You are hereActividades / Escolares, Complementarias, Extraescolares, Actividades, Programación

Escolares, Complementarias, Extraescolares, Actividades, Programación


DÍA DA POESÍA

 O día Mundial da Poesía celébrase o 21 de marzo, equinoccio de primavera, e foi declarado pola Unesco no ano 1999 co obxectivo de apoiar a diversidade lingüística a través da expresión poética. Nós imos alongar durante esta semana a conmemoración para disfrutar desta "Primavera dos e das poetas", lendo poemas durante os recreos na biblioteca do IES, en todas as linguas que conviven no noso instituto. Da man das musas, queremos que as nosas verbas e outras emprestadas, deixen un eco de beleza no aire, compartindo a palabra poética para medrar na experiencia vital. 

O ÁLBUM DO DÍA DA MULLER: CREACIÓN COLECTIVA DO ALUMNADO DO IES

 Ao longo desta semana, o noso alumnado foi enviando retratos para este álbum que pretende homenaxear a mulleres de todas as épocas, unhas máis coñecidas, e outras relevantes pero difuminadas pola historia, para lembrarnos que foron moitas as que ao longo dos anos contribuiron a engrandecer o noso mundo, e a abrir xanelas ao coñecemento e ás artes.

 Compartimos con vós o noso traballo neste enlace, podedes ver o álbum da muller 2021, que esperamos que siga aumentando:

https://www.canva.com/design/DAEX1PowJSk/X7bjUlnbR382lc1gD69OZg/watch?utm_content=DAEX1PowJSk&utm_campaign=designshare&utm_medium=link&utm_source=publishsharelink

PREMIADOS NO FESTIVAL VIRTUAL DE ENTROIDO 2021

 Os premiados no concurso festival virtual do IES de Melide 2021 son:

Categoría Clase:

  • 1º premio: 2º ESO B
  • Accésit:     2º ESO D

Categoría comparsa: deserta.

DÍA INTERNACIONAL CONTRA A VIOLENCIA DE XÉNERO NO IES DE MELIDE

Conmemoramos o día 25 de novembro no IES de Melide para poñer de relevo o noso rexeitamento cara unha realidade que cada ano están a sofrer mulleres de todo o mundo. Co gallo desta data, realizouse unha curtametraxe co alumnado de 2º de Bacharelato e recibimos a Carme Liñeiro, concelleira de Política social, Igualdade e Saúde do Concello de Melide. Ex-alumna do noso IES, a concelleira compartiu con alumnado de Bacharelato a súa experiencia no mundo do traballo social e no eido da igualdade e os conflitos de xénero.

DÍA 25 DE NOVEMBRO: 2º BACHARELATO CONTRA A VIOLENCIA DE XÉNERO

O alumnado de 2º de Bacharelato do IES de Melide quere conmemorar o día 25 de novembro, Día Internacional contra violencia de xénero a través desta curtametraxe realizada en colaboración coa Concellería de Política Social, Igualdade e Saúde do Concello de Melide.

 

 

FELIZ DÍA DAS LETRAS GALEGAS...DESCONFINEMOS O GALEGO!

Hoxe vivimos un 17 de maio un pouco particular, pero o noso alumnado decidiu desconfinar o galego adicando unhes minutos a Ricardo Carvalho Calero, a quen se lle adica o día das Letras Galegas este ano. Feliz día das Letras!!

 No vídeo, a alumna Carla Rivadulla de 2º de BAC.

LIVING RIVER: PRIMEIRA SAÍDA Ó RÍO

Despois de moito tempo agardando que as condicións climatolóxicas mellorasen...o luns 9 de marzo o tempo estivo da nosa parte e puidemos facer a primeira saída ó río! Alumnado e profesorado de 1º de BAC das materias de Bioloxía e Xeoloxía e Física e Química, levamos as bolsas (con aproximadamente 1.5g de folla de amieiro no seu interior) xa preparadas e colocándolas nunha parte do río Martagona próxima ó instituto. Tras seleccionar certos puntos nesa zona do río que levasen menos corrente, colocamos nas árbores máis próximas a ditos puntos, cartaces informativos sobre o proxecto: quen está implicado, cal é o obxetivo, información sobre o coñecemento do proxecto e autorización de Augas de Galiza...

Paralelamente á colocación dos cartaces introducimos os 4 grupos de 4 bolsas no río. Cada un destes grupos de bolsas deberíase recoller cada 7 días para sacar as follas, secalas e finalmente determinar a variación de masa de folla para logo calcular a súa velocidade de descomposición. Esta velocidade de descomposición permite coñecer, en base a datos tabulados, a calidade da auga do río no que se fai a investigación.

 

Colocadas as bolsas, determinamos parámetros físicoquímicos e bioquímicos da auga do río Martagona como: pH, temperatura, osíxeno disolto, turbidez e presencia de bacterias coliformes. A análise dos mesmos parece amosar que estas augas teñen boa calidade!

 

 

CONMEMORACIÓN: SEMANA DE ROSALÍA

Durante a semana do 2 ao 6 de marzo de 2020, conmemorouse no IES de Melide a semana de Rosalía.  Durante esta semna, a banda musical que se escoitou durante os receros foi "Rosalía musicada" e ademáis contamos cun pousadoiro fototgráfico, recitado de poesía... 

 

Por outra banda, o xoves día 5 na biblioteca do centro contamos cunha lectura de fragmentos de distintas obras de Rosalía, un recitado conxunto dalgúns dos sus poemas e con unha adpatación ó flamenco de Negra Sombra. 

 

 

 

CONMEMORACIÓN DÍA INTERNACIONAL DA MULLER

Con motivo do día internacional da muller, no IES de Melide leváronse a cabo obradoiros nos que diferentes mullleres que tiveron un papel relevante no mundo da ciencia, das artes, da literatura...foron as que foron achegando ó alumnado de 1º de ESO as pistas necesarias para poder recuperar un valioso tesouro! Este scape room foi levado a cabo por Xandobela, e a actividade foi financiada polo concello de Melide.

CHARLA PREVENCIÓN DE CONDUCTAS ADITIVAS

Dende o Concello de Melide, impartíronse no IES de Melide unhas charlas orientadas á prevención de condutas aditivas. As charlas, orientadas ó alumnado de 2º de ESO tiveron lugar durante o 2 e 3 de marzo.

 

Contacto

Teléfono: 881866109

PARA A ATENCIÓN NO CENTRO

SOLICITAR CITA PREVIA 

Correo-e: ies.melide@edu.xunta.es

Escola Oficial de Idiomas

AS NOSAS CREACIONS

CALENDARIO

Radio na Biblio

Distribuir

Distribuir contido