se cumpra o anteriormente exposto por tema de organización. 

Cordialmente, o director.

 

Canción para as Letras Galegas na honra de Luisa Villalta

Ven, 10/05/2024 - 19:41 — Pablo Sanchez

Co motivo da celebración que faremos a vindeira semana polo día das Letras Galegas, compartimos a continuación a canción que cantaremos o vindeiro 16 de maio.

Animádevos a ensaiala na casa!

A primavera invítanos a sementar!

Xov, 09/05/2024 - 10:21 — Pablo Sanchez

O noso centro foi seleccionado para desfrutar dunha mesa de cultivo dotada polo Fondo Galego de Garantía Agraria. Grazas a dita mesa os alumnos e alumnas de 5º e 6º de Educación Primaria comenzaron a sementar tomates e cenorias. 

A importancia de fomentar a sementeira en nenos e nenas no ámbito educativo é fundamental para o desenvolvemento integral dos máis novos.

A través destas actividades, os nenos aprenden sobre a responsabilidade e o coidado, xa que deben atender as súas plantas regularmente. Ademais, esta práctica tamén lles ensina sobre os ciclos da natureza e a importancia da sustentabilidade.

Ao cultivar plantas, os estudantes poden ver o impacto directo das súas accións no ambiente, o que reforza a idea de que os seus esforzos poden contribuír a un cambio positivo. Outro aspecto relevante da horticultura na educación é o seu valor terapéutico.

Traballar con plantas pode ser moi relaxante e reducir o estrés, o que é especialmente beneficioso no contexto escolar, onde os alumnos poden sentirse presionados por exames ou tarefas. Ademais, a horticultura pode ser unha ferramenta inclusiva que permite a participación de todos os estudantes, independentemente das súas habilidades físicas ou cognitivas, promovendo a igualdade e a integración dentro do grupo.

 

Traballamos a lectoescritura mediante o conto dos 3 Porquiños

Mér, 08/05/2024 - 15:56 — Pablo Sanchez

Compartimos con todos vós unha actividade que fixeron os nenos e nenas de 6º de Educación Infantil sobre o conto dos 3 porquiños para fomentar a comprensión lectora.

Este tipo de recursos narrativos permiten aos nenos e nenas desenvolver habilidades fundamentais para a súa aprendizaxe.

A través deste conto, os estudantes poden familiarizarse coa estrutura e os elementos básicos dun relato, o que lles axuda a comprender mellor a secuencia de eventos e a identificar personaxes, escenarios e accións.

Ademais, o conto dos tres porquiños ofrece oportunidades para traballar a comprensión lectora, a expresión oral e escrita, e o enriquecemento do vocabulario.

Desta maneira, os nenos e nenas adquiren as bases necesarias para un desenvolvemento exitoso da lectoescritura, o que lles permitirá afrontar con maior confianza e seguridade os retos académicos futuros.

Facemos un mural pintando como Jen Starck

Mar, 07/05/2024 - 11:10 — Pablo Sanchez

A pintura de Jen Stark é unha ferramenta inestimable para o desenvolvemento dos nenos e nenas. Compartimos con todos vós unha obra de arte que fixeron os alumnos e alumnas de 3º e 4º de Primaria.

A través das súas obras, os estudantes poden explorar a creatividade, a expresión e a imaxinación dunha maneira única e emocionante.

Traballar coa pintura de Jen Stark fomenta o desenvolvemento de habilidades como a coordinación man-ollo, a destreza manual e a apreciación da arte contemporánea.

Ademais, promove a expresión persoal, a colaboración e o traballo en equipo, ofrecendo aos nenos/as unha experiencia de aprendizaxe enriquecedora e divertida.

Festa da árbore 2024

Xov, 25/04/2024 - 14:09 — Pablo Sanchez

No día de hoxe estivemos a celebrar a Festa da árbore no centro educativo, organizada polo Concello de Aranga en colaboración co colexio. 

Pola mañá puidemos desfrutar da solta dunha ave, así como de diversas actuacións que puidemos ver no pabillón do centro e unhos fermosos bailes dos rapaces e rapazas de baile galego.

Posteriormente os alumnos/as que participaron no Concurso organizado polo Concello de Aranga ensinaron os seus fermosos debuxos.

Agradecer ao Alcalde e a todo o Concello de Aranga polos agasallos e pola organización de todas as actividades.

 

Pola tarde, brincamos e xogamos moito nos hinchables, compartimos con todos vós algunha das imaxes.

 

De todos os xeitos, tedes moitas máis fotografías na galería; podedes acceder premendo aquí.

Días NON lectivos

Xov, 25/04/2024 - 10:19 — Pablo Sanchez

Estimadas familias,

Recordamos que desde o 1, 2 e 3 de maio (ambos incluídos), non haberá clase ao ser días non lectivos.

Retomaremos as clases o vindeiro luns 6 de maio.

  • O 1 de maio é Día do Traballador.
  • O 2 de maio é o día Solicitado polo Colexio.
  • O 3 de maio é o día Solicitado polo Concello (festa de Santa Cruz de Aranga).

Gracias e un saúdo.

Celebramos o día do Libro

Mar, 23/04/2024 - 13:39 — Pablo Sanchez

Celebrar o Día do Libro cos nenos/as é crucial para incentivar o amor pola lectura desde unha idade temperá. Esta celebración axuda a familiarización con libros e autores diversos, potenciando a súa imaxinación e habilidades lingüísticas.

Ademais, ao participar en actividades lúdicas e educativas relacionadas coa lectura, os nenos desenvolven unha maior comprensión e aprecio polas historias e culturas. Este tipo de eventos tamén promove valores importantes como a empatía e o respecto, ao expoñer aos nenos a diferentes perspectivas e experiencias a través dos libros.

No día de hoxe, os alumnos/as de 1º, 2º e 3º e 4º de Primaria estiveron a leer contos aos máis pequenos do colexio, os alumnos/as de Educación Infantil. Que ben o pasamos nun fermoso día de primavera desfrutando da lectura!

Aprendemos a encadernar!

Ven, 19/04/2024 - 10:30 — Pablo Sanchez

Os alumnos/as de 5º e 6º de Educación Primaria estiveron a celebrar o día do libro mediante un fermoso e didáctico taller onde aprenderon a facer encuadernación. 

Posteriormente, elaboraron un libro coa vida de Cervantes e Shakespeare.

Compartimos por aquí algunhas das imaxes.

 

 

Distribuir contido


by Dr. Radut