Blogue de Pablo Sanchez

Neste segundo trimestre, en colaboración coa ANPA, o alumnado de Educación Infantil e de 1º e 2º de Educación Primaria recibiu unha nova compañeira na clase: A ABELLA BEE BOT!

Grazas a este robot estamos a traballar nas aulas aspectos tan importantes como a lateralidade, o razoamento lóxico, a orientación espacial e o traballo cooperativo, entre moitos outros.

Para conseguilo, creamos diferentes paneis adaptados aos diversos niveis e áreas de traballo, enfocándonos neste mes de marzo na lectoescritura en Infantil e nas matemáticas e na música en Primaria.

Esta nova ferramenta tecnolóxica conquistou ao alumnado, que pouco a pouco vai descubrindo o seu funcionamento, sumerxíndose de cheo no mundo das TIC. 

Invitámosvos a darlle ao play para comprobalo!

A biblioteca é un lugar máxico que non só alberga libros e recursos educativos, senón que tamén é un espazo de encontro para o alumnado. É un lugar onde os estudantes poden reunirse para compartir o seu amor pola lectura, explorar novas ideas e aprender xuntos.

Ademais de ser unha fonte inesgotable de coñecemento, a biblioteca tamén é un lugar onde os estudantes poden gozar de xogos cooperativos. 

Xa sexa que se trate de xogos de mesa, xogos de roles ou xogos educativos, estes fomentan a creatividade e a imaxinación. Pero a biblioteca é moito máis que un lugar para ler e xogar. É un lugar onde os estudantes poden conectar con outros estudantes, compartir ideas e descubrir novas formas de pensar.

É un lugar onde poden aprender sobre diferentes culturas e perspectivas, e onde poden desenvolver habilidades sociais importantes como a empatía e a comprensión. 

Ademais, na Biblioteca de Camacho o Ourizo cacho, contamos con dispositivos electrónicos que permiten a conectividade coa internet. Isto permítenos facer consultas, xogar de xeito interactivo e fomentar o desenvolvemento de competencias dixitais no alumnado.

A Educación Infantil e Primaria é unha etapa clave na formación dos nenos e nenas, e é fundamental que se lles ensine desde temperá idade valores de igualdade de xénero.

Neste sentido, o Día Internacional da Muller é unha excelente oportunidade para resaltar a importancia do papel da muller na sociedade e promover a igualdade de xénero.

Hoxe estivemos a destacar o papel das mulleres que temos máis preto de nós, enfatizando en valores como o respecto, a tolerancia e a diversidade.

Cada día, debemos inculcar estes valores dende a infancia; isto é clave para construír unha sociedade máis xusta e igualitaria no futuro.

PD: recordade que sempre podedes ver máis imaxes na galería. 

O teatro é unha ferramenta moi valiosa para a educación primaria xa que ten múltiples beneficios para o desenvolvemento dos nenos e nenas.

O teatro promove a creatividade, a imaxinación e a expresión de emocións e sentimentos. A través do xogo teatral, os nenos e nenas poden explorar diferentes roles e situacións, e así desenvolver a súa capacidade de empatía e comprensión dos demais.

Os alumnos de 5º e 6º de Educación Primaria, exemplificaron unha actuación teatral recordando a vida de Mahatma Gandhi.

Gandhi foi un líder pacifista que loitou pola independencia de India utilizando métodos non violentos. El defendía que a paz non se logra a través da forza, senón a través do diálogo e a comprensión mutua.

Tamén promoveu a idea da non violencia como un estilo de vida, que incluía a non violencia cara a un mesmo, cara aos demais e cara ao medio ambiente.

Traballar a coordinación óculo manual en Educación Física é fundamental para o desenvolvemento dos nenos e nenas. A través de diferentes exercicios e xogos, podemos mellorar a súa capacidade para coordinar os movementos óculo manuais, o que á súa vez axudalles a mellorar a súa precisión e habilidade en diferentes actividades e permite transferencia ao aprendizaxe. 

Ademáis ao realizar actividades en equipo, os nenos e nenas deben comunicarse e colaborar para conseguir un obxectivo común, o que tamén lle permite desenvolver habilidades sociais importantes como a cooperación, a empatía e a comprensión dos demais.