A actividade de hoxe é un xogo matemático de estratexia e de multiplicación.
Moi recomendado para repasar as táboas de multiplicar.
Neste xogo temos que ocupar 3 casilleiros contiguos do taboleiro, evitando que outros xogadores o consigan antes.
Os mateirais que precisades son:
- Banda numérica e taboleiro cadrado de 36 casillas. ( Damos os modelos para que poidades xogar).
- 2 clips.
- Botóns de cores ou fichas de parchís.
Modo de xogo:
O primeiro xogador coloca os dous clips na banda numérica ( poden ser diferentes números ou colocar os dous no mesmo número).
Fai a multiplicación deses dous números e coloca o seu botón no casilleiro dese producto.
O seguinte xogador move só UN clipa outro número da banda numérica. Fai a multiplicación e coloca o seu botón no taboleiro.
Por turnos van colocando os botón. Gaña o primeiro xogador que ocupa TRES casilleiros en liña. A liña pode ser horizontal, vertical ou diagonal.
Para xogar no ordenador existen moitos xogos para practicar as táboas. Temos unha versión de Calculandox, Tabla en línea, que ofrece a opción dixital.
Aquí vos deixamos unha opción para imprimir:
