Coincidindo coa data do aniversario do nacemento da escritora, e coa participación de toda a comunidade educativa, levamos a cabo diferentes actividades para homenaxear a súa vida e obra.
Velaquí un pequeno resumo.
En todas as aulas da nosa escola agromaron pensamentos e enchémonos de cores e verbas bonitas, con flores feitas á man polo noso alumnado acompañadas de versos de Rosalía.
Grazas a vós familias, sempre dispostas a colaborar, puidemos facer este tendal cheo de fermosos versos e ilustracións.
Un día especial, no que sementamos ilusión e inauguramos o “Bancal de Rosalía”, que os nosos nenos e nenas encheron de pensamentos, grazas á aportación da ANPA.