Éste é o lema que levamos por bandeira no noso centro pola conmemoración do Día internacional das persoas con discapacidade. Nas aulas de educación primaria tamén, dentro do noso proxecto de centro, os alumnos e alumnas realizaron unha investigación sobre distintos personaxes do mundo do deporte que seguro que nalgún momento tiveron que escoitar iso de "Tí non podes" e demostraron que con esforzo, traballo e constancia todos e todas podemos alcanzar os nosos soños. Para ver con detalle a investigación, coñecer que actividades levaron a cabo o alumnado de educación infantil e as organizadas pola nosa bilioteca escolar, invitámosvos a visitar o seu blog. |
|||
A Federación Galega de Atletismo acaba de publicar as clasificacións da Fase Local de campo a través celebrada onte , e podemos dicir, que estamos de noraboa, xa que, trinta e catro nenos/as do noso centro conseguiron clasificarse para o Campionato Intercomarcal de campo a través escolar,que se celebrará o sábado 18 de Xaneiro do 2020 no circuito do parque dos Menhires( A Coruña).
Ás catro medallas colleitadas, e á clasificación de dez atletas de maneira individual, hai que destacar que a nivel de equipos os resultados foron moi bos, xa que, acadamos dous primeiros e dous segundos postos.
PODES CONSULTAR A RELACIÓN DE CLASIFICADOS/AS NO BLOG DE EDUCACIÓN FÍSICA DO CENTRO: " DISFRUTAMOS MOVÉNDONOS"
NORABOA A TODOS/AS!
|
|||
O noso centro foi admitido no programa PDC(Proxecto deportivo de centro)- Centros activos e saudables, englobado no Plan Proxecta.
O obxectivo deste programa é o de actuar como dinamizador e promotor de hábitos de vida activa e saudable, rentabilizando os recursos existentes no seu ámbito de influencia.
Buscamos que o 100% dos alumnos e alumnas reciban información e asesoramento de como incorporar no seu día a día, tanto no horario lectivo coma no no- lectivo, actividade física, exercicio físico ou deporte como hábito de vida saudable, así como incrementar, na súa estadía no centro, a práctica de actividade física de calidade.
O obxectivo final será entón o de loitar contra o sedentarismo, creando hábitos que perduren fóra do centro escolar e ao longo de toda a vida, dende a infancia ata a vellez.
|
|||
Un ano máis,os nosos/as atletas tiveron unha destacada participación na Fase Local de campo a través celebrada na mañá de hoxe no campo de fútbol das" Eiroas".
O noso centro estivo representado por 94 nenos/as das categorías benxamín, alevín e infantil feminino e masculino. Aínda que tódolos nen@s realizaron un gran papel, hai que destacar as medallas de ouro de Tirso Ramos e Hugo García; a de plata de Guillermo Pastoriza e a de bronce de Nicolás Lema.
A todo isto, hai que añadir a clasificación individual de moitos nenos/as e posiblemente dalgún equipo, o que fai pensar, agardando a que a Federación Galega de Atletismo publique as clasificacións definitivas; que o noso centro estará representado por un nutrido grupo de atletas na Fase Intercomarcal, que se celebrará o sábado 18 de Xaneiro do 2020 no circuito do Parque dos Menhires( A Coruña).
Noraboa a tod@s polo voso esforzo!!!
Máis inforación en: " Disfrutamos movéndonos"
|
|||
Novembro é o mes da ciencia en galego e este ano todo o alumnado do centro quixo unirse a esta iniciativa que, pensamos, foi todo un éxito.
Grandes e pequenos estivemos investigando, facendo hipóteses e realizando diversos experimentos que queremos compartir con todos vós.
Por iso, podedes visualizar vídeos dalgúns dos experimentos levados a cabo nas aulas nas últimas semanas visitando o blog da nosa biblioteca.
Deixámosvos unha fotografía da exposición dalgúns dos nosos experimentos.
|
|||
(Obsequio do Concello de Carballo para todo o alumnado do centro) Dende o CEIP Plurilingüe A Cristina mostramos o noso rexeitamento unánime contra a violencia de xénero. A continuación deixámosvos dous vídeos onde poderedes ver todas as actividades que levamos a cabo os días anteriores e o propio día 25 de novembro para, por unha parte, concienciar sobre a violencia de xénero e, por outra parte, mostrar o noso apoio ás vítimas de violencia de xénero. Invitámosvos a visitar o blog da nosa biblioteca para coñecer máis en detalle as actividades que se realizaron (portas violetas, investigacións sobre as desigualdades entre homes e mulleres nos xogos olímpicos, lecturas por parte de familias do centro na biblioteca, coreografía, lectura do manifesto do alumnado de 6º EP,...). |
|||
Un ano máis, o noso centro terá unha amplia representación na Fase Local de campo a través escolar, xa que, serán 94 atletas do noso centro,os que participarán o próximo venres 29 de novembro( sempre que as condicións metereolóxicas o permitan) nesta proba.
Esta actividade forma parte do Programa Xogade, englobado no Proxecto Deportivo do noso centro.
As probas desenvolveranse no circuito do campo de fútbol das Eiroas de Carballo.
Os horarios das probas serán os seguintes:
10.45: Infantil masculino ( 6º E.Primaria) |
|||
Onte comezou no noso centro a II liga escolar de baloncesto 3x3, que se desenvolverá ata finais do mes de Marzo nos recreos dos martes.
|
|||
Este ano, para celebrar o Samaín, continuamos investigando sobre aspectos da nosa cultura galega, nesta ocasión centrándonos na figura dos "curandeiros e curandeiras", persoas importantes na nosa comunidade dende hai moitos anos e, que aínda hoxe en día podemos escoitar falar delas. Para iso, os alumnos e alumnas do centro, foron vendo plantas que se empregaban para tratar certas enfermidades e tamén coñecendo rituais que facían para certas doenzas estas persoas.
Velaquí vos deixamos unha mostra do seu traballo e como non, dalgunha demostración como CURANDEIROS E CURANDEIRAS. Pinchade en cada unha das imaxes para poder ver os vídeos:
|
|||
Como cada ano celebramos xuntos o Samaín e Magosto. Durante esta xornada estivemos acompañados de meigas, mortos, pantasmas, esqueletos e moitos máis seres do día máis terrorífico do ano….O SAMAÍN. Todos xuntos desfrutamos un montón desgustando castañas e facendo xogos populares con castañas no patio do colexio. Pinchade no debuxo para ver o vídeo
Aquí vos deixamos unha mostra dun día cargado de emocións!!! Esperamos que vos guste!!E como non, agradecervos a tod@s a vosa colaboración na realización das “Vasoiras terroríficas” quedaron realmente xeniais!!! |
|||
Queremos lembrarvos que non vos esquezades de pasar polo blog da nosa biblioteca: O recuncho de NUNO para ver o vídeo sobre a celebración do día 30 de outubro e tamén para ver algunhas das actividades que se levaron a cabo nos días anteriores: -As lecturas compartidas -A participación de nais de alumnado do centro que nos agasallaron cun conto aterradoramente...divertido. Pinchade nas fotos para acceder ás entradas do blog. Celebración Samaín e Magosto:
As lecturas compartidas:
Contaconto aterradoramente...divertido.
|
|||
|
|||
O día 24 de outubro celébrase o Día da biblioteca escolar e por este motivo dende o Equipo da Biblioteca do colexio queren dar a coñecer a nosa. Entre todos e todas, tratamos de facer dela un lugar onde teñan cabida todas as persoas, un lugar onde aprender, relacionarse cos demais, relaxarse e, sobre todo, desfrutar dos momentos de lecer dunha forma divertida e pracenteira.
Por iso este curso, co valioso traballo e esforzo do alumnado de 5º EP e da súa titora Lucía así como coa participación do alumnado que cada día pasa o seu tempo durante o recreo e que fan que todo o noso traballo e ilusión teña un bo motivo, quixemos dar a coñecer algunhas das actividades que na nosa biblioteca se realizan, pero dunha forma moi especial, a través da lingua de signos. No seguinte vídeo poderedes ver o resultado.
Non vós esquecedes de pasar polo bolg da biblioteca: O recuncho de NUNO para ver todas as demais actividades que se levaron a cabo para celebrar o Día das Bibliotecas Escolares!!!
|
|||
Estamos xa no Outono, estación na cal esperamos con moitas ansias dúas festas moi destacadas na nosa cultura galega, como son o SAMAÍN e o MAGOSTO. Deste xeito, e como non podía ser doutra forma, dende o noso colexio, CEIP Plurilingüe A Cristina, non faltaremos á súa celebración, a cal terá lugar o mércores 30 de outubro. A continuación, e dende o EDLG deixámosvos os dípticos de ambas festividades, para achegarvos un pouco máis á nosa cultura galega. Grazas de antemán a todos e todas por participar!! Agardamos as vosas "VASOIRAS TERRORÍFICAS"!!!
|
|||
Englobada dentro das actividades da Semana Europea da Mobilidade que organiza o concello de Carballo, hoxe arrancou o bicibús, sendo o noso centro o que inaugurou a experiencia, que consiste en que os nenos e as nenas vaian ao cole en bici.
Esta actividade desenvolveuna o voluntariado do Club Ciclista Carballo a un Paso, organizando un circuito de seguridade viaria na pista polideportiva,na que participou o alumnado do noso centro ao longo de toda a mañá.
NOTICIA NA VOZ DE GALICIA- CARBALLO
|
|||
- « primeira
- ‹ anterior
- …
- 26
- 27
- 28
- 29
- 30
- 31
- 32
- 33
- 34
- …
- seguinte ›
- última »