slideshow 1 slideshow 2 slideshow 3

MURAS E OS MIL MUNDOS: PRIMEIRA VIAXE

A NOSA PRIMEIRA VIAXE

O proxecto Muras e os Mil Mundos arrancou na nosa contorna. Para viaxar e coñecer outros lugares, é necesario atender ao que nos rodea co fin de valorar os nosos tesouros.

Despois de ter enviada a carta ao alcalde do concello, solicitando información, chegounos unha caixa do máis especial. Nela atopamos folletos, libros, carteis…ademais dun agasallo!

Con esta información, preparamos a nosa propia exposición. Está aberta para todos os que desexedes vela!

Cal será o próximo destino? 

Clicade na seguinte imaxe para acceder ao vídeo resumo do traballo:

 

 

OBRADOIRO DE IGUALDADE

 Nesta semana recibimos a visita de Sara para continuar co programa de igualdade, organizado por COEDUCA.

Nestas sesións aprendimos e reflexionamos, a través do xogo, o debate e o baile.

Algúns dos temas tratados foron:

  • O uso dos videoxogos e das redes sociais.
  • Análise e crítica das letras das cancións.

Encantounos! Agardamos repetir o vindeiro ano.

Podedes ver o vídeo resumo clicando na imaxe:

 

 

VISITA A TROPIC GAIA

Comezamos a semana por todo o alto visitando un recanto de Morás, en Xove. Máis concretamente, adentrámonos no pequeno mundo de Tropic Gaia para coñecer o traballo de Andrea González Río, unha moza mariña que decidiu cultivar a súa propia froita para a elaboración de riquísimas marmeladas con receita tradicional: kiwis, amorodos e physalis, froita tropical que tamén cultiva na Mariña de Lugo. Todo é da súa horta, e sen produtos que poidan alterar a súa calidade!

Nesta saída indagamos nas técnicas e nas diversas maneiras de cultivar froita tropical, ademais de participar na recolleita e degustación destas. Estaban boísimas!

Agradecemos a acollida e a experiencia que ofreceu Andrea aos nosos nenos e nenas. E por suposto, agradecer á ANPA a oportunidade que nos brindou organizando esta actividade; grazas por acompañarnos e por vivenciar a ilusión que desprenden estas aventuras.

 

Estamos desexando coñecer novos recantos! Podedes ver a memoria fotográfica do día clicando na seguinte imaxe:

 

 

HORARIO DE ATENCIÓN AO PÚBLICO

OBRADOIRO DE IGUALDADE

Malia ser unha semana curtiña, marchamos coa mochila cargada de experiencias.

De antemán, agradecer á ANPA a oportunidade que deron ao noso alumnado de experimentar a gravación dun programa de radio.

Esta primeira formación veu da man de COEDUC@, e máis concretamente de Pilar. Os nenos e as nenas falaron da importancia da perspectiva de xénero, empregando a radio como mecanismo de difusión.

A vindeira semana recibiremos a segunda sesión, centrada no baile.

Que non deixen de chegar estas oportunidades únicas!

 

Podedes ver as imaxes desta xornada clicando na seguinte fotografía:

 

CIENCIA Á FEIRA

Comezamos a semana cunha visita do máis especial. Tivemos a sorte de ser un dos concellos visitados por "CIENCIA Á FEIRA" da man do grupo de innovación docente XuvenCiencia.

Tal e como se describe na páxina oficial da USC, ‘Ciencia á Feira’ é un proxecto interxeracional e comunitario de divulgación informal da ciencia que tira proveito de estruturas fortemente asentadas no medio rural: a escola, os concellos, as asociacións e os colectivos veciñais e, por suposto, as feiras.

Este programa presentaralle ao noso alumnado tres eixes temáticos considerados relevantes na provincia de Lugo no contexto actual:

  • as enfermidades transmitidas por carrachas,
  • a xestión sustentable da augua e as micorrizas,
  • e microenxertos como ferramentas de produción vexetal.

Compartimos con vós a memoria do primeiro día de aprendizaxe. Podedes acceder clicando na seguinte imaxe.

ORGANIZACIÓN DE OUTUBRO

Compartimos a organización das actividades deste mes de outubro.

Espéranos un mes cargado de novas experiencias, saídas e novos aprendizaxes!


BENVIDO OUTUBRO

MENÚ COMEDOR OUTUBRO

Compartimos o menú do mes de outubro, que podedes descargar en formato pdf clicando no enlace.

 

A NOSA PRIMEIRA SEMANA

A nosa primeira semana de cole.

Poñemos fin á semana que marca o comezo dunha aventura.

Nestes días coñecimos as particularidades de cada un/unha, aquelas que nos fan únicos e que nos unirán o resto do curso.
Ademais de repasar e recuperar os coñecementos do ano anterior, tamén puxemos en práctica novas rutinas. Entre elas "os apadriñamentos lectores", unha actividade que selará parte das nosas xornadas.
E por suposto, comezamos por todo o alto saíndo do noso pequeno mundo. Os/as nosos/as nenos/as disfrutaron da música, do encontro con outros coles e da maxia de coñecer novos lugares.

Podedes ver o vídeo resumo clicando na imaxe:

Theme by Danetsoft and Danang Probo Sayekti inspired by Maksimer