O pasado venres 11 de febreiro celebramos no Mendiño o Día Internacional da Muller e da Nena na Ciencia.
O alumnado de 4º ESO A e 4º ESO B asistiu a un encontro con Isabel Blanco Rivas.
Isabel Blanco Rivas estudou Dereito en Granada e exerce como letrada en Vigo desde 1989. Está especializada en Dereito Matrimonial e de Familia, en Violencia de Xénero e en menores.
Muller comprometida coa lingua, coa música, coa terra; feminista, cun elevado sentido da xustiza, afirma que o exercicio da avogacía dálle liberdade para investir no que é a súa verdadeira paixón: a cultura.
A Isabel gústalle escribir historias que emocionan, que fan ás persoas máis humanas, máis grandes e extraordinarias. Afirma que non escribe desde a traxedia, senón desde a dificultade que fai que as persoas se superen.
Hoxe, 11 de febreiro, día Internacional da Muller e da Nena na Ciencia Isabel veu ao centro a presentarnos a súa última obra “Galegas na Ciencia” que recolle as biografías de 20 galegas que abriron as portas da ciencia vencendo obstáculos, burlas e desprezos.
Isabel estivo acompañada pola nosa alcaldesa, Digna Rivas, a quen lle agradecemos que o Concello teña agasallado ao alumnado de 4º ESO A e 4º ESO B con cadanseu exemplar do libro “Galegas na Ciencia”.
Foi unha charla moi amena e participativa, imprescindible para tomar conciencia de que as mulleres temos moito que dicir, tamén no ámbito científico.
Deixámosvos unas fotografías da xornada.
![AnimatedGIFsFantasybookoflife_thumb[2].gif (930×629) | Beautiful gif, Animated images, Animated gif](https://i.pinimg.com/originals/f9/7d/d8/f97dd8608f28436aa61a3e6436989016.gif)
