Skip to Content

STEM

Física Re-Creativa

Sáb, 23/03/2019 - 00:39 — karina
O pasado mércores 20 de febreiro recibimos no instituto a visita de Benito Vázquez Dorrío, profesor de física na Escola de Enxeñaría de Minas e Enerxía da Universidade de Vigo.

Anteriormente amosara as súas experiencias aos alumnos de 4º da ESO e debido ao seu éxito, solicitouse que dera unha charla ao alumnado de bacharelato, cunha finalidade educativa e motivadora para os futuros universitarios e universitarias.

Realidade Virtual na aula

Mér, 20/03/2019 - 14:38 — karina
Os alumnos e alumnas do IES Perdouro puidemos participar nunha serie de retos matemáticos, científicos, tecnolóxicos e de enxeñaría grazas á plataforma de realidade virtual que nos proporcionou a Fundación 3M. e que ten como finalidade acercar o coñecemento dunha forma divertida. 

A ciencia como profesión

Xov, 14/03/2019 - 10:56 — karina
O alumnado de 2º BAC de TIC levou a cabo un traballo en relación co papel da muller na ciencia.
No noso centro realizaron a enquisa para este traballo un total de 168 homes e 192 mulleres, entre os alumnos e alumnas de 3º e 4º ESO e 1º e 2º BAC. Comparamos estes datos cos achegados pola enquisa do Campus Terra de Lugo, feita a científicos e científicas.

Viaxe a Coruña

Lun, 11/03/2019 - 23:07 — karina
O pasado 8 de xaneiro fomos á Coruña co Departamento de Tecnoloxía e co de Educación Física.
Tiñamos que estar no instituto ás 08:30h, como todos os días,  para coller o autobús cara á Coruña. Subimos e en dúas horas chegamos, máis ou menos.

Fomos ao MUNCYT (Museo Nacional de Ciencia y Tecnología) que é unha institución centrada na divulgación científica e tecnolóxica. Había todo tipo de aparellos e salas, dende un simple taller para facer mecanismos eléctricos ata unha cabina dun avión. Tamén había dous robots que falaban e facían bromas sobre nós e ata se movían sós. Estaban moi ben feitos.

... seguir lendo a crónica de Nicolás Sixto Guisasola no blogue de Perdourando.
  • 1256 lecturas

Preparando a X Olimpíada de Xeoloxía

Dom, 10/03/2019 - 23:14 — karina
Para a preparación da X Olimpíada de Xeoloxía celebrada o 13 de febreiro na cidade de Viveiro, tivemos que aprender a usar o compás. Era necesario levar un para as probas da olimpíada e, por ese motivo fomos o mércores 30 de xaneiro, o mércores 6  e o xoves 7 de febreiro á praia Perdouro. Na área xeolóxica da praia aprendimos a situarnos nos mapas utilizando as curvas de nivel, a  medir o buzamento (inclinación) e a orientación dos estratos co compás..... seguir endo a crónica de Aarón Artime de 2º de Bacharelato no blogue  de Perdourando.
  • 791 lecturas

O nadal xa chegou ao IES Perdouro!

Mér, 19/12/2018 - 23:37 — karina
Esta bonita época do ano, que tanto esperan os máis pequerrechos da casa como os máis maiores está a volta da esquina. Como non podía ser de outra maneira, os alumnos e alumnas do IES Perdouro puxémonos mans á obra. Dende varios departamentos xurdiron diferentes ideas e houbo varias aportacións. Decoramos o noso instituto polos nosos corredores, ventás, portas...
Na nosa entrada, atópase a nosa grande árbore de Nadal, mostra do traballo en equipo ... Seguir lendo a crónica de Alejandra Alonso Fernández de 4º ESO no blogue de Perdourando.
  • 1168 lecturas

Aula aberta á tecnociencia

Xov, 13/12/2018 - 21:52 — karina
O venres 30 de novembro o alumnado de 4º ESO viaxou ata Vigo; máis concretamente, fomos ata a súa Universidade.

Ás oito da mañá xa estabamos todos listos para emprender a viaxe. Chegamos arredor das 11:30 e recibíronnos cun agasallo na Escola de Enxeñaría de Minas e Enerxía, onde se poden cursar diferentes graos e másters relacionados con esta enxeñaría. Despois de darnos o agasallo, o profesor, co cal teriamos a primeira charla, levounos ata un laboratorio desta parte da Universidade. ....

Viaxe a Asturias - 3º ESO

Xov, 13/12/2018 - 21:29 — karina
Os alumnos de 3º da ESO do IES Perdouro fixemos o día 21 de novembro unha viaxe a Asturias para ver pola mañá a Central Leiteira Asturiana e pola tarde visitar o Museo da Minaría en Avilés.
 
Sobre as 10:00 horas chegamos a Granda, onde se atopa a Central Leiteira. Alí, uns guías recibíronnos para ensinarnos a fábrica. Entramos nunha sala onde nos puxeron unha bata e un gorro e guiáronnos pola factoría; o primeiro que nos ensinaron foi a descarga do leite (2.000.000 litros) procedente das granxas. Este leite pasa despois a uns tanques de hixenización e esterilización, alí extráese a manteiga e o resto pasa á uperización, para envasar o leite en distintos envases e saír pola parte de atrás da fábrica con destino aos comercios españois.

Viaxe á Coruña

Xov, 13/12/2018 - 21:06 — karina
Saímos de Burela ás 9:10 e, despois dun longo traxecto, chegamos ás 11:20 á nosa primeira parada: o Acuario Finisterre.
 
Xa alí, recibiunos unha agradable monitora que nos dirixiu a unha das salas máis populares do acuario: a sala Maremagnum; o primeiro que fixemos alí foi escoitar unha explicación sobre os distintos tipos de peixes (peixes óseos, cartilaxinosos…) e os distintos tipos de peles (sen escamas e con escamas, destes dous tipos ofrecéronnos unha mostra para sentir o seu tacto rugoso). Tamén nos explicaron os diferentes tipos de respiración nos peixes, as súas formas de reprodución e as formas dos ovos dos tiburóns, dos cales nos proporcionaron moita información. ....

Visita a cafés Candelas e Quescrem

Xov, 13/12/2018 - 20:13 — karina
O día 14 de novembro os alumnos/as de 4º da ESO de Tecnoloxía e Física achegámonos a Lugo para visitar a fábrica de Cafés Candelas e unha das factorías de Quescrem.

Chegamos a Cafés Candelas sobre as 11:00h, entramos por unha porta anexa e dirixímonos, con batas e gorros, á zona de almacenaxe dos grans, onde nos contaron que eran o produtor número 1 de café en España e que comezaban a exportar a Europa e Norteamérica. ...

Planetario móbil

Xov, 13/12/2018 - 19:54 — karina
O día 30 de outubro, os alumnos/as de 4º ESO acudimos a unha actividade realizada a quinta hora da mañá. Esta actividade consistiu en visitar un planetario móbil, que nos trouxo Íñigo De La Quadra Salcedo, un dos fillos de Miguel de la Quadra Salcedo.

Mes da ciencia en galego - Obradoiro

Lun, 12/11/2018 - 21:00 — karina
Con motivo do mes da ciencia en galego, o EDLG contou coa axuda dun equipo interdisciplinar de profesoras  (Física, Bioloxía e Ciencias Sociais). O proxecto deste ano ía destinado ao alumnado de 2º de ESO, 3º PMAR e 4º de ESO Aplicadas e consistiría nun obradoiro de resolución de fenómenos relacionados coa flotabilidade. A finalidade desta actividade que se desenvolveu no laboratorio de Bioloxía é fomentar nas rapazas e rapaces o desenrolo de habilidades cognitivas, pensamento crítico, concentración, aprendizaxe continuo e creatividade.
 
En resumiadas contas, pasáronno moi moi ben!  E moitos parabéns a Maribel pola introdución histórica a Arquímedes, e a Ana e Virginia polas dinámicas dos experimentos. Grazas.
 
Accede ao noso albúm de fotografías aquí.
  • 1058 lecturas

Mes da ciencia en Galego

Xov, 08/11/2018 - 21:20 — karina
 
O alumnado de 2º de ESO, 3º PMAR e 4º de ESO Aplicadas será o que teña que resolver unhas cuantas enigmas. Para iso temos preparados uns experimentos no laboratorio para intentar comprender o concepto de flotabilidade.
Deixámosvos unha pista: Arquímides.
  • 1338 lecturas

Visita á unha granxa de corais

Xov, 08/11/2018 - 20:14 — karina
O pasado luns 5 de novembro, os alumnos e alumnas de 1º de ESO, xunto con algúns mestres, fomos de excursión a Viveiro dentro da campaña de educación ambiental MARES DE CULTURA OS NENOS E O MAR, promovida polo Grupo de Acción Local do Sector Pesqueiro (GALP) A Mariña-Ortegal.
 
A primeira parada foi no barrio de Magazos, onde o grupo de alumnos foi acollido nunha casa indiana para descubrir no seu vestíbulo un magnífico acuario de arrecife asi como unha granxa de cultivo de corais ubicada nun bungalow. Reef Water é o nome desta empresa pioneira dedicada ao cultivo, á reprodución e a distribución destes delicados animais mariños. Aí soubemos máis da acuarofilia mariña. 
 
Eramos moitos, así que nos dividimos en dous grupos. O primeiro grupo foi ver un acuario moi grande xunto cunha guía chamada Vanesa Rodríguez. Explicounos diversas aspectos sobre os corais e os peixes que habitaban nese ecosistema. Cando acabou a explicación fomos con outra guía, Ana, ver outros 20 acuarios máis. Tamén nos contou curiosidades diferentes que para todos nós eran descoñecidas. Logo, deunos un tempo para observar de preto todos os seres vivos que habitaban cos corais en cada acuario, entre eles: estrelas de mar, peixes paiaso, cogombros de mar.

Prácticas de laboratorio

Ven, 05/10/2018 - 17:52 — karina
Medindo a densidade das rochas! 
 

Comezamos o curso e retomamos as prácticas no laboratorio cos alumnos e alumnas de Bioloxía e Xeoloxía de primeiro de bacharelato. O pasado xoves estivemos medindo a densidade das principais rochas da codia, (basaltos granitos e calcarias), e do manto (peridotita e ecloxita). Coa axuda das balanzas electrónicas obtivemos as súas masas e coas pipetas o volume de auga que desaloxan, polo tanto, o seu volume. Grazas a estas medidas calculamos as diferentes densidades das rochas e indirectamente as densidades da codia e do resto das capas da Terra.
 
Ver o albúm de fotos aquí.
  • 971 lecturas
Distribuir contido


by Dr. Radut