Publicación das listaxes provisionais de solicitudes de admisión en Formación Profesional

Hoxe, venres 8 de xullo de 2022, publícanse na páxina web de FP da Xunta de Galicia as listaxes provisionais de solicitantes de admisión a ciclos formativos de formación profesional en réxime ordinario e no réxime para as persoas adultas en modalidade presencial e en modalidade a distancia:

• Listaxe provisional de solicitantes de ciclos formativos de grao medio por centro elixido en primeira opción (réxime ordinario)
• Listaxe provisional de solicitantes de ciclos formativos de grao superior por centro elixido en primeira opción (réxime ordinario)

Nos arquivos adxuntos poden consultar as listaxes das solicitudes que elixiron o IES Xermán Ancochea como primeira opción.

O prazo de reclamación contra estas listaxes abrangue desde as 9:00 horas do venres 8 de xullo ata as 13:00 horas do martes 12 de xullo de 2022.

A reclamación deberase realizar empregando o asistente informático que pode atopar en Servizos en liña.

As listaxes garanten a confidencialidade dos datos persoais por iso cada persoa está identificada cun código persoal de consulta (CPC). O CPC é un código alfanumérico único para cada persoa que participa no proceso de admisión de FP. Para consultar a situación persoal nas listaxes poderase obter o CPC da aplicación informática ciclosadmisión ou directamente nesta ligazón. 

- Nota: No tercer arquivo adxunto poden consultar as instrucións para obter o CPC. Necesitaran o código da solicitude (número que figura na parte superior xunto ó código de barras) e o número do seu documento de identidade.

- Nota: As listaxes de solicitudes do proceso de admisión a ciclos formativos pola cota reservada para persoas con discapacidade, legalmente recoñecida, están dispoñibles para a consulta nas secretarías dos centros de inscrición.