CEIP Antía Cal Vázquez

Este xoves 24 de outubro é o día das bibliotecas, e dende a biblioteca do CEIP Antía Cal Vázquez, damos comezo por todo o alto compartindo as mochila viaxeiras para este curso 2024/2025. 

As nosas mochilas volven a saír cargadas de novas aventuras, adéntrate e disfruta. 

Levarédelas os venres pola tarde e debedes volver a traela ao cole o venres seguinte pola mañá, desfrutando dela unha semana. 

Recordade coidar o material xa que será un símbolo de respecto e permitirá que todos/as poidades recibila en perfecto estado.

Ademais acordádevos de cubrir o caderno viaxeiro para coñecer as vosas experiencias. 

Ao infinito e máis alá coa lectura!

Sabedes que día foi onte? 

O 15 de outubro celébrase o Día Internacional da Muller Rural. No cole celebrámolo por todo o alto con dúas visitas moi especiais. Dúas das nosas mamás, que traballan no sector rural, compartiron con nós as súas experiencias e o seu día a día. Foi unha oportunidade única para coñecer de primeira man o seu labor fundamental na produción e coidado do medio rural. Con esta actividade, quixemos renderlles unha pequena homenaxe e destacar a súa importancia non só nas súas familias, senón tamén no desenvolvemento da nosa sociedade. 

Nesta ocasión, queremos darlles as grazas a Irene e a Eugenia por deixar de lado as súas labores e vir a compartir con todos nós as súas experiencias.

O pasado martes, realizamos unha actividade do programa Ler Conta Moito con Leader Dreams organizada polo noso concello. 

Construimos divertidos vehículos eléctricos autónomos, deseñando as súas partes esenciais: chasis, motor, rodas... Coas nosas creacións participamos nunha carreira tola, tola, tola. 3,2,1 XAAAAAA! Autos tolos!

Tamén programamos o robot microbit Nezha o cal recibimos co Programa de Polos Creativos da Xunta de Galicia e fixemos un concurso de esferas robots (sphero mini). 

Pasámolo súper ben e aprendimos un montón, moitas grazas por darnos esta oportunidade. 

A continuación, clicando na imaxe, podedes ver un pequeno vídeo resumo. 

Non sabedes o que nos encantou e todo o que aprendimos nesta sesión de cine.

Agora xa estamos preparados para investigar un pouco máis sobre todos eses bichiños que nos rodean.

Damos comezo ao noso proxecto "Atópanos se podes!"

Dende o CEIP Antía Cal Vázquez, queremos dar as grazas a todas esas familias que colaboraron coa recollida de roupa deste curso 2024/2025.

E tamén grazas á campaña solidaria Mariola por querer contar un ano máis coa nosa axuda. 

Como vedes, recolectamos un montón de roupa e calzado.

O pasado mércores, recibimos os nosos periódicos do programa prensa-escola de La Voz de Galicia. 

Estivemos lendoos e compartindo información. 

DÍA DE CINE

Mañá venres 4 de outubro teremos día de cine, onde veremos a película "Bichos", que nos axudará a dar comezo co noso proxecto "Atópanos se podes!"

Estades preparados?

RECORDATORIO!

Mañá último día para a recollida de roupa e calzado usado levada a cabo pola Campaña solidaria Mariola. 

Outubro ven cargadiño de actividades que aos nosos/as nenos/as lles van encantar.