O vindeiro xoves 20/4/23, realizarase a 2ª saída do Proxecto Lagares, desta volta co grupo de 1º ESO. Nesta nova saída, o alumnado estará acompañado polo profesor e divulgador Xosé Couñago, que guiará a ruta coas súas explicacións. Entre as actividades que realizarán están un xogo de descuberta, un herbario ou unha pequena limpeza da zona do río...

Hai vida no Lagares!!  #proxectolagares #edlgmella #proxectoríos

E mañá martes 18 de abril, chega o Club de Lectura de "As Ramonas", un dos libros de lectura dos clubs de igualdade e adultxs durante os meses de marzo e abril, no que contaremos coa presenza da súa autora, Ana Cabaleiro. Adiante coa lectura no IES Ricardo Mella!! #clubdelecturadomella #edlgmella

Velaí a representación do Club Manga do IES Ricardo Mella que participou na Xuntanza Manga 2023, celebrada no IES Valadares o pasado venres 14/4/23... Na xornada, o alumnado manga puido gozar de diferentes xogos, como cosplay, consola, quizziz, pictionary ou jugger... e nos que o Club Manga do Mella gañou dúas modalidades, o quizziz e mais o jugger...

Que ben o pasaron! Parabéns á organización! #xuntanzamanga #edlgmella

Mañá venres 14 de abril terá lugar a Xuntanza Manga Escolar 2023 no IES Valadares de Vigo, que contará coa presenza do Club Manga do IES Ricardo Mella. O evento, organizado este ano polo alumnado e profesorado do IES Valadares, durará toda a xornada e disporá de diferentes actividades para a rapazada anotada. Entre as actividades que poderán gozar nesta xuntanza están un obradoiro de Origami, un faladoiro manga, xogos de pictionary e quizzizz, un concurso de debuxo ou un torneo de consolas.