Aínda que á volta das vacacións de Nadal xa eramos pequenos expertos da dinámica da aula, dos seus espazos e de todas as persoas que forman parte do noso cole, a profe volvía despois dun longo parón, así que decidimos comezar un pouco de cero. Por isto, pasiño a pasiño, creamos entre todos unha nova vida dentro dunha clase onde a dinámica e funcionamento da mesma xa estaba máis que interiorizada.
NOVOS ESPAZOS
Neste sentido, recuperamos espazos esquecidos durante todo este tempo...O NOSO RECUNCHO DE RELAXACIÓN!!!
As únicas premisas para utilizalos son: Non xuntarnos máis de dous ou tres nenos e nenas e levar moitas ganas de relaxarnos. A partir de aquí, cada un o emprega como considera oportuno.
E xa temos a cabeza dando voltas buscando familiarizar moito máis este recanto....ESTADE ATENT@S!!!!
NOVAS RUTINAS
Igualmente, retomamos as nosas visitas á biblioteca do centro para coller en préstamo libros e películas para a fin de semana. Para isto, elaboramos uns novos marcadores co Trasno Trouleiro e, así, poder deixar os contos que devolvíamos no lugar inicial. O máis sorprendente de todo isto, foi ver como evolucionamos nas nosas habilidades artísticas ó comparar o noso novo Trasno co do curso pasado. SODES UNHAS MÁQUINAS!!! 
RENOVAMOS MATERIAIS
Seguindo coa nosa faceta artística, elaboramos novos manteis para a nosa merenda.
E TAMÉN RENOVAMOS ESPAZOS
Aínda que xa eramos uns expertos na reciclaxe, repasamos e recordamos as regras principais deste proceso e elaboramos uns novos carteis coa profe Antía. GRAZAS POLA AXUDA!!!
ENGADIMOS MATERIAIS QUE NOS ENCANTABAN A ALGÚNS RECANTOS DE XOGO.
PERSONALIZAMOS A DECORACIÓN DA AULA
Un espazo onde pasamos moitas horas e que xa é como a nosa segunda casa.
NON CREEDES QUE LLES QUEDOU PRECIOSA? 
NORMAS.
Elaboramos unhas novas normas para o ano 2020, consensuadas e aprobadas por toda a aula. Así, algo que pode parecer moi sinxelo, supón un amplo debate sobre o que podemos e non podemos facer. Igualmente, reflexionamos sobre cales son as que máis nos costa realizar, polo que foron resaltadas como obxectivo a conseguir antes de acabar o curso. Finalmente, asinamos todos e todas o documento (incluído todo o equipo docente que pasa pola nosa aula) para fixar a nosa "promesa" de cumprir cada unha delas todos os días. Así, e como non creemos moito no éxito dos castigos, reforzaremos positivamente a todo aquel que cumpra este tratado de boas prácticas.
INICIAMOS RUTINAS QUE SON MOI NECESARIAS.
Acostumados ó ritmo desenfrenado da vida adulta, decidimos comezar unha rutina na aula de descanso e relaxación ligada ó "slow life" ou como debemos ser os adultos os que se adapten a vida diaria dos nenos e nenas e non ó revés. Así, cada día, teremos polo menos un ratiño para desacelerar, deternos y gozar da calma.
