O SAMAÍN CHEGOU AO COLEXIO!
Enviado por admin o Mér, 01/11/2023 - 15:33O misterio, o medo e a maxia conquistaron cada recanto do noso cole. Onte celebramos unha xornada que quedará para o recordo:
- Coñecimos a orixe e a historia da festa de Samaín.
- Participamos no concurso de cabazas, expostas na entrada do centro e protexidas polo esqueleto Pepe.
- Elaboramos unha merenda de medo creando arañas de galleta, cabazas de mandarinas, pantasmas plataneiros… Ademais de deleitar uns postres elaborados por dúas alumnas.
- Recibimos á mamá de Pablo para escoitar o conto ‘unha estraña visita’. Agradecerlle de novo a súa participación, encantounos!
- Debuxamos e pintamos ilustracións.
- Vimos a película ‘Coco’ para coñecer a festa do día dos mortos.
Quedamos con ganas de seguir enchendo a mochila de máis aprendizaxes, días memorables e miles de experiencias.
No seguinte enlace poderedes acceder ao VÍDEO RESUMO DA XORNADA, xunto ás imaxes para descargar.
https://drive.google.com/drive/folders/1-wCgI3CZ2QJfPOCoRaxbwPAAZhiTt6RA?usp=drive_link
Menú de novembro
Enviado por gladys.enriquez o Mar, 31/10/2023 - 11:53Podedes descargar o menú no documento adxunto nesta publicación.
MAGOSTO 2023
Enviado por gladys.enriquez o Ven, 27/10/2023 - 19:38Que día tan máxico queda no noso recordo. Hoxe desfrutamos dunha xornada familiar, única e moi enxebre.
Agradecervos a participación, o tempo dedicado para deleitarnos coas doces e por tanta familiaridade.
Grazas a todos os que nos visitastes, aos nenos e nenas do PAI e por suposto, á ANPA. A vosa colaboración permitiunos desfrutar dun delicioso chocolate e da maxia de ver asadas as castañas da maneira máis tradicional.
Esta é a primeira das moitas xuntanzas que agardamos ter.
Seguimos a crear e a inmortalizar recordos!
Podedes acceder ao vídeo clicando na seguinte imaxe:
FESTA DE MAGOSTO
Enviado por gladys.enriquez o Ven, 20/10/2023 - 15:24Comprácenos invitarvos á festa de Magosto do colexio, que terá lugar o vindeiro venres 27 de outubro. No cartel podedes ver a planificación do día, que compartiremos cos nenos/as e familias do Punto de Atención á Infancia.
Esperámosvos!
Podedes descargar o cartel no documento adxunto nesta publicación.
MURAS E OS MIL MUNDOS: PRIMEIRA VIAXE
Enviado por gladys.enriquez o Ven, 20/10/2023 - 12:52A NOSA PRIMEIRA VIAXE
O proxecto Muras e os Mil Mundos arrancou na nosa contorna. Para viaxar e coñecer outros lugares, é necesario atender ao que nos rodea co fin de valorar os nosos tesouros.
Despois de ter enviada a carta ao alcalde do concello, solicitando información, chegounos unha caixa do máis especial. Nela atopamos folletos, libros, carteis…ademais dun agasallo!
Con esta información, preparamos a nosa propia exposición. Está aberta para todos os que desexedes vela!
Cal será o próximo destino?
Clicade na seguinte imaxe para acceder ao vídeo resumo do traballo:
OBRADOIRO DE IGUALDADE
Enviado por gladys.enriquez o Mér, 18/10/2023 - 17:32Nesta semana recibimos a visita de Sara para continuar co programa de igualdade, organizado por COEDUCA.
Nestas sesións aprendimos e reflexionamos, a través do xogo, o debate e o baile.
Algúns dos temas tratados foron:
- O uso dos videoxogos e das redes sociais.
- Análise e crítica das letras das cancións.
Encantounos! Agardamos repetir o vindeiro ano.
Podedes ver o vídeo resumo clicando na imaxe:
VISITA A TROPIC GAIA
Enviado por gladys.enriquez o Lun, 16/10/2023 - 19:00Comezamos a semana por todo o alto visitando un recanto de Morás, en Xove. Máis concretamente, adentrámonos no pequeno mundo de Tropic Gaia para coñecer o traballo de Andrea González Río, unha moza mariña que decidiu cultivar a súa propia froita para a elaboración de riquísimas marmeladas con receita tradicional: kiwis, amorodos e physalis, froita tropical que tamén cultiva na Mariña de Lugo. Todo é da súa horta, e sen produtos que poidan alterar a súa calidade!
Nesta saída indagamos nas técnicas e nas diversas maneiras de cultivar froita tropical, ademais de participar na recolleita e degustación destas. Estaban boísimas!
Agradecemos a acollida e a experiencia que ofreceu Andrea aos nosos nenos e nenas. E por suposto, agradecer á ANPA a oportunidade que nos brindou organizando esta actividade; grazas por acompañarnos e por vivenciar a ilusión que desprenden estas aventuras.
Estamos desexando coñecer novos recantos! Podedes ver a memoria fotográfica do día clicando na seguinte imaxe:
- « primeira
- ‹ anterior
- …
- 5
- 6
- 7
- 8
- 9
- 10
- 11
- 12
- 13
- …
- seguinte ›
- última »