Nunha actividade organizada polos departamentos de Lingua Galega e Dinamización Lingüística, o pasado venres 16 de decembro, o alumnado dos grupos de 1º BACH H e de 2º BACH H realizou unha saída ata Compostela para visitar as dependencias do Museo do Pobo Galego e o Panteón de Galegos Ilustres. No Museo puideron gozar coas diferentes salas dedicadas aos oficios tradicionais, á nosa música, ás nosas construcións... pero tamén con outros detalles, coma a escaleira helicoidal ou as recreacións auténticas de embarcacións galegas (como unha dorna). Por outra parte, puideron visitar o Mosteiro de Bonaval, no que coñeceron os sepulcros de Rosalía de Castro, Castelao, Alfredo Brañas ou Ramón Cabanillas. Ademais, á volta cara a Vigo, paramos na Casa de Rosalía de Castro (Padrón), onde tivemos a sorte de coñecer o presidente da Fundación, o mestre Anxo Angueira. En definitiva, unha xornada de coñecemento e de diversión ao mesmo tempo, acompañadxs tamén dun tempo marabilloso. 

Unha vez rematados os primeiros clubs do ano, chega a segunda quenda!! Desta volta, a propostas son as seguintes:

Club de Adult@s: Morning Star, de Xosé Miranda

Club de Lecturas en Igualdade: Corredora, de María Reimóndez

Club Xuvenil: A era de Lázaro, de Paula Carballeira

Club Manga: Tam, de Anémona de Río

E ti, xa es do Club?!