Skip to Content

Ligazóns importantes

Bienvenido/a a nuestra página Web ESCRITO ASINADO POLOS CENTROS DE REDONDELA "POLA SAÚDE MENTAL DA NOSA MOCIDADE" Bienvenido/a a nuestra página Web

 Emails do profesorado                                                                                                                                                                     Horarios de atención a nais e pais                                               

Novas

Axudas para adquirir material escolar. Curso 2022-2023

Publicouse a Orde do 29 de abril de 2022 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2022/23.

A cuantía da axuda para adquirir material escolar será de 50€ para as familias cunha renda per cápita igual ou inferior a 6000€.

Poden consultar toda a información na seguinte ligazón do DOG

Procedemento de reclamación de 2º de bacharelato

Achegamos os modelos necesarios para reclamar as cualificacións de 2º de bacharelato. Calquera deles hai que presentalos no centro para rexistro antes da data límite. As datas límites son as seguintes:

Convocatoria ordinaria

Reclamación ante a dirección: 20 de maio ata as 14:00

Reclamación ante a Xefatura Territorial: 25 de maio ata as 14:00

Convocatoria extraordinaria

Reclamación ante a dirección: 27 de xuño ata as 14:00

Reclamación ante a Xefatura Territorial: 1 de xullo ata as 14:00

Para poder ver os distintos trámites e prazos do proceso de reclamación, poden descagar o seguinte arquivo:

Trámites e datas do proceso de reclamación das cualificacións de 2º de bacharelato na convocatoria ordinaria

Trámites e datas do proceso de reclamación das cualificacións de 2º de bacharelato na convocatoria extraordinaria

 

A normativa que rixe o proceso é a seguinte:

 

Convocatoria da ABAU de 2022

Deixámosvos por aquí a convocatoria da ABAU de 2022. En dita convocatoria, podedes consultar, os plazos, a estructura das probas e todo o relacionado coa ABAU deste curso escolar.

 

Convocatoria completa ABAU 2022

Calendario e horarios de ABAU 2022

Para descargar  os horarios da convocatoria de xuño de 2022 podedes pinchar na seguinte ligazón:

 

Horarios ABAU xuño 2022

Plataforma de préstamo de contidos dixitais: E-LBE.2

Está a disposición de todas as persoas usuarias da biblioteca do IES Mendiño un novo recurso: E-LBE.2. Unha plataforma de lectura e préstamo de contidos dixitais, que de xeito totalmente gratuíto pon á nosa disposición máis de 3 000 títulos.
Ademais de todos os libros e recursos cos que xa conta a nosa biblioteca, esta nova plataforma de contidos dixitais permitaranos acceder ao seu amplo catálogo a través do noso computador, móbil, tablet ou dispositivo dixital.
Aprovéitao! Sorprenderate todo o que podes atopas. Na ligazón que achegamos aparece toda a información dispoñible.

Instrucións

Concreción curricular do IES Mendiño para este curso, 2021-2022

A entrada en vigor da nova lei de educación, a LOMLOE, obrigou a modificar as programacións didácticas vixentes desde principio de curso. Cada centro educativo tivo que proceder á modificación curricular, seguindo o indicado na Orde do 25 de xaneiro de 2022, pola que se actualiza a normativa de avaliación nas ensinanzas de educación primaria, de educación secundaria obrigatoria e de bacharelato no sistema educativo de Galicia.

Isto supón a modificación dos criterios de avaliación, promoción e titulación. Por outra banda os departamentos didácticos do centro concretan  as actividades de apoio, reforzo, recuperación e ampliación para o alumnado, no período que abrangue desde a 3ª avaliación até a avaliación final.

Poden acceder a toda esta información na web no centro, no apartado de Programacións Didácticas, ou entrando directamente desde esta ligazón:

http://www.edu.xunta.gal/centros/iesmendino/?q=node/884

 

A dirección do IES Mendiño

Publicación da listaxe provisional de admitidas/os para o curso 2022-2023

Todo o alumnado que presentou en prazo a solicitude de admisión para o curso 22-23 foi admitido no centro.

 

Atentamente 

A dirección.

Apertura de prazo para a solicitude de bolsas de estudo para o Bacharelato

Publicouse a convocatoria de bolsas de carácter xeral para o curso académico 2022-2023 para o alumnado que vaia cursar ensinanzas postobrigatorias. Isto afecta a todo ao alumnado que vai cursar estudos de BACHARELATO o próximo curso, así como os que van acceder á Universidade.
Na referida convocatoria establecese o prazo de solicitude: será do 30 de marzo de 2022 até o 12 de maio de 2022, ás 24,00h, ambos inclusive.
Achegamos a ligazón ao extracto da convocatoria de bolsas de carácter xeneral para o curso académico 2022-2023,publicado o 12 de marzo de 2022: “Extracto de la Resolución de 10 de marzo de 2022, de la Secretaría de Estado de Educación, por la que se convocan becas de carácter general para el curso académico 2022-2023, para estudiantes que cursen estudios postobligatorios”.

CHEGOU O ENTROIDO, XA NOS TARDABA!!!!!!!!!!!

Despois de dous anos sen poder celebralo por mor da pandemia, o venres 25 de febreiro retomamos a celebración do Entroido no patio do Mendiño, que se encheu de deportistas, persoal sanitario, personaxes de conto, animais, demos, animadoras, magas... e todo tipo de xente disposta a pasar unha xornada de troula practicando voleibol, pinfuvote, carreiras de sacos ou soga tira.

E claro, con tanta actividade física, precisabamos recuperar as forzas... e aí estaban as estrelas indiscutibles do Entroido: os chouripáns!!!!

Deixámosvos aquí unhas fotiños da nosa celebración! Pincha na imaxe para velas.

 

Pin en Egipto

ADMISIÓN ALUMNADO CURSO 2022-2023

NORMATIVA:

Decreto 13/2022 do 3 de febreiro de 2022

Orde do 12 de marzo de 2013

Orde do 25 de xaneiro de 2017 que modifica a orde de 12 de marzo de 2013

Orde do 18 de decembro de 2020 que modifica a orde do 12 de marzo de 2013

 

Na páxina web da Consellaría tamén se pode atopar toda a normativa:

 

Enlace a web da xunta

 

ADMISIÓN DE ALUMNOS/ASDo 1 de marzo ao 21 de marzo.

No seguinte arquivo poden consultar a documentación necesaria para a admisión:

 

Documentación necesaria

 

IMPRESOS DE ADMISIÓN:

Podes descargar o anexo II da seguinte ligazón e entregalo no centro: Impreso_Anexo II 

 

 

 

 

OFERTA DE PRAZAS VACANTES:

 

 No curso 2022-2023, no que se refire en 1º Bacharelato, no IES Mendiño vaise ofertar 3 modalidades do bacharelato:

  • Bacharelato Xeral (de nova implantación).
  • Bacharelato de Ciencias.
  • Bacharelato de Humanidades e Ciencias Sociais.

 

 

 

Distribuir contenido

 

  

Avenida Mendiño, 40

36693 Cesantes(Redondela)

Tlf: 886110590

Fax:886110599

ies.mendino@edu.xunta.es 



by Dr. Radut