Premios 2021-2022

Chegaron os premios para as Portas de Nadal!

Mar, 21/12/2021 - 02:29 — miruca

Por fin coñecemos quen gañou os premios Portas de Nadal da edición 2021!

1º premio para 1º ESO A, polo volume da árbore, polos desexos compartidos en cada bóla e polos agasallos en tres dimensións.

2º premio para 4º ESO A, pola súa orixinalidade, pola concordancia entre as dúas portas da aula e pola súa singular caixa de correo.

3º premio para 1º BAC A, pola limpeza da súa obra, polo emprego de distintas texturas e polo coidado nos detalles dos diferentes elementos decorativos.

Para o xurado resultou moi difícil escoller as portas gañadoras, polo que resolveu conceder dous accésits:

A 2º ESO PMAR, pola realización dun gran traballo, aínda sendo o grupo menos numeroso, e polo emprego de elementos decorativos de orixe natural.

A 2º FPBásica de Fabricación e Montaxe, por utilizar a reciclaxe para a decoración da súa porta e polo esforzo realizado para serrar os compoñentes que empregaron.

Moitos parabéns!!

Podedes ver as portas participantes nesta edición AQUÍ.

184 lecturas

Entrega de premios Certame Postal de Nadal

Sáb, 18/12/2021 - 19:59 — karina

Esta mañá Miruca Parga, Vicedirectora, e Ruth Adrio, xefa do departamento de Educación Plástica e Visual, entregaron os diplomas e premios aos gañadores do certame especial Postal de Nadal.

Alexandre García Pousa de 3º ESO A acadou o 1° premio polo seu detallismo e limpeza escapando da imaxe clásica de Nadal. O seu debuxo representará a postal institucional do centro.
Shiva Eliska Alinda Nurhakim de 3º ESO B obtivo o 2° premio polo minucioso traballo do fondo e a transformación dunha estampa de Nadal clásica en anime.
Uxía Oroza Combarro de 1º ESO B recibiu o 3° premio pola súa atrevida composición, con collage e diferentes técnicas, rescatando a figura tradicional do apalpador.

Parabéns a estes 3 grandes debuxantes que ten o Perdouro!!

145 lecturas

Fallo concurso de debuxo Especial Postal de Nadal 2021

Xov, 16/12/2021 - 22:53 — karina

Reunido o xurado, danse a coñecer os gañadores do certame de debuxo especial Postal de Nadal.

O venres día 17 farase entrega dos diplomas e premios na bilioteca por parte do Departamento de Educación Plástica e Visual e Vicedirección.

Alexandre García Pousa de 3º ESO A acadou o 1° premio polo seu detallismo e limpeza escapando da imaxe clásica de Nadal.
Shiva Eliska Alinda Nurhakim de 3º ESO B obtivo o 2° premio polo minucioso traballo do fondo e a transformación dunha estampa de Nadal clásica en anime.
Uxía Oroza Combarro de 1º ESO B recibiu o 3° premio pola súa atrevida composición, con collage e diferentes técnicas, rescatando a figura tradicional do apalpador.