Skip to Content

BENVIDOS Á WEB DO CEIP A SANGRIÑA       

FIN DE CURSO 2021/2022

Broche dourado para despedir este curso co noso alumnado despois de dous cursos de pandemia sen celebracións.

Noite chuviosa, todo o mundo expectante porque no patio estaban montados unha chea de cousas para desfrutar do día. Por sorte, comezou a abrir o día que finalmente, quedou despexado e con sol...fin de curso en marcha!!!!

Patio de terra GLADIATOR...unha carreira cheiña de obstáculos que como vedes no vídeo foi ben defendida polas nosas nenas e nenos, ós que non lle importou mancharse arrastrándose, subindo por cordas, pasando por rodas...

Para comprobalo, aquí tedes : 

No patio de baloncesto dous inchables cos que desfrutaron a tope peques e maiores. No patio dianteiro varias casetas de xogos de habilidades. No salón de actos DISCOSANGRIÑA na que bailaron e se divertiron.

 AS IMAXES DINO TODIÑO:

Logo merenda...coma en toda carreira, auga e froita coa que coller moooitaaasss enerxías para o peche...

FESTA DA ESCUMA

 

Non queremos rematar sen os  AGRADECEMENTOS: a ANPA e ás familias pola aportación económica e material preparando sen descanso a nosa merenda, a SUPERMERCADOS EROSKI por cedernos a froita, a SERA (Serafín Martinez) e a súa empresa NKO e as mestras e mestres sempre pendentes e dispostxs ata a meterse na escuma vestidos por petición do alumnado!!!

Mil graciñas por este día fantástico que quedará no seu recordo!!!

DESPEDIDA 6º CURSO

Xa chegou o momento de que os alumnos e alumnas de 6º de Ed. Primaria, abandonen o centro escolar onde tantos anos estiveron formándose e educándose a gran maioría.  Para elas e eles é o final dunha etapa e o comezo doutra nova, a E.Secundaria que lles crea certa incerteza, pero para a cal están preparadas e preparados . 

Despedímolos desexándolle un camiño cheo de éxitos e que cada unha/un deles chegue á meta que se propoña. 

ATA SEMPRE!!!

IMAXES DO DÍA DO MEDIOAMBIENTE

Todxs preparadiñxs!!! roupa cómoda, bolsiñas, luvas...e comezaron a caer unhas pinguiñas!!! 

Ohhh que decepción, nada so foron catro gotas que pronto despexaron e non nos impediron desfrutar do paseo, merenda en grupo e á volta, recoller cantos residuos fomos atopando pensando que con esta pequena acción estamos axudando á nai Terra.

Xa de volta no cole, fixemos reconto do recollido.

Aqui deixamos as imaxes. 

EXCURSIÓN ÁS ILLAS CIES

E chegou o día...moitos nervos no alumnado de primaria antes de saír no autobús cargadiñxs coa súa equipaxe...merenda, toalla, protector solar, algúns euriños para xeados e moitaaaa ilusión!!!

Máis nervos aínda ó baixar para agardar polo barco. Subida con coidadiño, sentadxs abaixo ós maís cativ@s e arriba @s máis maiores.

Que gañas de chegar...merenda, camiñata , comida e...praia e baño!!!

Canto desfrutaron, que ben o pasaron...aquí quedan algunhas imaxes para que o comprobedes.

  

 E aquí unhas imaxes na auga...

Pero aínda quedaba a traca final!!! o BARCOTECA, unha sorpresiña que nos tiñan preparada...música e a bailar!!!!

  

DÍA MUNDIAL DO MEDIO AMBIENTE

 

 

O 5 de xuño,  foi o Día Mundial do Medio Ambiente. Con este día cada ano preténdese sensibilizar á sociedade en todos os temas relacionados co medio ambiente, o coidado da biodiversidade e a súa protección. 

 As familias así como os educadores xogan un importante papel na educación ambiental. Debemos ensinar ós nenos e nenas a importancia de coidar o medio ambiente, pero tamén o respecto polo resto de seres vivos, a reciclaxe e a reutilización de materiais e a redución da contaminación. 

É un día para reflexionar e para que  teñamos conciencia sobre o impacto que temos sobre o planeta e que actuemos en consecuencia con pequenos compromisos e accións que axuden á súa conservación.

Pois ben...aínda que atrasado o alumnado do CEIP A SANGRIÑA quere poñer o seu gran de area pola defensa do planeta.Así que este luns a partires das 10.15 da mañá faremos saídas por diferentes espazos naturais da Vila...montiño, esteiro de Miño e tramo do Camiño de Santiago para facer unha limpeza de residuos que vaiamos atopando.

Precisamos roupa e calzado cómodo, unha mochiliña con auga( botella reutilizable) e merenda con residuos 0. Podemos levar tamén unha pequena bolsiña plástica para a recollida e opcionalmente luvas.

Porque TERRA non temos máis que unha...axudemos a coidala!!!

REMATANDO O CURSO:VISITA ÁS ILLAS CIES

Dende o Equipo de extraescolares organizaron como remate de curso unha saída de todo o día para visitar as Illas Cíes, un paraiso galego que podedes ver nestas imaxes... 

E aquí deixamos para lelo moi antentamente a NORMATIVA E RECOMENDACIÓNS PARA A VISITA: 

 

E...por se queredes saber máis, aquí queda este enlace cunha chea de información:

https://gazeta.gal/web/as-illas-cies/

 Boa viaxe nenas e nenos!!! Que a desfrutedes con sentidiño!!!

DEPORTE NA ESCOLA: PETANCA/TENIS

Rematando o curso, rematan tamén as nosas rutas polo deporte na Guarda.

Tenis, no  Graciñas a todos os monitores pola dedicación e a paciencia dado que son idades moi diversas.

Aquí deixamos uns pequenos vídeos do que fixeron:

  

Petanca no  todo un descubrimento para o alumnado que gozou moito coa súa práctica e estivo atentísimo ás explicacións dos varios usuarios e usuarias que se acercaron ata as pistas. A todxs elxs mil graciñas pola paciencia e a dedicación. 

Tamén deixamos unhas pequenas mostras do que fixeron:

    

E para rematar  un vídeo coas imaxes que dan conta do que desfrutaron: 

TRABALLANDO AS EMOCIÓNS!!!

Reaccionamos ós acontecementos que pasan ó noso redor con emocións...alegría, tristeza, rabia, medo, noxo, sorpresa...A educación emocional infantil ensina ós nenos e nenas a controlar e  xestionar as súas emocións. Cando traballas as emocións en clase consegues que o alumnado estea máis motivado e axúdaslles positivamente no seu desenvolvemento intelectual.

Conscientes desta importancia,dende o Contrato Programa Emocióna-T o profe Alejandro comezou, de 1º a 6º, a pasar un anaquiño con cada clase e traballar esas emocións dende a música e a imaxe comentando que foi unha actividade moi satisfactoria.

Distribuir contido


by Dr. Radut