Eventos
Entre temporais e choiva celebrouse o Entroido un ano máis no polideportivo.
Este ano, todos os niveis tiveron representación nas diferentes comparsas.
Grazas á participación do alumnado, a un equipo de son e uns presentadores sen parangón puidose disfrutar dunhas horas de festival carnavaleiro...
Despois dunha difícil deliberación do xurado, saíron os gañadores do Entroido 2024...
1º Premio da 1ªCategoría (1º a 3º de ESO) foi para o grupo: BISTIPOI ON FIRE
2º Premio da 1ªCategoría (1º a 3º de ESO) foi para o grupo: DIVINAMENTE DIVINAS
1º Premio da 2ªCategoría (4º de ESO / BACHARELATO / CICLO) foi para o grupo: O CIRCO DO SON
2º Premio da 2ªCategoría (4º de ESO / BACHARELATO / CICLO) foi para o grupo: OS TROLLS
O festival rematou coa actuación do grupo de profes mais marchosos do Instituto, que nos trasladaron por un momento aos anos oitenta...
Para ver máis fotos, pulsar AQUÍ
Sáida de 40km en bicicleta de montaña pola contorna da comarca do barbanza, o alumnado do ciclo sigue formándose para o guiado de actividades en montaña
O alumnado do ciclo ven de facer o segundo barranco para a súa formación no ciclo
Durante a mañá do mércores 21 de febreiro algúns alumnos de 2º, 3º e 4º de ESO participaron na primeira proba do circuíto de deporte escolar na modalidade de Orientación clasificatoria para a fase provincial no campo de fútbol de San Lázaro en Noia.
Para ver fotos dos clasificados, pulsar AQUÍ
Durante a mañá do mércores 21 de febreiro algúns alumnos de 2º, 3º e 4º de ESO participaron na primeira proba do circuíto de deporte escolar na modalidade de Orientación clasificatoria para a fase provincial no campo de fútbol de San Lázaro en Noia.
No IES Porto do Son celebramos o DÍA DE ROSALÍA, a conmemoración do 187 aniversario do seu nacemento, o 23 DE FEBREIRO de 1837. Levamos a cabo moitas actividades para poñer en valor a gran figura das nosas letras, referente indispensable da nosa cultura. Realizamos varias exposicións, recreacións de poemas de Rosalía do alumnado de 3ª da ESO, mostra de obras da autora e de poetas que seguen o ronsel rosaliano etc. Durante os dous recreos, na entrada do centro e na biblioteca, puidemos escoitar a varios artistas que musican a Rosalía. Ademais, fixemos chegar a autora a todas as aulas a través de actividades e dispuxemos dunha sección de poemas para levar, facendo deste xeito que Rosalía acompañe o noso alumando alén do noso centro.
Máis fotos AQUÍ
Durante a mañá do martes 27 de febreiro tivo lugar a Segunda fase na competición escolar de campo a través. A ela só accederon os alumnos e alumnas clasificadas na fase zonal. No caso do noso IES, foron 5 (2 nenos, de 1º e 2º da ESO e 3 nenas de 2º da ESO). A proba desputouse no circuito de San Lázaro, en Noia.
Parabéns ás rapazas de 2º de ESO que conseguiron quedar no 3º posto por equipos e a Carmen Paz que conseguiu o 1º posto en individual!
Máis fotos AQUÍ
Segunda fase na competición escolar de campo a través en Noia.
O alumnado do ciclo ven de realizar o módulo invernal da súa formación en cabeza de Manzaneda.
|
|
O alumnado do ciclo ven de realizar o módulo invernal da súa formación en cabeza de Manzaneda.
|
|
O mércores 28 de febreiro, o alumnado de 4º de ESO e 1º de Bacharelato, fixo unha saída a Lugo para asistir á función da obra de teatro MEDEA, dentro do festival de teatro grecolatino na sua vigésimoterceira edición, creado pola Sociedade de estudos clásicos.
Aproveitaron tamén para visitar a cidade de Lugo e para facer unha parada no Templo romano de Santa Eulalia de Bóveda.
Máis fotos AQUÍ
O alumnado de 4º de ESO e 1º de Bacharelato, fixeron unha saída a Lugo para asistir á función da obra de teatro MEDEA, visitar a cidade e o Templo romano de Santa Eulalia de Bóveda.
O alumnado do ciclo ven de realizar o módulo invernal da súa formación en cabeza de Manzaneda.
|
|
Este venres tivemos a visita de membros de Galbiotec, asociación de biotecnólogos de Galiza que na súa labor de promover a figura dos biotecnólogos e coa ansia de promover carreiras científicas impartiron unha charla ao alumnado de 4ºESO da materia de Bioloxía e Xeoloxía sobre biotecnoloxía, as súas aplicacións e retos futuros. Para finalizar ensináronlle ao alumnado como facer preparacións para a observación de diferentes fases do ciclo celular e observáronnas ao microscopio.
Pódese consultar e descargar a información sobre as probas de acceso ao grao de Ciencias da Actividade Física e do Deporte na Universidade da Coruña pulsando AQUÍ
Ligazón vídeo explicativo das probas: https://youtu.be/TZpvejgA3dU
ACTIVIDADE SUSPENDIDA POLO CAUDAL DO RÍO.
APRAZAMOS PARA ABRIL OU MAIO
No IES Porto do Son celebrouse o 8 de marzo, o Día Internacional da Muller Traballadora, un día para recordar o papel e a dignidade das mulleres no proceso de conciencia do seu valor humano dentro da sociedade. Ademais no noso centro celebrouse o 11 de febreiro o Día Internacional da Muller e a Nena na Ciencia. Realizamos varias exposicións para poñer en valor o papel chave que desempeñan as mulleres na comunidade científica e tecnolóxica; para recoñecer ás pioneiras, tanto galegas coma internacionais, referentes indispensables na historia para acadar a igualdade e o recoñecemento dos dereitos das mulleres.
O alumnado dispón dunha ampla colección de literatura da biblioteca con obras que nos permiten achegarnos ás grandes figuras femininas, a cambiar o mundo, a facer historia e a desfrutar da lectura!!
Máis fotos AQUÍ
36 horas intensas de xeoloxía e moito máis!. O alumnado de Xeoloxía e ciencias ambientais e Bioloxía de 2º de bacharelato tivo esta fin de semana unha saída ao norte de Lugo. Empezaron o venres 8 na praia de Augasantas (As Catedrais) no concello de Ribadeo, aínda que debido ao estado do mar non se puido ver en toda a súa extensión, serviu para entrar en contacto cos materiais xeolóxicos (cuarcitas e lousas) que non abundan pola nosa comarca. A continuación foron a Mondoñedo onde visitaron a casa- museo de Álvaro Cunqueiro, situada na praza da Catedral. Logo foron coñecer o cemiterio vello da cidade onde se atopan as tumbas de Álvaro Cunqueiro, o poeta Leiras Pulpeiro e unha homenaxe ao autor da alborada do Himno galego Pascual Veiga. Pola tarde o percorrido pola cova do Rei Cintolo, a cova kárstica máis longa de Galiza, foi unha experiencia única.
Ao día seguinte foron a Pontenova, para facer unha visita á mina Consuelo e aos fornos de Vilaoudriz. Alí contáronlles unha parte importante da historia da industria metalúrxica de principios do século XX: nestas minas extraíase e transformábase ferro para exportar a puntos do norte de Europa, sobre todo Alemaña.
Xa de volta, de camiño ao Son pararon no Pedregal de Irimia, onde nace o río Miño; no museo e Castro de Viladonga e nas Penas de Rodas, xa graníticas.
A saída serviu ademais para afianzar as relacións entre o grupo e coller forzas para encarar o 3º trimestre!!!
Máis fotos AQUÍ