DÍA DA INFANCIA E DA NON VIOLENCIA DE XÉNERO
Enviado por admin o Sáb, 25/11/2023 - 20:01Nesta semana conmemoramos dúas datas de relevancia do noso calendario escolar: o día da infancia e da non violencia de xénero. Algunha das dinámicas desenvoltas foron:
- Visualización de documentais educativos.
- Elaboración de murais e carteis reivindicativos.
- Xogos e lecturas multinivel.
- Canto da canción "Chea de vida" de Guadi Galego aos nenos e nenas do PAI.
Clicando na seguinte imaxe podedes acceder ao arquivo multimedia das conmemoracións.
SEMANA DA CIENCIA
Enviado por admin o Ven, 17/11/2023 - 12:46Iniciamos as actividades para conmemorar o mes da ciencia con experimentos, investigacións e traballos sobre as mulleres científicas. Podedes acceder ao arquivo multimedia clicando na seguinte imaxe:
OS ANIVERSARIOS DE BERA E PABLO
Enviado por admin o Sáb, 11/11/2023 - 11:41Os pasados 4 de outubro e 10 de novembro celebramos os aniversarios de Pablo e Bera. Deleitámonos coas merendas que nos fixeron e recibiron unha agradable sorpresa de todos os seus compañeiros/as: un cadro selado polas súas mans.
No seguinte enlace podedes acceder ao arquivo coas imaxes dos diferentes aniversarios: https://drive.google.com/drive/folders/1wJNtUrVBl6vmwYqdfE5C7lDduq_bxzk6?usp=sharing
A VOLTA DAS MOCHILAS VIAXEIRAS
Enviado por admin o Ven, 03/11/2023 - 21:14
Estimado alumnado e familias,
As nosas mochilas viaxeiras volven a sair cargadas de novas andanzas, na busca da maxia e do fomento da lectura. Esta mochila arrancará a súa viaxe os venres pola tarde e deberán voltar á escola o seguinte venres pola mañá, desfrutando dela unha semana.
Chegarán aos vosos fogares cargadas de mundos e aprendizaxes que descubrir. Desta maneira, atoparedes:
- Lecturas en galego, en castelán e en inglés para a infancia.
- 1 comic ou lectura animada.
- Unha película en DVD.
- Un CD de música.
- A mascota viaxeira coa que explorar as lecturas.
- Un caderno de viaxe no que escribir ou debuxar a experiencia coa mochila.
É moi importante coidar o material da nosa mochila, xa que será un símbolo de respecto e permitirá que todos e todas poidades recibila en perfecto estado.
Agardamos que esta experiencia volva resultar do voso agrado.
Un especial saúdo dende o corazón da biblioteca.
O SAMAÍN CHEGOU AO COLEXIO!
Enviado por admin o Mér, 01/11/2023 - 15:33O misterio, o medo e a maxia conquistaron cada recanto do noso cole. Onte celebramos unha xornada que quedará para o recordo:
- Coñecimos a orixe e a historia da festa de Samaín.
- Participamos no concurso de cabazas, expostas na entrada do centro e protexidas polo esqueleto Pepe.
- Elaboramos unha merenda de medo creando arañas de galleta, cabazas de mandarinas, pantasmas plataneiros… Ademais de deleitar uns postres elaborados por dúas alumnas.
- Recibimos á mamá de Pablo para escoitar o conto ‘unha estraña visita’. Agradecerlle de novo a súa participación, encantounos!
- Debuxamos e pintamos ilustracións.
- Vimos a película ‘Coco’ para coñecer a festa do día dos mortos.
Quedamos con ganas de seguir enchendo a mochila de máis aprendizaxes, días memorables e miles de experiencias.
No seguinte enlace poderedes acceder ao VÍDEO RESUMO DA XORNADA, xunto ás imaxes para descargar.
https://drive.google.com/drive/folders/1-wCgI3CZ2QJfPOCoRaxbwPAAZhiTt6RA?usp=drive_link
Menú de novembro
Enviado por gladys.enriquez o Mar, 31/10/2023 - 11:53Podedes descargar o menú no documento adxunto nesta publicación.
MAGOSTO 2023
Enviado por gladys.enriquez o Ven, 27/10/2023 - 19:38Que día tan máxico queda no noso recordo. Hoxe desfrutamos dunha xornada familiar, única e moi enxebre.
Agradecervos a participación, o tempo dedicado para deleitarnos coas doces e por tanta familiaridade.
Grazas a todos os que nos visitastes, aos nenos e nenas do PAI e por suposto, á ANPA. A vosa colaboración permitiunos desfrutar dun delicioso chocolate e da maxia de ver asadas as castañas da maneira máis tradicional.
Esta é a primeira das moitas xuntanzas que agardamos ter.
Seguimos a crear e a inmortalizar recordos!
Podedes acceder ao vídeo clicando na seguinte imaxe:
- « primeira
- ‹ anterior
- …
- 3
- 4
- 5
- 6
- 7
- 8
- 9
- 10
- 11
- …
- seguinte ›
- última »