Skip to Content

Poesía

Día Mundial da Poesía 2023: videopoemas de 1º de Bacharelato de Literatura Universal

Xov, 23/03/2023 - 08:55 — miruca

Para conmemorar o Día Mundial da Poesía o alumnado do 1º de Bacharelato de Literatura Universal elaborou videopoemas a partir de composicións de autores tan relevantes como Novalis ou Lord Byron. 

Veredes que a poesía traspasa épocas e fronteiras e que é o alimento da parte espiritual que temos todos. 

 

 

  • 80 lecturas

Rosalía na lingua de Molière

Mar, 21/03/2023 - 23:44 — karina

Para conmemorar o día de Rosalía de Castro, o alumnado de Francés de 1º de Bac fixo un traballo de tradución do poema "Dicen que no hablan las plantas, ni las fuentes, ni los pájaros" e adaptouno ao francés. Logo fixeron esta pequena montaxe para celebrar hoxe o día da poesía. 

  • 56 lecturas

Día da Poesía 2023: Adiviña os títulos de poemarios da literatura universal

Mar, 21/03/2023 - 03:45 — miruca

Para celebrar o Dia da Poesía, o alumnado de Literatura Universal ideou estes dous libriños nos que nos retan a adiviñar os títulos de poemarios famosos descifrando o significado de emoticonas.  

A ver cantos sodes capaces de recoñecer...

Os primeiros son máis doados: 

 

Estes son máis difíciles: 

 

  • 72 lecturas

Día da Poesía 2023: videopoemas de Noriega Varela e Cabanillas

Mar, 21/03/2023 - 03:44 — miruca

Con motivo da celebración do Día da Poesía o alumnado de 2º de Bacharelato que cursa a materia de Literatura galega do século XX e XXI preparou algúns videopoemas de dous dos autores que inauguran o século XX: Antonio Noriega Varela e Ramón Cabanillas. 

Escoitar ou ler poesía fai que experimentemos emocións por tratarse dun xénero literario no que fundamentalmente se expresan sentimentos. Convidámosvos a ver e escoitar cada un destes videopoemas e deixar que afloren as vosas emocións. 

  • 63 lecturas

Obradoiro de poesía con Carlos Negro

Lun, 14/11/2022 - 20:08 — karina
Temos programado un obradoiro de poesía con Carlos Negro que terá lugar na biblioteca no centro o vindeiro mércores, día 16 de novembro. A actividade que vai destinada ao alumnado de 3º ESO estimulará a escritura creativa. O poeta falaralles dos roles, dos estereotipos de xénero, de igualdade e das "novas" masculinidades. 
 
Se queres coñecer parte da súa obra, podes atopar os seguintes exemplares na biblioteca.

Poesía:
- Makinaria (2009). Xerais.
- Penúltimas tendencias (2014). Xerais.
- Masculino singular (2016) Xerais.
- Aplicación instantánea (2018), Xerais.

Narrativa:
- Non cantan paxaros neste bosque (2021). Xerais.

  • 64 lecturas

Obradoiro de poesía con Carlos Negro

Xov, 28/03/2019 - 17:13 — karina
Obradoiro de poesía a cargo de Carlos Negro : Luns 1 de abril ás 10h15 na biblioteca.
 
 
  • 738 lecturas

Poesía en acrósticos

Ven, 22/03/2019 - 01:49 — karina

Mural de poesía en acrósticos para celebrar a primavera. Un traballo do alumnado de 1º de ESO en lingua castelá. Aquí

  • 685 lecturas

Día da poesía

Mar, 21/03/2017 - 23:33 — karina

Feliz día da poesía!


Traballo feito polo alumnado de francés 2º de Bach.

  • 171 lecturas

Actuación de AldaoLado en Burela

Xov, 12/05/2016 - 13:11 — karina
O pasado 11 de maio, os alumnos de 4º ESO e 1º de bacharelato do IES Perdouro xuntos a outros alumnos do IES Monte Castelo acudiron ao auditorio de Burela para asistir a actuación de AldaoLado. As poetisas María Lado (Cee, 1979) e Lucía Aldao (A Coruña, 1982), coa súa guitarra, presentaron un recital poético nun formato fora do habitual. Combinaron o recitado de poemas propios con  música en directo e divertidas historias relacionadas coa súa actividade de poetas ou coa vida mesma. Ademais fixeron unha adaptación dunha canción de Rocío Jurado, en galego, "Porque yo te amo" para repasar a colocación dos pronomes. Antes de rematar, compuxeron un poema colectivo a partir de versos de diferentes poetas galegos. Repartiron os fragmentos entre o alumnado que recitou de xeito aleatorio para facer un poema dadaísta.  Un espectáculo de poesía, música e humor moi divertido!!!
 
Se queres repasar a colocación dos pronomes segundo AldaoLado non deixes de ir ao blog de Perdourando
 
  • 232 lecturas

Recital Día de Rosalía na Casa Museo de Manuel María

Dom, 28/02/2016 - 22:22 — karina

O EDLG participou o sábado 27 de febreiro no recital poético "Rosalía sempre viva" convocado pola Casa-Museo Manuel María en Outeiro de Rei, con dous alumnos de 1º de Bacharelato, Enya Riveira e Andrés Andrade.

Participaron nesta fase final un total de 133 estudantes de toda Galiza, en 4 categorías, de Infantil a Bacharelato, que recitaron poemas de Rosalía e Manuel María, o escritor ao que este ano se dedican as Letras Galegas.

Na lingua que eu falo

  • 243 lecturas

21 DE MARZO, DÍA DA POESÍA

Dom, 21/03/2010 - 21:38 — karina

Celebrando o día da Poesía

 

Dende o ano 2001, a UNESCO decretou o 21 de marzo como Día Mundial da Poesía, co obxetivo de soster a diversidade dos idiomas a través da expresión poética e para preservar este xénero literario, fortalecendo o diálogo entre a poesía e outras formas de arte, como a música, a pintura e o teatro.

Irina Bokova, Directora Xeral da UNESCO, na súa mensaxe para o Día Mundial da Poesía 2010, dicho: «A diversidade poética bríndanos outra maneira de dialogar. Permítenos descubrir que todos e cada un de nós, en calquer punto da Terra, compartimos os mesmos interrogantes e sentimentos. É unha faceta da nosa libertade, é a nosa humanidade. Mediante ao acceso á poética do mundo enteiro os rapaces poden dispor dun vector máis, diferente, sutil e fluido para mellorar o seu coñecemento e comprensión do outro».

Para ler a súa declaración prema aqui.

 

 

 

  • 172 lecturas
Distribuir contido


by Dr. Radut