Durante un trimestre lévanse a cabo moitas actividades dentro e fóra dunha aula: compártense momentos cos compañeiros, xestiónanse moitas emocións, apréndense novos contidos, particípase en distintas rutinas que son beneficiosas,descúbrense novas formas de comunicación, introdúcense tarefas que no día a día dan calma, disfrútase das festas, da música, do silencio... e así un montón de cousiñas que vivimos na aula 6 durante o primeiro trimestre e plasmamos neste vídeo resumo.
Nesta presentación compartimos imaxes e momentos de algunhas das tarefas nas que estivemos traballando polas tardes no primeiro trimestre o obradoiro APRENDEMOS MEDRANDO.
A comunidade educativa do CEE Miño deséxavos un BO NADAL e unhas FELICES FESTAS con este vídeo que gravamos entre todos e todas con moitísima ilusión!!!
Por aquí vos deixamos o vídeo resumo das actividades que fixemos o pasado venres, 3 de decembro para conmemorar o Día Internacional das Persoas con Discapacidade.
Por unha banda Perico apareceu no auditorio para recordarnos que se conmemoraba nesa data e tamén para pedirlle a cada alumna e alumno a súa credencial e poñerlle o selo correspondente.