CEIP CANOSA-RUS

Estimadas familias: A Consellería de Cultura, Educación e Universidade e a Consellería de Infraestruturas e Mobilidade publicou unha Addenda á Instrución conxunta 1/2021 na que se contempla introducir unha previsión específica dirixida ao alumnado do segundo ciclo de Educación infantil sen dereito a transporte escolar gratuíto, de xeito que se habilite aos centros a reserva de praza ao seu favor nos supostos de existencia de prazas dispoñibles en paradas existentes en servizos integrado

Estimadas familias: O próximo luns, día 6 de setembro entregaranse os libros que lles corresponden de FONDOLIBROS a cada alumno/a. Recordamos tamén que algunhas familias teñen pendente pasar a recoller os vales de material para os libros de 1º e 2º e os vales para material de 1º a 6º de Educación Primaria e que poderán facelo ese mesmo día. A continuación detallamos o horario no que se realizará a entrega dos libros e a entrega dos vales.

Estimadas familias: Para o próximo curso 2021-2022 hai cambios respecto á xestión do transporte escolar. Nos arquivos adxuntos figura a circular de transporte e a Intrucción conxunta 1/2021 para que poidades acceder ao texto completo. É moi importante ler atentamente a información para poder así realizar os trámites de forma correcta. As novidades máis importantes refírense ao alumnado que facía, ata o de agora, uso do transporte escolar de forma excepcional. Un saúdo. O equipo directivo.

Publicada a listaxe definitiva de axudas FONDOLIBROS para o curso 2021-2022. A listaxe pódese consultar dende o luns, 19 de xullo no taboleiro interior do colexio. Recordade que podedes pasar a recoller os vales para libros e para material dos/ das alumnos/as aos que lles corresponden as axudas durante o horario de atención ao público. 

A continuación xuntamos a listaxe dos libros de texto para o vindeiro curso. Nos próximos días sairán publicadas as listas provisionais e definitivas das axudas do fondo solidario de libros de 3º a 6º de EP, dos vales para os libros de 1º e 2º de EP e os vales de material de 1º a 6º de EP. Enviaremos un abalar para avisarvos cando estean publicadas as listaxes  no corcho da consexería. Un saúdo. O equipo directivo. 

E chegamos ao último mes do curso. Deixamos o menú de xuño e unhas indicacións de cara ao verán. Queremos agradecer ao equipo de cociña e ás nais colaboradoras do comedor a súa gran labor de cada día para que os nenos e nenas estean o mellor e máis seguros posibles no colexio. GRAZAS POR FACELO POSIBLE!

O curso está a piques de rematar e con el o noso PDI, "Amar o mar". Cando iniciamos este proxecto, para nada contabamos que íamos rematar así. A idea inicial mudou e todos tivemos que adaptarnos. A situación non permite que poidamos xuntarnos no colexio para poder compartir todos/as o produto final do noso PDI, pero unha vez mais non queríamos quedar sen mostrar o gran traballo que día tras día, os nenos/as realizan con ilusión.