2º Programa de Radio Beretiño!
O venres 5 de decembro, (día en que recibimos a visita do conselleiro de Educación), puidemos volver a escoitar a Radio Beretiño. É o segundo programa de Radio Beretiño do presente curso. Alumnos e alumnas de 4º puxéronnosao día da axenda cultural da nosa bisbarra onde destaca a celebración do "CULTURGAL", fixéronnos unha recomendación musical, informáronnos das novas do "cole" e como conmemoración do día contra a violencia de xénero leron unhas cartas que o alumnado lle dedicou a MALALA (unha rapaza moi especial que loitou e loita polos dereitos das nenas e nenos a unha educación) e agradecéronlle a colaboración á ONG "Implicadas no desenvolvemento" que nos viñeron a dar unha charla sobre os grupos de axuda mutua e o traballo que fan en países como a India, e prestáronnos tamén unha exposición de fotografías que estivo exposta no centro durante esa semana. Por último, déronnos pistas para averiguar:"Onde está o Beretiño?" con pistas para os maiores e para os máis "Kativos". Foi moi interesante e divertido. Tivemos, de novo, unha grande participación. Xa non cabían máis papeletas no buzón! A continuar así!
Grazas a todos pola vosa participación.
Deixámosvos os enlaces para que poidades escoitar o 2º programa de "Radio Beretiño" desta segunda etapa.
| Adxunto | Tamaño |
|---|---|
| 2º programa Radio Beretiño parte 1.mp3 | 6.57 MB |
| 2º programa Radio Beretiño parte 2.mp3 | 4.49 MB |
| 2º programa Radio Beretiño parte 3.mp3 | 4.42 MB |
| entrega de premios 2º programa.mp3 | 6.87 MB |
