PARTICIPACIÓN NO XXVIII DÍA DA CIENCIA NA RÚA

Un grupo de alumnado e profesorado do IES Miraflores participou o pasado sábado, 4 de maio, no vixésimo oitavo Día da Ciencia na Rúa, celebrado no parque de Santa Margarida. Os departamentos de Física e Química e Matemáticas presentaron os seus traballos e o alumnado foi o encargado de explicar aos visitantes en que consistían.

Aqueles e aquelas que visitaron a nosa haima puideron construír dende poliedros a tensegridades, así como montar mosaicos ou comprender como funciona unha porta lóxica. Tamén se fixeron esferificacións e ata un volcán de escuma.

Agradecemos a todo o alumnado que nos acompañou esa mañá e agardamos volver para a próxima edición.