IES de Melide

Iria Barreiro Vázquez de 1º BAC A acada o segundo premio do "Certame de Debuxo e Poesía Avelino Díaz" celebrado en Meira o pasado beres 28 de abril, convocado polos concellos de Riotorto e Meira e pola Asociación Cultural “Avelino Díaz”. O poema premiado titúlase “Barreiras”.

Parabens!

Este curso organizáronse no centro, coincidindo na semana do 3 ó 7 de abril, uns OBRADOIROS CULTURAIS para o alumnado dos grupos máis afectados pola falta de alumnado. Un dos obxectivos destes obradoiros era que o alumnado traballara na aula dunha forma distinta á tradicional eque ó mesmo coñecera distintas actividades e traballos que se están a facer no centro.

 continuación una pequena mostra do que foron estes obradoiros,

Obradoiro de "Música Electrónica", impartido por Mateo Mena quen cursou estudos de inxeñaría e de música e unificou estas dúas liñas aparentemente tan apartadas de coñecemento nun obradoiro no que ademais trata de concienciar sobre a reciclaxe. Amosou como con compoñentes tan sinxelos procedentes de aparatos vellos como un altofalante cables e uns clips se pode comezar a facer música.

Obradoiro de Cultura Clásica: as profesoras de cultura clásica Susana Losada e Teresa Alonso achegaro ó alumnado da ESO o obradoiro que levan o LVDI COMPOSTELLANI (OBRADOIROS DE CULTURA CLASICA) e o alumnado poido experimentar coa escrita e o vestiario na antigüedade.

Obradoiro de robótica: a profesora Nieves Martínez xunto co seu alumnado de robótica de 2º bach prepararon unha sesión para amosar como programar de forma sinxela que é un robot e desmostrar que iso da programación tampouco é tan complicado.

Obradoiro de impresión 3D: Nieves Martínez amousou ó alumnado como funciona a impresora 3D que recentemente acaba de chegar ó centro e que moi posiblemente dentro de poucos anos estará en moitos dos fogares e das empresas nas que traballará o noso alumnado.

Obradoiro de madeira: o alumnado de 4º ESO pasou polo taller de madeira onde o profesor Javier Iglesias explicoulles que se facía no ciclo de madeira, como traballaban os rapaces e os traballos que están a facer os alumnos e alumnas actuais do ciclo.

Obradoiro de fotografía: o profesor Claudio Fernández explicou ó alumnado de TIC os segredos da fotografía e preparounos para unha labor moi especial, a edición da orla de 2º BAC. 

E para dar clausura esta semana tan intesa de traballo dúas alumnas de 2º BAC Nadia Sniba e Carlota Casal fixeron unha exposición maxistral sobre a súa perspectiva feminina da historia. Nadia e Carlota non son catedráticas nin traballan en ningunha institución pro-igualdade, son alumnas de bacharelato do noso centro e por propia iniciativa traballaron, investigaron e improvisaron sobre este tema para deixarnos a todos e todas abraiados.

NORABOA E MOITAS GRAZAS A TODAS E TODOS POLA VOSA COLABORACIÓN.

Como cada ano por estas datas recibimos a visita do alumnado dos CIPS adscritos (Nº1, Martagona, Pastor Barral, Toques e Arcediago).

O alumnado que de 1º de ESO capitaneou un acto informativo, flexible e interactivo no que se presentaron cuestións de interese relativas á nova etapa educativa que o alumnado iniciará; cuestións que atinxen á organización e funcionamento do IES e á liña de traballo que se segue, así como un breve percorrido polas instalacións do mesmo. 

O acto rematou co espectáculo “NON SABEN QUEN ES” da compañía teatral Duende Sico, promovido dende a Deputación da Coruña e o Concello de Melide, dentro do programa de fomento da lingua galega “Coa lingua fóra".

O departamento de madeira segue a sorprendernos coa súa vea creativa. Nesta ocasión, e inspirados de novo pola conmemoración do 50º aniversario do IES de Melide, fan un repaso pola década dos 60 do s. XX, época na que comezou a súa andaina o IES de Melide. Parabéns por este traballo que fará as delicias dos máis vetranos da nosa comunidade escolar, que poden/podemos ver escenas, mobles e obxectos cotiáns da infancia ou xuventude. En que fogar non había unha vaixela duralex, as famosas latas de colacao, que volven estar de moda, ou un clásico sofá de skay marrón?

Ver presentación en biblomelide

O pasado xoves 6 de abril, un grupo de alumnas e alumnos que cursamos física en 2º de Bach no IES de Melide acompañadas polo noso profesor, tivemos a oportunidade de asistir a unha masterclass de física de partículas coordinada pola Facultade de Física da USC. Nesta xornada organizada en Santiago, participou o alumnado de diversos centros de Galiza, e ao mesmo tempo, noutros puntos do mundo outros alumnos de outros países, realizaron actividades semellantes coa finalidade de poñer en común os coñecementos extraídos ao final da xornada. Un claro exemplo do que representa o CERN, "a colaboración internacional entre científicos".
  A xornada constou de tres actividades: 1º Coloquios. A actividade arrancou cuns coloquios na aula magna da Facultade de Física. Varios físicos expuxeron de forma simplificada e adaptada ao noso nivel as bases da física de partículas, dunha forma entretida e liviá. Nesta breve clase explicóusenos canto debíamos saber para comprender as posterior1es probas e permitiunos sentirnos parte da comunidade científica por uns intres. Igualmente, moitos dos conferenciantes traballaban en colaboración co CERN, o acelerador de partículas suízo, e foi moi interesante aprender un pouco acerca dun dos máis importantes avances científicos da nosa época. 2º Practicas. Despois de asistir aos coloquios, dirixímonos as aulas informáticas nas que nos asignaron un ordenador por parellas. Neles traballamos cun programa informático que permite cotexar datos extraídos do LHC (un dos sensores que hai no acelerador de partículas). Deste xeito tivemos que poñer en práctica os coñecementos que compartiran con nos nas horas previas e xogar a ser físicos de partículas por unhas horas. Os datos que analizamos por parellas estaban enfocados a ser compartidos co resto de alumnos dos diversos países que participaron na xornada, pero iso xa forma parte da actividade seguinte. 3º Conferencia para compartir os datos obtidos.
  Unha vez rematada a clase práctica, era hora de analizar os resultados obtidos por nós e comparalos cos obtidos nas outras universidades do mundo onde fixeron o mesmo traballo. Para iso, dous compañeiros voluntarios ían actuar como representantes de Santiago para expoñer os resultados do laboratorio. Fomos a unha sala de conferencias onde puidemos establecer contacto coas universidades dos outros países como Croacia, Finlandia ou Alemaña. Cada unha compartiu os seus resultados e analizamos o conxunto (obviamente, toda a comunicación produciuse en inglés). Despois duns momentos de charla entre uns e outros, os moderadores da teleconferencia no CERN propuxéronnos unha pequena proba no que tiñamos que aplicar todo o aprendido. Ao rematala, entregáronnos un diploma, e marchamos para casa cunha experiencia nova e cuns poucos coñecementos da física nuclear nos nosos petos.
 En definitiva, foi unha experiencia que sen dúbida nos aportou moito e que estariamos encantadas de repetir. Experiencias coma esta fan que lembres porque escolliches o camiño das ciencias.

PROBAS FINAIS ORDINARIAS 18-19 2º BAC

ACTUACIÓNS E ACTIVIDADES DOCENTES (FINAL DE CURSO 18-19 - ORDINARIA) 2º BAC 

Tedes a continuación a presentación que nos fixo o profesor Luis Hervella da Univesdidade de Santiago onde explica todo o relativo ás probas ABAU.

PABAU

O posuidor da papeleta que teña o número 7314 foi o gañador do sorteo realizado nas VIAXES CULTURAIS A LONDRES E PORTUGAL do IES de Melide.

O afortunado/a poderá desfrutar dunha cea para dúas persoas a escoller dentro da carta do RESTAURANTE MARISQUERÍA SAN ROQUE e dunha sesión de peiteado, manicura e maquillaxe en GÓMEZ ANDÓN PERRUQUERÍA MIXTA.

Dende o IES de Melide queremos agradecer a estes dous establecimentos RESTAURANTE RAXERÍA SAN ROQUE E PERRUQUERÍA MIXTA GOMEZ ANDÓN así como á IMPRENTA MELIGRAF a sua colaboración desisnteresada neste sorteo.

NORABOA AO AFORTUNAD@

LEMBRÁMOSLLES QUE HAI UN PRAZO DE 15 DÍAS PARA RECLAMAR O PREMIO.

A alumma do IES de Melide Anabel López Blanco de 1º de bac. recibiu unha mención honorífica na súa participación no concurso organizado por política lingüística " O galego, Lingua de namorar ", en palabras dos organizadores "pola súa frescura e denotación pola identidade e lingua propias". Máis información na páxina oficial do concurso.

 Noraboa Anabel

Os días 23 a 26 do pasado mes de marzo celebrouse en Pamplona a Olimpíada Nacional de Bioloxía 2017. Como representante de Galicia asistiu, xunto con outros dos rapaces, a nosa alumna Uriela García Rico, a cal foi acompañada pola súa profesora Cristina Viqueira Gómez.

A proba constou de dúas partes, unha teórica e outra práctica.

A parte teórica consistiu na resolución de 150 preguntas tipo test sobre as distintas áreas de coñecemento da bioloxía que se estudan ao longo de toda a etapa da ESO e do Bacharelato (Xenética, Fisioloxía e Histoloxía animal e vexetal, Bioquímica, Microbioloxía, Zooloxía, etc.).

Ao día seguinte tivo lugar a parte práctica, na que, nos laboratorios da Facultade de Bioloxía de Pamplona, os participantes realizaron 4 prácticas de carácter experimental empregando o material e as técnicas coas que se traballa hoxe en día nas universidades.

Durante os 4 días que os alumnos/as estiveron en Pamplona non todo foron exames, tamén houbo grandes momentos de ocio e convivencia, xa que tiveron a oportunidade de coñecer distintos lugares de interese da cidade e dos arredores, tales como o Planetario de Pamplona ou o Faial do Parque Natural “Señorío de Bertiz”.

Aínda que Uriela non foi seleccionada para representar a España na Olimpíada Internacional, demostrou, unha vez máis, os seus amplos coñecementos, a súa excelente preparación e a súa boa actitude. O IES de Melide e, en especial, os compoñentes do departamento de Ciencias Naturais, senten unha enorme honra de contar con rapazas e rapaces tan motivados como Uriela.

Parabéns por chegar ata tan lonxe Uriela!