Achegamos información do XIX Concurso de Relato Oral "TÍRALLE DA LINGUA" , coñecido por todo o profesorado dado o seu longo percorrido. Este curso presenta modificacións importantes en canto á celebración da súa fase final, non poderá ser presencial dada a situación derivada da pandemia que estamos a sufrir e que fixo mudar moito as cousas.
Aínda así, parécenos importante seguir adiante con un proxecto que tenta incentivar e normalizar o uso oral da nosa lingua, rachar con prexuizos e converter o galego en instrumento de comunicación normal.
A data de inscrición é antes do 19 de novembro, como figura nas bases. Realizada a fase de selección previa nos centros, as historias que van á fase final serán gravadas e enviadas á AS-PG en formato mp4, até o día 20 de novembro ás 14:00h. Todas as historias da fase final serán aloxadas nunha canle da web da AS-PG para poderen ser visualizadas polos centros participantes. No seu momento enviaremos o enlace.
O día 30 de novembro realizarase a fase final de xeito non presencial, e daranse a coñecer as historias gañadoras e os centros.
O concurso vai destinado a tres niveis académicos.
1) Primaria.
2) 1º Ciclo de ESO.
3) 4ºESO e ensino postobrigatorio.
Os dez primeiros centros que comuniquen o seu compromiso de ir a fase final, poden solicitar unha sesión con profesionais que traballan no ámbito da oralidade: contacontos, xente do teatro e da comunicación.
Calqueira dúbida ou aclaración, podedes chamar ao teléfono da AS-PG (981 278 259) ou a través deste mesmo correo electrónico.
Por favor consultade ben as bases para ter en conta as características do certame.
Animádevos a participar...