Esta estrutura permitiu reorganizar o traballo dos departamentos de orientación dos institutos e optimizar o seu funcionamento, co que se pode prestar unha maior atención ás diferentes necesidades de cada etapa educativa dende un departamento máis próximo.

Deste xeito pódese asegurar que todos os compoñentes da comunidade escolar teñan acceso aos recursos de orientación educativa e profesional e, polo tanto, poidan realizar unha escolarización sen exclusións, que garanta a igualdade efectiva de oportunidades e preste os apoios necesarios, tanto ao alumnado que o requira como aos centros en que estea escolarizado.

Polo conseguinte, debemos recalcar a enorme importancia que ten a coordinación entre os distintos niveis educativos, de tal xeito que será función prioritaria dos membros da comunidade educativa en xeral e das xefaturas dos departamentos de orientación en particular establecer bases sólidas que permitan a colaboración e as accións coordinadas para que o paso do alumnado polos diferentes niveis e etapas sexa o máis coherente posible. A coordinación dos departamentos deberá ser o garante da continuidade deste principio de orientación única.

Entre os seus cometidos está o de intentar dar resposta ás necesidades de intervención ligadas a aspectos psicopedagóxicos e a cuestións socio-familiares que teñen incidencia no centro e polo tanto na organización da resposta que dende o centro se dea á diversidade do alumnado.

Foron creados polo Decreto 120/1998, do 23 de abril, polo que se regula a orientación educativa e profesional na Comunidade Autónoma de Galicia, e establecéndose a súa organización e funcionamento na Orde do 24 de xullo de 1998.

No Decreto 120/1998, do 23 de abril, polo que se regula a orientación educativa e profesional na Comunidade Autónoma de Galicia, créanse tamén os Equipos de Orientación Específicos (EOE) e na Orde do 24 de xullo de 1998, establécese a súa organización e funcionamento.

Tendo en conta a importancia da colaboración entre os diferentes organismos, institucións e servizos implicados na atención á diversidade do alumnado, intentarase a colaboración entre as distintas administracións, entidades, asociacións e outras organizacións con atribucións na prevención, detección temperá e intervención educativa co alumnado, e estableceranse protocolos comúns de actuación, favorecéndose deste xeito o intercambio de información e a difusión de boas prácticas.

Ademais, as nais, pais ou titores legais do alumnado deben compartir o esforzo educativo, participando e colaborando, nos termos legalmente establecidos, nas decisións que afecten á escolarización e aos procesos educativos do alumnado e ao seu desenvolvemento integral (mellora da autonomía, esforzo, autoestima, participación e convivencia, proceso de avaliación inicial do alumnado,posibles avaliacións psicopedagóxicas...).

Aquí as persoas poderán atopar información e recursos actualizados para unha toma de decisións responsable que facilite a súa inserción profesional.

Para posibilitar este obxectivo precísase un traballo colaborativo entre os profesionais da orientación dos distintos subsistemas, así como o establecemento dunha rede integrada dos servizos de información e orientación, coa finalidade de que os usuarios dispoñan de información e asesoramento unificado, global e accesible en materia de formación, información e cualificación profesional.