CEIP PLURILINGÜE A CRISTINA

Esta tarde a Consellería de Educación publicou na súa páxina web as Medidas a adoptar en todos os centros de ensino en relación coa pandemia covid- 19 para os vindeiros 14 días naturais contados dende o día 16 de marzo de 2020(Pulsade no texto para acceder ao texto publicado).

Dende a Dirección Xeral de Saúde Publica da Consellería de Sanidade achegan a seguinte información relativa ao coronavirus (COVID-19) que resulta de interese. Para acceder á información pinchade aquí

Prezadas familias,

Como é sabido, hoxe o presidente da Xunta de Galicia comunicou o peche dos centros educativos dende o luns 16 de marzo ata o domingo 29 de marzo.

Do mesmo xeito recomendou encarecidamente que mañá, na medida do posible que non se enviaran os alumnos e as alumnas ao colexio.

No momento en que se nos transmita calquera outra información, comunicarémola a través da páxina web e abalarMóbil.

Moitas grazas pola vosa comprensión e colaboración.

O Equipo Directivo

    Este ano para conmemorar o Día Internacional da Muller fixemos diversas actividades.

   Como ben sabedes estamos traballando dende comezo de curso sobre o proxecto de “As Olimpiadas de A Cristina”, polo tanto a nosa labor durante o mesmo é ir investigando e coñecendo un pouco máis sobre os distintos deportes. Nesta ocasión, e para conmemorar un día como este, investigamos varias deportistas galegas (podedes ver unha mostra destas investigacións no blog da biblioteca: http://ceipacristinabiblioteca.blogspot.com/).

    Ademais disto, e como actividade final desta conmemoración, hoxe o alumnado de Educación Primaria e os diferentes mestres/as tivemos a gran sorte de contar coa visita dunha destas deportistas investigadas e que ademais vive moi preto de Carballo, concretamente en Ordes, trátase de Natalia Raña.

    Puidemos coñecer máis de preto a súa traxectoria como deportista dende ben pequena, e como pouco a pouco foi obtendo grandes resultados, sen irnos moi lonxe un recente premio como o de “Campioa de España de Ciclocross”. Tamén, os nenos e nenas tiveron a oportunidade de preguntarlle todas aquelas curiosidades que tiñan en relación aos deportes que practicaba, a dureza das probas, o material e vestimenta empregada, entre outros aspectos. Sen dúbida foi unha visita realmente interesante, onde Natalia lles recordaba constantemente ao alumnado a importancia que ten facer deporte polo simple feito de divertirse...e, que non importa se somos homes ou mulleres, que o realmente importante é loitar polo que a un lle gusta.

    Aquí vos deixamos unha mostra da visita. Pinchade na imaxe.

Moitas grazas Natalia pola túa visita, foi realmente interesante coñecer da túa man aspectos sobre o deporte, e como ben nos recalcaches “DISFRUTADE SEMPRE QUE PRACTIQUEDES ALGÚN DEPORTE”.

A nivel individual os resultados foron os seguintes:

• Hugo García ( Campión  benxamín masculino) 
• Tirso Ramos( Subcampión alevín masculino)

O vindeiro luns, 9 de marzo ás 16:15 horas, levaremos a cabo unha xornada de portas abertas para, ademais de resolver dúbidas sobre o proceso de admisión do alumnado para o curso 2020-2021, faremos unha visita polas instalacións do centro para dárvolo a coñecer.

Achegámonos un ano máis ao 24 de Febreiro, día en que se conmemora a figura dunha das escritoras máis importantes da nosa cultura galega....ROSALÍA DE CASTRO. 

   Para iso, o alumnado do CEIP Plurilingüe A Cristina traballamos durante estes días sobre varios  poemas reivindicativos de dita escritora. Con eles Rosalía trataba o tema da emigración por aquel entón, algo que todavía se segue vivindo hoxe en día....

    Dende o EDLG deixámosvos algunhas mostras do traballo realizado por cada un dos cursos, entre os cales se repartiron unha serie de poemas como por exemplo: "Airiños, airiños aires...", "Tecín sóia a miña tea", "Adiós ríos, adiós fontes", "Para a Habana", entre outros; ademais dunhas imaxes representativas sobre a emigración, para elaborar un mural.

    Ademais diso, o alumnado recitou cada un dos poemas, poden ver unha mostra pinchando na seguinte imaxe. Esperamos que desfrutedes moitos con estes grandes artistas:

    Sen máis, agradecer a estes cativos e a todos os mestres o seu traballo realizado.   

                FELIZ DÍA DE ROSALÍA DE CASTRO!!!!!

O próximo sábado 18 de Xaneiro celebrarase no circuito do parque dos Menhires(A Coruña) o Campionato Intercomarcal de campo a través en idade escolar, onde participarán trinta e catro  alumnos/as do noso centro.

Podes consultar toda a información en " Disfrutamos movéndonos".

    Este ano, dende o CEIP Plurilingüe A Cristina quixemos facer unha actividade solidaria para axudar nestas datas tan importantes a toda a xente que vive nunha circunstancia de precariedade e carece de recursos básicos.

    Por iso, pedimos que durante toda esta semana cada un de nós aportase o seu grao de arena e trouxese alimentos e produtos de hixiene. A participación foi realmente abraiante, estamos moi agradecidos con todas as familias que colaboraron para unha causa tan importante e, así dar dalgún xeito o noso cariño a toda esa xente que o precisa. Aquí vos deixamos unha mostra de todas as vosas aportacións que serán levadas a “Cáritas”, para participar con eles na súa campaña de Nadal que este ano leva por título: “TODOS TEMOS UN ANXO, ESPECIALMENTE NO NADAL”.

   Ademais desta recollida, no día de hoxe tivo lugar a nosa “Carreira solidaria”, na que cada curso facía un pequeno circuíto (con elementos do nadal a modo de decoración), simbolizando dalgún xeito a tradicional “CARREIRA DE SAN SILVESTRE” que se celebra o 31 de decembro en moitos lugares. Deixámosvos no seguinte vídeo unha mostra:

   Moitas grazas a tod@s pola vosa colaboración!!!

     BO NADAL E FELIZ ANO NOVO!!!!

    Como ben sabedes, estamos achegándonos a unha das festividades máis agardadas polos nenos e nenas...é dicir, o NADAL, época de moita ilusión entre os nosos peques. Por iso, e dende o noso centro, temos preparadas para esta semana que comeza unha serie de actividades, entre as que destacamos:

• “Festival de Panxoliñas” en galego, no cal participa todo o alumnado coa axuda da mestra de música (Nerea).
• “Karaoke de Panxoliñas” na biblioteca durante os recreos. Podedes ver todas as seleccionadas no blog da biblioteca “O recuncho de Nuno”. Non te quedes sen participar!!!

• Visita dos REIS MAGOS dende Oriente, o venres 20 de decembro. Para esta última actividade os alumnos levarán a súa carta, a cal fomos elaborando os días previos. Destacar que dende o EDLG elaboramos unha diferente para cada ciclo, deixámosvos unha mostra da que fixemos para o 2º ciclo:

    Ademais de todo o anterior, comentarvos que dende as aulas o alumnado está traballando unha figura característica desta época, que ademais é moi singular da nosa cultura galega, como é o “Apalpador”. Deixámosvos varios enlaces para poder divertirvos investigando e coñecendo máis sobre el:

 

O mércores 11 de decembro o alumnado de 4º, 5º e 6º de educación primaria puideron participar no programa de educación ambiental ofertado por Sogama na biblioteca do centro que ten por lema “Corta polo san! Reduce residuos” onde recibiron consellos e recomendacións básicas para reducir a produción de lixo en orixe.

Moitas grazas a todos os membros da ONG Viraventos e á Deputación e ao concello da Coruña.

Compartimos con vós unha pequena mostra do acontecido así como dalgunhas imaxes do día  no blog da biblioteca do noso colexio.

Un chuvioso 6 de decembro de 1978, vintecinco millóns de españois foron chamados ás urnas para ratificar co seu voto o proxecto de Constitución española.
Os cidadáns participaron masivamente no referendo e dende ese ano, todos os españois e españolas, celebramos esta importante data para a nosa sociedade cada 6 de decembro.

Ese día, ás nove da mañá constituíronse os máis de corenta mil colexios electorais nun día histórico. Por primeira vez, máis de dous millóns e medio de mozos e mozas exercerían o seu dereito ao voto. Ante as urnas, os cidadáns tiñan que responder cun si, non ou abstención á pregunta "Aproba o proxecto de Constitución?".


Hoxe, un frío pero soleado 4 de decembro para conmemorar o día da constitución española, as nosas alumnas e alumnos de 3º ciclo de educación primaria participaron no seu primeiro referendo e exerceron, por primeira vez, o seu dereito a voto coa pregunta:

Queredes que os venres teñades recreo libre polas distintas zonas??

Grazas a esta iniciativa das titoras de 5º e 6º de EP, o alumnado puido vivir en primeira persoa o significado do sufraxio, referendo, vocais,  mesa electoral, escrutinio... e agardamos que den boa conta do seu dereito cando chegue o seu momento. 

Aquí compartimos unha imaxe do evento e a acta do escrutiño. Para ver máis invitámosvos a que visitedes o blog da nosa biblioteca:

Éste é o lema que levamos por bandeira no noso centro pola conmemoración do Día internacional das persoas con discapacidade.

Nas aulas de educación primaria tamén, dentro do noso proxecto de centro, os alumnos e alumnas realizaron unha investigación sobre distintos personaxes do mundo do deporte que seguro que nalgún momento tiveron que escoitar iso de "Tí non podes" e demostraron que con esforzo, traballo e constancia todos e todas podemos alcanzar os nosos soños.

Estos son os deportistas paralímpicos que investigaron e coñeceron:

Para ver con detalle a investigación, coñecer que actividades levaron a cabo o alumnado de educación infantil e as organizadas pola nosa bilioteca escolar, invitámosvos a visitar o seu blog.