CEIP Antía Cal Vázquez

Malia ser unha semana curtiña, marchamos coa mochila cargada de experiencias.

De antemán, agradecer á ANPA a oportunidade que deron ao noso alumnado de experimentar a gravación dun programa de radio.

Esta primeira formación veu da man de COEDUC@, e máis concretamente de Pilar. Os nenos e as nenas falaron da importancia da perspectiva de xénero, empregando a radio como mecanismo de difusión.

A vindeira semana recibiremos a segunda sesión, centrada no baile.

Que non deixen de chegar estas oportunidades únicas!

Podedes ver as imaxes desta xornada clicando na seguinte fotografía:

Comezamos a semana cunha visita do máis especial. Tivemos a sorte de ser un dos concellos visitados por "CIENCIA Á FEIRA" da man do grupo de innovación docente XuvenCiencia.

Tal e como se describe na páxina oficial da USC, ‘Ciencia á Feira’ é un proxecto interxeracional e comunitario de divulgación informal da ciencia que tira proveito de estruturas fortemente asentadas no medio rural: a escola, os concellos, as asociacións e os colectivos veciñais e, por suposto, as feiras.

Este programa presentaralle ao noso alumnado tres eixes temáticos considerados relevantes na provincia de Lugo no contexto actual:

• as enfermidades transmitidas por carrachas,
• a xestión sustentable da augua e as micorrizas,
• e microenxertos como ferramentas de produción vexetal.

Compartimos con vós a memoria do primeiro día de aprendizaxe. Podedes acceder clicando na seguinte imaxe.

Compartimos a organización das actividades deste mes de outubro.

Espéranos un mes cargado de novas experiencias, saídas e novos aprendizaxes!

Compartimos o menú do mes de outubro, que podedes descargar en formato pdf clicando no enlace.

A nosa primeira semana de cole.

Poñemos fin á semana que marca o comezo dunha aventura.

Nestes días coñecimos as particularidades de cada un/unha, aquelas que nos fan únicos e que nos unirán o resto do curso.
Ademais de repasar e recuperar os coñecementos do ano anterior, tamén puxemos en práctica novas rutinas. Entre elas "os apadriñamentos lectores", unha actividade que selará parte das nosas xornadas.
E por suposto, comezamos por todo o alto saíndo do noso pequeno mundo. Os/as nosos/as nenos/as disfrutaron da música, do encontro con outros coles e da maxia de coñecer novos lugares.

Podedes ver o vídeo resumo clicando na imaxe:

Benvidos/as a un novo ano académico!

Despois dun verán incansable arrancamos o curso con moitas gañas e ilusión. En breves descubriremos todas as boas novas que están por vir!

Este ano rematamos o curso cunha gran festa con hinchables, globoflexia, pintacaras, caza do tesouro, xogos tradicionais e unha gran comilona. Podedes ver o vídeo no archivo adxunto.

Agora, despois de traballar e estudar toca descansar. Bo verán familias!

Álbum: Sen categoría -> Festa fin de curso 2023

Este ano tivemos a sorte de contar con David Arcay, para conmemorar o día do Medio Ambiente. Explicounos moitas cousas e deixounos usar a súa cana de pesca. Grazas David!

Álbum: Sen categoría -> Día do Medio Ambiente 2023